لي كىچياڭ يتاليانىڭ زۇڭليى دراگيمەن تەلەفوندا سويلەستى
2021.05.18 15:14 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 17 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 5 - ايدىڭ 17 - كۇنى تۇستەن كەيىن جۇڭنانحايداعى زىگۋاڭگى سارايىندا يتاليانىڭ زۇڭليى دراگيمەن تەلەفوندا سويلەستى.
لي كىچياڭ مىنانى ءبىلدىردى: جۇڭگو مەن يتاليا − جان – جاقتى ستراتەگيالىق سەرىكتەر، ەكى ەل قاتىناسىنىڭ تەرەڭ تاريحي قورى جانە بەرىك مۇددە دانەكەرى بار. بىلتىردان بەرى ەكى جاق جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ حالىقارالىق سەلبەستىگىن قول ۇستاسا ورىستەتىپ، ءتۇيىندى سەلبەستىك نىساندارىندا بەلسەندى ىلگەرىلەۋشىلىككە قول جەتكىزدى. جۇڭگو جاق يتاليا جاقپەن ساۋدا، قارجى قوسۋ، ەنەرگيا، كليمات وزگەرىسىنە توتەپ بەرۋ سياقتى سالالارداعى سەلبەستىكتى ىلگەرىلەتۋدى قالايدى. كەلەر جىلى جۇڭگو - يتاليا مادەنيەت - ساياحات جىلىن ويداعىداي وتكىزىپ، گۋمانيتارلىق اۋىس - كۇيىستى كەڭەيتۋ كەرەك. 20 ەل توبى جۇلگەسىندەگى سەلبەستىكتى كۇشەيتۋ كەرەك. جۇڭگو - يتاليا قاتىناسى مەن سەلبەستىگىنىڭ تەرەڭدەۋى ەكى ەل حالىقتارىنىڭ باقىتىن ارتتىرۋعا ءتيىمدى بولارىنا سەنەمىن.
لي كىچياڭ بىلاي دەپ اتاپ كورسەتتى: جۇڭگو ەۆروپا وداعىمەن قاتىناسىنا باسا ءمان بەرەدى. ىنتىماقتى، گۇلدەنگەن ەۆروپا وداعى − دۇنيە ءجۇزىنىڭ بەيبىتشىلىگىن قورعايتىن، كوپ جاقتىلىقتى قولدايتىن، ەركىن ساۋدانى ىلگەرىلەتەتىن ماڭىزدى كۇش. ەكى جاقتىڭ ۇلكەن بەتالىستى يگەرىپ، ناقتى سەلبەستىكتى اشىق بەينەمەن ىلگەرىلەتۋدە تاباندى بولىپ، ءوزارا قۇرمەت ەتۋ نەگىزىندە الاۋىزدىقتاردى پىكىرلەسۋ، كەڭەسۋ ارقىلى شەشۋىن ءۇمىت ەتەمىن. جۇڭگو - ەۆروپا سەلبەستىگى دۇنيە ءجۇزى ەكونوميكاسىنىڭ قالپىنا كەلۋىنە دەم بەرەدى، ەكى جاق بىرگە قۇلشىنىپ، جۇڭگو - ەۆروپا قارجى قوسۋ كەلىسىمىنىڭ ەرتەرەك كۇشكە يە بولۋىن ىلگەرىلەتۋى كەرەك. يتاليانىڭ ەۆروپا وداعىنىڭ ماڭىزدى مۇشەسى رەتىندە جۇڭگو - ەۆروپا قاتىناسىنىڭ اقاۋسىز، ورنىقتى دامۋىن جەبەۋدە ۇزدىكسىز بەلسەندى رول اتقارۋىن ءۇمىت ەتەمىن.
دراگي مىنانى ءبىلدىردى: يتاليا يتاليا مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىنا ايرىقشا ءمان بەرەدى، جۇڭگومەن بىرگە ەكى جاقتىڭ ماڭىزدى سەلبەستىك نىساندارىن ۇزدىكسىز ىلگەرىلەتىپ، ەكى ەلدىڭ ەنەرگيا، اۆياتسيا، ەكونوميكا - ساۋدا، قارجى قوسۋ سياقتى سالالارداعى سەلبەستىگىن تەرەڭدەتىپ، كەلەر جىلعى يتاليا - جۇڭگو مادەنيەت - ساياحات جىلىن وراي ەتىپ، ەكى جاقتىڭ گۋمانيتارلىق اۋىس - كۇيىسىن جەبەۋدى قالايدى. جۇڭگو جاقتىڭ يتاليا جاقتىڭ 20 ەل توبىنا ءتوراعا ەل بولۋ قىزمەتىنە قولداۋ كورسەتكەنىنە العىس ايتامىز، جۇڭگومەن كوپ جاقتى ىستەردەگى تىلدەسۋدى، سايكەسۋدى كۇشەيتىپ، حالىقارالىق ىندەتكە قارسى اتتانۋ سەلبەستىگىن بىرگە ىلگەرىلەتىپ، دۇنيە ءجۇزى ەكونوميكاسىنىڭ قالپىنا كەلۋىن جەبەپ، كليمات وزگەرىسى سياقتى سىن - سايىسقا تىزە قوسا توتەپ بەرۋدى قالايمىز. ەۆروپا مەن جۇڭگونىڭ قارجى قوسۋ كەلىسىمى − ەكى جاق كەلىسكەن ماڭىزدى ورتاق تانىم، يتاليا جاق ەرتەرەك پىكىرلەسۋ ارقىلى كەيىنگى بارىستى ىلگەرىلەتۋدى قولدايدى.
حى ليفىڭ قاتارلىلار جوعارىداعى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
