حان جىڭ جۇڭگو ورتا عىلىمىن زەرتتەۋ ورنىندا اڭگىمە ءماجىلىسىن باسقارىپ اشقاندا مىنانى دارىپتەدى
شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، ەكولوگيالىق ورتانى قورعاۋداعى ءتۇيىندى قىزمەتتەردى تاباندىلىقپەن ىلگەرىلەتۋ كەرەك
2021.05.19 15:57 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 18 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ 5 - ايدىڭ 18 - كۇنى جۇڭگو قورشاعان ورتا عىلىمىن زەرتتەۋ ورنىندا اڭگىمە ءماجىلىسىن باسقارىپ اشىپ، شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، ەكولوگيالىق ورتانى قورعاۋعا قاتىستى ءتۇيىندى قىزمەتتەردى اقىلداسىپ ورنالاستىردى.
حان جىڭ بىلاي دەپ اتاپ كورسەتتى: ەكولوگيالىق ورتانى قورعاۋ تەبىنىن ارتتىرىپ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋ قۇرىپ، حالىقتىڭ كۇن سايىن ارتىپ وتىرعان تاماشا ەكولوگيالىق ورتا قاجەتىن قاناعاتتاندىرۋ − جاڭا دامۋ كەزەڭىندە ساپالى دامۋدى ىلگەرىلەتۋدە بولۋعا ءتيىستى مازمۇن. پارتيانىڭ 18 – قۇرىلتايىنان بەرى شي جينپيڭ ەكولوگيالىق وركەنيەت يدەياسى جۇرت جۇرەگىنە تەرەڭ ۇيالاپ، ەلىمىزدىڭ ەكولوگيالىق وركەنيەت قۇرىلىسىندا كورنەكتى ونىمدىلىككە قول جەتكىزىلدى. اماليات ەكولوگيالىق ورتانى قورعاۋ مەن ەكونوميكالىق دامۋدىڭ ديالەكتيكالىق بىرلىك ەكەنىن، ءبىرىن - ءبىرى تولىقتايتىنىن دالەلدەدى. جاڭا دامۋ ۇستانىمىن جاپپاي دۇرىس دايەكتىلەندىرىپ، بايلىقتى ۇنەمدەۋ جانە قورشاعان ورتانى قورعاۋ سىندى نەگىزگى مەملەكەت ساياساتىندا تاباندى بولىپ، ماسەلەنى نىشان ەتۋدەن جازباي، جوعارى دەڭگەيدە جوبالاۋدى كۇشەيتىپ، ەكولوگيالىق وركەنيەت قۇرىلىسى ءدوپ كەلگەن كوپتەگەن قايشىلىقتار مەن سايىستاردى جەتە تانىپ، ەكولوگيالىق ورتانى قورعاۋداعى ءتۇيىندى قىزمەتتەردى تاباندىلىقپەن ىلگەرىلەتۋ كەرەك.
حان جىڭ مىنانى دارىپتەدى: سۋدىڭ لاستانۋىنان ساقتانۋ - جونگە سالۋ تەبىنىن ۇزدىكسىز ارتتىرىپ، تۇرعىنداردىڭ اۋىز سۋ حاۋىپسىزدىگىن ءونىمدى قامتاماسىزداندىرىپ، قالا مەن اۋىلداعى قارا، ساسىق سۋلاردى جونگە سالۋدى ۇزدىكسىز ورىستەتىپ، ۇلكەن وزەن، داريالاردىڭ سۋ ساپاسىن كۇش سالا جاقسارتۋ كەرەك. چاڭجياڭ وزەنى الابىنىڭ سۋ ەكولوگياسىن قالپىنا كەلتىرۋدى ويداعىداي ىستەپ، ورگانيزمدەردىڭ الۋان تۇرلىلىگىن قورعاۋدى كۇشەيتىپ، سۋ ەكولوگياسىن باقىلاۋ - تەكسەرۋدىڭ، باعالاۋدىڭ عىلمي كورسەتكىش جۇيەسىن زەرتتەپ ورناتىپ، ىنتالاندىرۋدىڭ، تەجەۋدىڭ ءونىمدى مەحانيزمىن قالىپتاستىرىپ، چاڭجياڭ ەكونوميكالىق بەلدەۋىن جاپپاي قورعاۋدى بىرگە يگەرۋدى ىشكەرىلەي ىلگەرىلەتۋ كەرەك. حۋاڭحى وزەنى الابىنىڭ ەكولوگياسىن قورعاۋدى جانە ساپالى دامۋدى تىڭعىلىقتى ىلگەرىلەتىپ، ءبىر تۇلعالاندىرىپ قورعاۋدا جانە جۇيەلى جونگە سالۋدا تاباندى بولىپ، وڭتۇستىكتىڭ سۋىن سولتۇستىككە جەتكىزۋدىڭ ۇلاسپالى ينجەنەرياسىن جوبالاۋ قۇرىلىسىندا ەكولوگيالىق ورتانى قورعاۋ تالابىن ويداعىداي تياناقتاندىرۋ كەرەك. شارالاردى جاڭالاپ، اۋىل شارۋاشىلىعىندا كولەمدىك لاستانۋدان ساقتانۋ - تىزگىندەۋدى ونان ارى كۇشەيتىپ، اۋىل - قىستاقتىڭ قونىس ورتاسىن جاقسارتۋ كەرەك.
حان جىڭ بىلاي دەپ اتاپ كورسەتتى: اتموسفەرانىڭ لاستانۋىنان ساقتانۋ - جونگە سالۋدى كۇشەيتۋدە ءتۇيىندى كورنەكتىلەندىرىپ، حالىق بۇقاراسىنىڭ تابىس سەزىمىن كۇشەيتۋ كەرەك. بەيجيڭ - تيانجين - حىبەي جانە ونىڭ توڭىرەگى، فىنحى - ۋيحى جازىعى سياقتى ءتۇيىندى وڭىرلەردىڭ اتموسفەراسىنىڭ لاستانۋىن جونگە سالۋدان قامال الۋدى ۇزدىكسىز ورىستەتىپ، اشىق اسپاندى قورعاۋ شايقاسىنىڭ جەتىستىكتەرىن بەكەمدەۋ، كەڭەيتۋ كەرەك. ءتۇيىندى كاسىپ سالالارىنىڭ قاجەتتەن اسىپ قالعان ءوندىرىس قۋاتىن ازايتۋ قىزمەتىن ۇزدىكسىز كۇش سالا ىلگەرىلەتىپ، ەنەرگيانى كوپ سارىپ ەتەتىن، لاس زاتتاردى كوپ شىعاراتىن نىسانداردى قاتاڭ تىزگىندەپ، لاس زاتتاردىڭ شىعارىلۋىن ازايتۋ كەرەك. بۇقارانىڭ ماڭايىنداعى كورنەكتى ەكولوگيالىق ورتا ماسەلەسىن كۇش سالا شەشىپ، ۇساق تۇيىرشىك زاتتار مەن وزوننىڭ سايكەسىمدى، مەڭگەرىمدى بولۋىن كۇشەيتىپ، اتموسفەرا ساپاسىنىڭ ۇزدىكسىز جاقسارۋىنا كەپىلدىك ەتۋ كەرەك.
حان جىڭ مىنانى ءبىلدىردى: كومىرتەگى قوس توتىعىن ىعىستىرۋدى جوعارى شەككە جەتكىزۋ، كومىرتەگىن بەيتاراپتاندىرۋ نىساناسىن جۇزەگە اسىرۋدا پوزيتسيا باتىل بولۋ، ۋاقىت كەستەسى، جول كارتاسى، قۇرىلىس چەرتوجى انىق بولۋ كەرەك. لاستانۋدى ازايتىپ، كومىرتەگى قوس توتىعىن تومەندەتۋدىڭ سايكەستى ونىمدىلىگىن ارتتىرۋدى ىلگەرىلەتىپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن جەبەۋ كەرەك. جۇيەلى كوزقاراستا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، ەنەرگيا قۇرىلىمىن ساپالىلاندىرىپ، تازا، تومەن كومىرتەكتى، حاۋىپسىز، جوعارى ءونىمدى ەنەرگيا جۇيەسىن ورناتۋ كەرەك.
ءماجىلىستىڭ الدىندا حان جىڭ ىلگەرىندى - كەيىندى اتموسفەرا فوتوحيميالىق ىس - تۇتەك ساندىعى تاجىريبەحاناسىنا، ورتا ولشەمى جانە حاۋىپ - قاتەرىن باعالاۋ مەملەكەتتىك ءتۇيىندى تاجىريبەحاناسىنا كەلىپ، اتموسفەرانىڭ اۋىر دارەجەدە لاستانۋ سەبەبى جانە جونگە سالۋدان قامال الۋ عىلمي زەرتتەۋ جەتىستىكتەرى جونىندەگى تانىستىرۋدى تىڭداپ، تاجىريبەحانانىڭ جالپى جاعدايىن ۇعىسىپ، سۋدىڭ لاستانۋىن تىزگىندەۋ جانە جونگە سالۋ عىلىم - تەحنيكاسىنداعى كەلەلى ارناۋلى جەتىستىكتەر كورمەسى جونىندەگى مالىمەتتى تىڭدادى.
ەكولوگيالىق ورتا مينيسترلىگىندەگى نەگىزگى جاۋاپتى جولداس قاتىستى جاعدايلاردى مالىمدەدى، مامانداردىڭ 4 ۋاكىلى چاڭجياڭ وزەنىنىڭ ەكولوگياسىن قورعاۋ، قالپىنا كەلتىرۋ، بىرلەسىپ زەرتتەۋ، ەكولوگيالىق ونىمدەردىڭ قۇنىن جۇزەگە اسىرۋ مەحانيزمى، كومىرتەگى قوس توتىعىن ىعىستىرۋدى جوعارى شەككە جەتكىزۋ، كومىرتەگىن بەيتاراپتاندىرۋ، يادرو جانە رادياتسيا حاۋىپسىزدىگى جونىندە جەكە - جەكە ءسوز سويلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
