جىجياڭ ولكەسى جياشيڭ قالاسى: «پارتيانىڭ شاپاعاتىن جىرلاپ، وتباسى ستيلىن جالعاستىرۋ» سىندى قىزىل وتباسى سالتى حيكاياسى جونىندە ۇگىت - لەكسيا جاسادى
2021.05.19 16:08 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 15 – كۇنى، حاڭجوۋ (ءتىلشى تاڭ تاۋ). «مەن 1945 - جىلى توڭكەرىسكە قاتىناستىم، كوپتەگەن جاۋىنگەر سەرىكتەرىمنىڭ ەرلىكپەن قۇربان بولعانىن كورگەنمىن، توڭكەرىس جەڭىسىنىڭ وڭاي - وسپاق قولعا كەلمەگەنىن ابدەن بىلەمىن. بيىل 93 جاسقا كەلدىم، ەڭ ارماندايتىنىم − پارتيا قۇرىلعانىنىڭ 100 جىلدىعى سىندى ۇلى ساتكە ءوز كوزىممەن كۋا بولۋ». ۇگىت - لەكسيا ساحناسىندا جاڭا 4 - ارميانىڭ ساقا جاۋىنگەرى ياڭ چياۋيۇن سول ءبىر جاپالى دا داڭقتى جىلداردى ەسكە الىپ، اسقاق سەزىممەن كورگەن – بىلگەنىن باياندادى.
«15 – مامىر» − «حالىقارالىق وتباسى كۇنى»، توڭكەرىستىك قىزىل قايىق ساپارىن باستاعان جەر جىجياڭ ولكەسىنىڭ جياشيڭ قالاسىندا «پارتيانىڭ شاپاعاتىن جىرلاپ، وتباسى ستيلىن جالعاستىرۋ» سىندى قىزىل وتباسى سالتى حيكاياسىن ۇگىتتەۋ قيمىلى دابىرالى ورىستەتىلۋدە. بۇل مەملەكەتتىك ايەلدەر بىرلەستىگىنىڭ جۇڭگو كوممۋنيستىك پارتياسى قۇرىلعانىنىڭ 100 جىلدىعىن سالتاناتپەن قۇتتىقتاۋ ءۇشىن وتباسىلارعا باعىتتاپ ورىستەتكەن قىزىل وتباسى سالتىن جالعاستىرۋ جەلىلەس ءتۇيىندى قيمىلدارىنىڭ ءبىرى سانالادى.
الدىڭعى مەزگىلدە اشىلعان قىزىل وتباسى سالتىن اڭگىمەلەۋ قيمىلىندا 3 ۇگىتشىنىڭ ناق مايدانعا كەلىپ اڭگىمەنى بايانداۋىنا دەن قويا ورنالاستىرۋ جاسالدى. توڭكەرىستىك اعا بۋىن ياڭ چياۋيۇننەن سىرت، قۇربانداردىڭ وتباسى مۇشەلەرى ۋاكىلى يۋان يىڭ، قىزىل قايىقتى قورعاۋشى جاڭ ي جەكە - جەكە ءتول كەشىرمەلەرى ارقىلى پارتيا تاريحى ۇگىتىن ورىستەتىپ، قىزىل وتباسى سالتى مادەنيەتىن تاراتىپ، وتباسىلاردى قىزىل تامىردى جاقسى قورعاپ، قىزىل وتباسى سالتىنا مۇراگەرلىك ەتۋگە ۇندەدى.
ۇعىسۋعا قاراعاندا، وسى رەتكى قيمىلدا تاعى ەڭ تاڭداۋلى 100 وتباسى مەن جياشيڭ قالا تۇرعىندارى وتباسىلارىنىڭ ۋاكىلدەرى «پارتيا 1 - قۇرىلتايىنىڭ ءماجىلىس قىزمەتكەرى − ۋاڭ حۇي -ۋ» دەپ اتالعان سۋ ءۇستى پارتيا ساباعىن تىڭداۋعا ۇسىنىس ەتىلگەن. ولار توڭكەرىستىك قىزىل قايىققا قۇرمەت ەتىپ، پارتياعا كىرۋ سەرتىن قايتا ەسكە الىپ، توڭكەرىستىك اۋەلگى ماقساتتى سەزىنىپ، ەڭ تاڭداۋلى وتباسىلاردىڭ ۇلگىلىك، جەتەكشىلىك رولىن ساۋلەلەندىرۋگە شابىتتاندىرىلىپ، بارشا وتباسى تاماشا وتباسى سالتىنا مۇراگەرلىك ەتۋگە جەتەكتەلدى.
قىزىل وتباسى ستيلىندەگى اڭگىمەلەردى كەڭىنەن تاراتۋ، جۇرت جۇرەگىنە تەرەڭ ۇيالاتۋ ءۇشىن، جياشيڭ قالاسى قىزىل قايىق قىزدارىنىڭ ۇگىت - لەكسيا ۇيىرمەسىن ۇيىمداستىرىپ، «قىزىل تاريحتى بالا - شاعامەن بىرگە ەسكە الۋ» قيمىلىن، «شەشەم ماعان كلاسسيكالىق شىعارمالاردى وقىپ بەرەدى» قيمىلىن ورىستەتىپ، بارشا وتباسى پارتيانىڭ سوزىنە قۇلاق اسۋ، پارتيانىڭ شاپاعاتىن جىرلاۋ، پارتياعا ىلەسۋ سىندى جاندى امالياتتى ايگىلەپ، پارتيا تاريحى جونىندەگى ۇگىت – لەكسيانىڭ بارشا وتباسىنا جەتۋىن جەبەدى.
جىجياڭ ولكەلىك ايەلدەر بىرلەستىگىنىڭ قاتىستى جاۋاپتىسى مىنانى ءبىلدىردى: «پارتيانىڭ شاپاعاتىن جىرلاپ، وتباسى ستيلىن جالعاستىرۋ» قىزىل حيكايا ۇگىت - لەكسيا قيمىلى قالىڭ وتباسىلاردى پارتيانىڭ 100 جىلدىق كۇرەس بارىسىن تەرەڭ تۇسىنۋگە، پارتيا مەن مەملەكەت ىستەرىنىڭ دامۋىندا قول جەتكەن تاريحي تابىستار مەن وتباسى تۇرمىسىندا تۋىلعان وراسان زور وزگەرىستەردى تەرەڭ تۇسىنۋگە جەتەكتەپ، قىزىل توڭكەرىس رۋحىنان ەكپىندەي ىلگەرىلەيتىن كۇش - قۋات قابىلداپ، جاڭا داۋىردە ەكپىندەي ىلگەرىلەۋگە، جاڭا ساپاردا كۇرەس جاساۋعا وتباسىنىڭ كۇش - قۋاتىن ازىرلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
