ەلىمىز شىعىس سولتۇستىك جۇڭگو جابايى جولبارىسىن تۇڭعىش رەت قۇتقاردى ءارى تابيعاتقا قويا بەردى

2021.05.19 13:44   كەلۋ قاينارى : حالىق تورابى

　　شينحۋا اگەنتتىگىنىڭ ءتىلشىسى حۋ لۋ، جوۋ يۋان 5 – ايدىڭ 18 – كۇنى حاربيننەن حابارلايدى. ءتىلشى 5 – ايدىڭ 18 – كۇنى حەيلۇڭجياڭ ولكەسى مۋليڭ ورمان شارۋاشىلىعى مەكەمەسى شەكتى سەرىكتەستىگى دۇڭشيڭ ورمان الاڭى تاۋزىفاڭ سايى 61 – ورمان اۋماعىندا وسىنىڭ الدىندا ميشان قالاسىندا ءساتتى قۇتقارىلعان شىعىس سولتۇستىك جۇڭگو جابايى جولبارىسىنىڭ 5 – ايدىڭ 18 – كۇنى چاڭبايشان تاۋى لاۋيە شوقىسى تاۋلى وڭىرىنە قويا بەرىلگەنىن كورگەن. مامانداردىڭ ايتۋىنشا، بۇل ەلىمىزدىڭ شىعىس سولتۇستىك جۇڭگو جابايى جولبارىسىن تۇڭعىش رەت ءساتتى قۇتقارۋى ءارى تابيعاتقا قويا بەرۋى.

　　4 – ايدىڭ 23 – كۇنى، شىعىس سولتۇستىك جۇڭگو جابايى جولبارىسى حەيلۇڭجياڭ ولكەسى ميشان قالاسى باييۇيتاڭ قالاشىعى لينحۋ قىستاعىنا كىرگەن، حەيلۇڭجياڭ ولكەلىك ورمان – جايىلىم مەكەمەسى مەن جەرگىلىكتى ۇكىمەت ونى ءساتتى قۇتقارعان سوڭ، جۇڭگو حۋاڭداۋحىزى مىسىق تۇقىمداس حايۋاناتتاردى باعۋ – باپتاۋ ورتالىعىنا جەتكىزىپ، سول جەردە ساۋىقتىرعان. جۇڭگو حۋاڭداۋحىزى مىسىق تۇقىمداس حايۋاناتتاردى باعۋ – باپتاۋ ورتالىعىنىڭ باس ينجەنەرى ليۋ دان بىلاي دەدى: ءجىتى باقىلاۋ، قۇتقارۋ جانە اۋاشالاۋ، سونىمەن بىرگە مامانداردىڭ ساراپتاۋ – ىسپاتتاۋ جۇرگىزۋى ارقىلى بۇل شىعىس سولتۇستىك جۇڭگو جابايى جولبارىسىنىڭ فيزولوگيالىق كورسەتكىشتەرىنىڭ قالىپتى ەكەنى، قالىپسىز ارەكەتتەر مەن ىندەتكە شالدىعۋ حاۋپى جوق ەكەنىن، تابيعاتقا تەز ارادا قويا بەرۋگە ۇيلەسەتىنى تۇراقتاندىرىلعان.

　　اتالعان جولبارىس بايقالعان جەردىڭ ماڭىندا تار ورمان بەلدەۋى بار، اينالاسىندا اتىز، قىستاق ورنالاسقان، توتە قويا بەرۋگە ۇيلەسىمسىز، ماماندار سول جەرگە بارىپ تەكسەرۋ جۇرگىزۋ، ساراپتاۋ ارقىلى ورمان الابى، قىستاقتىڭ تارالۋى، اڭنىڭ سانى قاتارلى فاكتورلاردى ويلاستىرا كەلە، سونىمەن بىرگە جابايى شىعىس سولتۇستىك جۇڭگو جولبارىستارىنىڭ اراسىندا بولاتىن قاقتىعىستاردان ساقتانۋ ءۇشىن، دۇڭشيڭ ورمان الاڭى ارقىلى چاڭبايشان تاۋى لاۋيە شوقىسى سىلەمى وڭىرىنە قويا بەرۋدى تۇراقتاندىرعان.

　　ۇعىسۋعا قاراعاندا، اتالعان شىعىس سولتۇستىك جۇڭگو جولبارىسىن تابيعاتقا قويا بەرگەننەن كەيىن، ادام مەن جولبارىستىڭ حاۋىپسىزدىگىنە كەپىلدىك ەتۋ ءۇشىن، مەملەكەتتىك ورمان – جايىلىم مەكەمەسى ىلگەرىندى – كەيىندى قىزمەتكەرلەردى جىبەرىپ، حەيلۇڭجياڭ ولكەسىنىڭ جولبارىستى تابيعاتقا قويا بەرۋ قىزمەتىنە جەتەكشىلىك ەتكەن، جولبارىستى قويا بەرەتىن وڭىرگە جالپى بەتتىك تەكسەرۋ جۇرگىزىپ، جابايى جولبارىسقا تونەتىن حاۋىپتى فاكتورلاردى الاستاۋدى، جەرگىلىكتى قىستاق تۇرعىندارىنا حاۋىپسىزدىك پەن شۇعىل جاعدايعا توتەپ بەرۋ بىلىمدەرىن ۇگىتتەۋدى ءارى سوڭىنان ىزىنە ءتۇسىپ باقىلاۋ، ساقتىق سەگنالىن جاريالاۋ جانە شۇعىل جاعدايلادى ءبىرجاقتى ەتۋ جونىندەگى دايىندىقتاردى ويداعىداي ىستەۋدى، جولبارىستىڭ قىستاقتاعى تۇرعىندار رايونىنا جاقىنداعانى بايقالسا، دەرەۋ حاۋىپسىزدىكتى ساقتاۋ شارالارىن قولدانۋدى تالاپ ەتكەن.

　　كەلەسى قادامدا، عىلىمي زەرتتەۋ قىزمەتكەرلەرى جولبارىستىڭ تۇزدەگى دەنساۋلىق جاعدايى، ارەكەت داعدىسى، تۇقىم قۋالاۋ ينفورماتسيالارى، تىرشىلىك ەتۋ قابىلەتى قاتارلى جاقتارىنا ۇزدىكسىز باقىلاۋ جانە زەرتتەۋ جۇرگىزەدى.

　　كەلۋ قاينارى: حالىق تورابى