ءوندىرىس ورنىقتىلىق بارىسىندا ارتىپ، سۇرانىم ۇزدىكسىز كەڭەيدى، جۇمىستاندىرۋ جالپى تۇلعالىق جاقتان ورنىقتى بولدى
جۇڭگو ەكونوميكاسى ورنىقتىلىق بارىسىندا بەكەمدەلىپ، ورنىقتىلىق بارىسىندا جاقساردى (جاڭا ساندى مالىمەت، جاڭا ءتۇيىن)
«حالىق گازەتىنىڭ» تىلشىلەرى لۋ يانان، ديڭ ي – تيڭ
2021.05.18 15:19 كەلۋ قاينارى : حالىق تورابى
جوعارى تەحنيكالى جاساۋ كاسىبىنىڭ ارتقان قۇنى سايكەس مەزگىلدەگىدەن %12.7 ارتقان، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى سايكەس مەزگىلدەگىدەن %17.7 ارتقان، بۇكىل ەلدىڭ قالا – قالاشىقتارىندا تەكسەرىلگەن كاسىپسىزدىك شاماسى الدىڭعى ايداعىدان 0.2 پايىز تومەندەگەن ... مەملەكەتتىك ساناق مەكەمەسى 5 - ايدىڭ 17 - كۇنى جاريالاعان ساندى مالىمەتتە كورسەتىلۋىنشە، 4 - ايدا ەلىمىزدىڭ ءوندىرىس قاجەتى ءۇرتىس ارتقان، جۇمىستاندىرۋ، زات باعاسى جالپى جاقتان ورنىقتى بولعان، جاڭادان گۇلدەنگەن قوزعاۋشى كۇشتەر جەتىلدىرىلىپ، نىعايتىلىپ، حالىق شارۋاشىلىعى ءۇرتىس ورنىقتى قالپىنا كەلگەن.
ءوندىرىس ورنىقتىلىق بارىسىندا جوعارىلاپ، جاڭا قوزعاۋشى كۇش ۇزدىكسىز زورايدى. بىرنەشە كۇننىڭ الدىندا ەلىمىزدە وندىرىلگەن 15 مەترلىك ديامەترى وتە ۇلكەن لاي - سۋدى تەڭگەرۋ ماشيناسى «جىجياڭ» ءنومىرلى جىجياڭ جۇڭگو تەمىر جولى قۇرىلىس جابدىقتارى شەكتى سەرىكتەستىگىندە ءساتتى ىسكە قوسىلدى. جۇڭگو تەمىر جولى ينجەنەرياسى جابدىقتاۋ توبىنىڭ باس ديرەكتورى جاۋ حۋانىڭ تانىستىرۋىنشا، ديامەترى 5 قابات عيماراتتىڭ بيىكتىگىمەن قارايلاس، ۇزىنى 120 مەتر كەلەتىن، سالماعى 4 مىڭ 300 تونناعا جەتەتىن وسى «الىپ زورەكەر» حاڭجوۋدىڭ وزەن جولى سۋ جەتكىزۋ ءدالىزى مەن جول دەڭگەيىن جوعارىلاتۋ ينجەنەرياسىندا ءوز ونەرىن ايگىلەيدى ەكەن.
4 – ايدا ەلىمىزدىڭ كولەمدەنگەن ونەركاسىبىنىڭ ارتقان قۇنى سايكەس مەزگىلدەگىدەن ورتا ەسەپپەن %6.8 ارتىپ، الدىڭعى ايداعىدان 0.6 پايىز تەزدەگەن. مۇنىڭ ىشىندە جابدىق جاساۋ كاسىبى مەن جوعارى تەحنيكالى جاساۋ كاسىبى 2 جىلدا ورتا ەسەپپەن ۇقساس مەزگىلدەگىدەن جەكە – جەكە %11.2 جانە %11.6 ارتىپ، بارلىق كولەم قالىپتاستىرعان ونەركاسىپتىڭ ارتقان قۇنىنىڭ ارتۋ قارقىنىنان كورنەكتى تەز بولعان. جاسىل، تومەن كومىرتەكتى، زەردەلى جاڭا ونىمدەر دە ءبىرشاما تەز ارتىپ، جاڭا ەنەرگيالى اۆتوموبيل، ونەركاسىپ قۇلتەمىرى ءونىم مولشەرى 2 جىلدا ورتا ەسەپپەن 2 ورىندى سان بويىنشا ارتقان.
سۇرانىس ۇزدىكسىز كەڭەيىپ، بازار تۇلعالارىنىڭ ومىرشەڭدىك كۇشى ارتقان. بيىلعى كوك شىبىق كەزىندە بۇكىل ەل بويىنشا ساياحاتتاۋشىلاردىڭ مولشەرى شامامەن 102 ميلليون ادام - رەت بولىپ، سايكەس مەزگىلدەگىدەن %144.6 ارتقان؛ بانكە بىرلەسپەسى توراپ ساۋداسىنىڭ سوماسى 903 ميلليارد 600 ميلليون يۋان بولىپ، سايكەس مەزگىلدەگىدەن %3.6 ارتقان ... تۇتىنۋ ومىرشەڭدىك كۇشى جۇڭگو ەكونوميكاسىنىڭ قارىشتاپ دامۋىن ايگىلەگەن.
تۇتىنۋدى قامتىعان ىشكى سۇرانىمدى ۇزدىكسىز كەڭەيتۋ 4 - ايداعى ەكونوميكالىق اينالىمنىڭ ماڭىزدى كورىنەۋ ءتۇيىنى بولعان. 4 - ايدا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 2 جىلدا ورتا ەسەپپەن بىلتىرعى سول تۇستاعىدان %4.3 ارتىپ، ورنىقتى ارتۋ جاعدايى ۇزدىكسىز جالعاسقان. 1 - ايدان 4 – ايعا دەيىن ناقتى زات تاۋارلارىنىڭ توراپتا بولشەك ساتىلۋ سوماسى 2 جىلدا ورتا ەسەپپەن سايكەس مەزگىلدەگىدەن %15.6 ارتىپ، 1 - ايدان 3 - ايعا دەيىن 0.2 پايىز تەزدەگەن. 1 - ايدان 4 – ايعا دەيىن تۇراقتى مۇلىككە قوسىلعان قارجى 2 جىلدا ورتا ەسەپپەن سايكەس مەزگىلدەگىدەن %3.9 ارتىپ، 1 - ايدان 3 - ايعا دەيىنگى شامادان ءبىر پايىز تەزدەگەن. كاسىپورىنداردىڭ مەجەسىنەن قاراعاندا، جاساۋ كاسىبىنىڭ PMI ءمانى مەن قىزمەت وتەۋ كاسىبىنىڭ ساۋدا قيمىل كورسەتكىشى ءۇرتىس 14 اي داعدارىستىق نۇكتەدەن جوعارى بولىپ، كاسىپورىنداردىڭ ومىرشەڭدىك كۇشى دە ۇزدىكسىز جاقسارىپ كەلەدى ەكەن.
جۇمىستاندىرۋ جالپى جاقتان ورنىقتى بولدى، كاسىپسىزدىك دەڭگەيى ورنىقتى تومەندەدى. فۋجيان ولكەسى جاڭاشا جۇمىستاندىرۋ كۇيىندەگى يكەمدى جۇمىستاندىرۋ ارناۋلى ۇسىنىس ەتۋ ءماجىلىسىن تۇڭعىش رەت اشتى، جاڭاشا جۇمىستاندىرۋ كۇيىندەگى 15 كاسىپورىن جەتكىزۋشى، قامبا باسقارۋشى، تالون تاپسىرىپ الۋشى سياقتى ءتۇرلى قىزمەت ورىندارىنان 5 مىڭ 549 ورىنعا قىزمەتكەر قابىلداماق بولدى؛ چيڭحاي ولكەسى ادام مەن جۇمىس ورنىن دالمە - ءدال ۇشتاستىرۋ تەكشەسىن قۇرىپ، «قىزمەت ورنىمەن قامداۋ ءتىزىمىن» «جۇمىستانۋدى نيەت ەتۋ سۇرانىس تىزىمدىگىمەن» دالمە - ءدال سايكەستىردى؛ حۋنان ولكەسى «حۋناندى جاسامپازدىقپەن اشۋ» ارەكەت جوسپارىن باستاپ، 2023 - جىلدىڭ سوڭىنا دەيىن يگىلىك جاراتۋ كۋرسى بويىنشا 360 مىڭنان استام ادامدى (رەت) تاربيەلەۋدى جوسپارلاپ، جاڭادان 12 ميلليارد يۋاننان استام يگىلىك جاراتۋ كەپىلدىك قارىز اقشاسىن تاراتىپ، 60 مىڭنان استام ادامدى سۇيەمەلدەۋگە كۇش سالدى...
ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ جەتىستىكتەرىنىڭ ونان ارى بەكەمدەلۋىنە، سونداي - اق جۇمىستانۋعا قىزمەت وتەۋدىڭ ۇزدىكسىز ساپالىلانۋىنا بايلانىستى، ەلىمىزدىڭ جۇمىستاندىرۋى جالپى جاقتان ورنىقتى بولدى. الدىڭعى 4 ايدا بۇكىل ەلدىڭ قالا - قالاشىقتارىندا جاڭادان جۇمىستانعاندار 4 ميلليون 370 مىڭ ادامعا جەتىپ، جۇمىستانۋ كولەمى جالپى جاقتان كەڭەيدى. 4 - ايدا بۇكىل ەل بويىنشا قالا – قالاشىقتا تەكسەرىلگەن كاسىپسىزدىك شاماسى %5.1 بولىپ، وتكەن ايداعىدان 0.2 پايىز تومەندەپ، سايكەس مەزگىلدەگىدەن 0.9 پايىز تومەندەگەن؛ 31 ءىرى قالانىڭ قالا – قالاشىعىندا تەكسەرىلگەن كاسىپسىزدىك شاماسى %5.2 بولىپ، 3 - ايداعىدان 0.1 پايىز تومەندەگەن. جۇمىستانۋ نەگىزگى تۇلعاسىنان قاراعاندا، 25 جاستان 59 جاسقا دەيىنگى جۇمىستانۋ نەگىزگى تۇلعالارىنىڭ كاسىپسىزدىك شاماسى %4.6 بولىپ، وتكەن ايداعىدان 0.2 پايىز تومەندەگەن.
مەملەكەتتىك ساناق مەكەمەسىنىڭ اقپارات مالىمدەمەشىسى فۋ ليڭحۇي بىلاي دەدى: «جالپى العاندا، 4 - ايدا ەلىمىزدىڭ ەكونوميكالىق اينالىمى ورنىقتىلىق بارىسىندا بەكەمدەلىپ، ورنىقتىلىق بارىسىندا جاقسارۋعا بەت الدى».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
