”جوعارى جىلدامدىقتى تاس جولدى بويلاپ شينجياڭعا نازار سالۋدىڭ“ 3 - كەزەڭى باستالدى
2021.05.19 16:47 كەلۋ قاينارى : شينجياڭ گازەتى
انار بۇلت/ شينجياڭ گازەتىنىڭ تىلشىلەرى جاۋ شييا، لۋ فىڭباۋ 5 - ايدىڭ 17 - كۇنى ۇرىمجىدەن حابارلايدى. 5 - ايدىڭ 17 - كۇنى ”جوعارى جىلدامدىقتى تاس جولدى بويلاپ شينجياڭعا نازار سالۋدىڭ“ 3 - كەزەڭى باستالدى، الداعى 10 كۇندە، انار بۇلت / شينجياڭ گازەتى جالپىلىق اقپارات قۇرالدارى حابارلاۋ توبى بەيجيڭ - شينجياڭ جوعارى جىلدامدىقتى تاس جولى (G7) شينجياڭ بولىگىن بويلاپ ”مادەنيەت توركىنىن ىزدەۋ ساپارى“ نەگىزگى تاقىرىپتىق حابار جازۋ قيمىلىن ورىستەتىپ، ءسىزدى مىڭ جىلدىق بايىرعى جولدىڭ بۇگىنگى وراسان زور وزگەرىسىن سەزىنۋگە جەتەكتەيدى.
بەيجيڭ − ءۇرىمجى جوعارى جىلدامدىقتى تاس جولى قىسقاشا جيڭشين جوعارى جىلدامدىقتى تاس جولى دەپ اتالادى، مەملەكەتتىڭ جوعارى جىلدامدىقتى تاس جول تورىنىڭ استانادان جان - جاققا تارالعان 7 - تارماعى، بەيجيڭ، حىبەي، سانشي، ىشكى موڭعۇل، گانسۋ، شينجياڭ سىندى 6 ولكە، رايون، قالانى باسىپ وتەدى، جالپى ۇزىندىعى شامامەن 2768 كيلومەتر كەلەدى. جيڭشين جوعارى جىلدامدىقتى تاس جولى شينجياڭ بولىگىنىڭ باسقى بەكەتى ميڭشۇي (شينجياڭ - گانسۋ شەكاراسى)، ودان ۋتۇڭ داچۋان، اراتۇرىك، باركول، موري، شونجى، جەمسارىنى باسىپ ءوتىپ، ەڭ سوڭىندا ۇرىمجىگە كىرەدى.
ۋتۇڭ داچۋان - اراتۇرىك - باركول - موري بولىگىن جيڭشين جوعارى جىلدامدىقتى تاس جولىنىڭ ”ەڭ سوڭعى ءبىر كيلومەترى“ دەپ اتايدى، 6 - ايدىڭ سوڭىندا كولىك قاتىنايدى، سول كەزدە جىبەك جولى ەكونوميكالىق بەلدەۋىنىڭ سولتۇستىك ارناسى جالپى بەتتىك سالىنىپ بولادى.
حابارلاۋ توبى جيڭشين جوعارى جىلدامدىقتى تاس جولى بويىنداعى تاريحي مادەنيەتتى جۇلگە ەتىپ، قالىڭ تور دوستاردى جانە وقىرمانداردى اراتۇرىكتى قورعاۋ شايقاسى ەسكەرتكىش سارايى، باركول جايلاۋى، بەسبالىق بايىرعى قالاسى قاتارلى جەرلەرگە باستاپ، تاريحي مادەنيەتتەن جۇرەكتىڭ ۇندەستىگىن ىزدەپ، جەرگىلىكتى ورىننىڭ مادەنيەت پەن ساياحاتتى توعىستىرۋ، ەكولوگيانى قورعاۋ سياقتىلاردىڭ جاڭا جولدارىن قاراستىرادى. سونىمەن بىرگە، جيڭشين جوعارى جىلدامدىقتى تاس جولىنىڭ ”ەڭ سوڭعى ءبىر كيلومەتر“ قۇرىلىسى جۇمىسى باسىنا بارىپ، قۇرىلىستىڭ ەڭ جاڭا اياق الىسىن ۇستىنەن حابارلايدى. انار بۇلت / شينجياڭ گازەتى جالپىلىق اقپارات قۇرالدارى حابارلاۋ توبى توعىستىرا حابارلاۋ باسىمدىعىن ۇزدىكسىز ساۋلەلەندىرىپ، جول بويىنداعى قىزىل گەن ىزدەرىن، كوركەم كورىنىس، ايگىلى ەسكەرتكىشتەردى جانە مادەنيەت مۇرالارىن جان - جاقتىلى، كوپ تۇرعىدان ەستەلىككە الادى جانە كورسەتەدى.
بۇل كەزەڭدە كوز تارتار تۇيىندەر كوپ، گازەتىمىز جۇرگىزەتىن ”شينجياڭدى اۋەدەن سۋرەتكە ءتۇسىرۋ“ قيمىلى الدا باستالادى، جەر - جەردەن ۇشىرۋشىلار باركول كولىنە جينالىپ جول بويىنداعى اسەم كورىنىستەردى سىزگە ”اسپاننان كورسەتەتىن“ بولادى؛ گازەتىمىز تاعى شينجياڭ جۇڭلوۋليان ساياحات قارجى قوسۋ شەكتى سەرىكتەستىگىمەن بىرلەسىپ ”جوعارى جىلدامدىقتى تاس جولدى بويلاپ شينجياڭعا نازار سالۋ● ۇيشە اۆتوكولىك كەلدى“ اتىنداعى بەينەجازبا ارناۋلى ايدارشاسىن اشىپ، وقىرماندار مەن عالامتورشىلاردى ۇيشە اۆتوكولىك مادەنيەتىن بىرگە سەزىنۋگە باستايدى.
”جوعارى جىلدامدىقتى تاس جولدى بويلاپ شينجياڭعا نازار سالۋ“ نەگىزگى تاقىرىپتىق حابارلاۋ قيمىلى 4 - ايدىڭ 7 - كۇنى باستالعان، العاشقى ەكى كەزەڭدە انار بۇلت / شينجياڭ گازەتى جالپىلىق اقپارات قۇرالدارى حابارلاۋ توبى ىركەس - تىركەس تۇرپان - حوتان جوعارى جىلدامدىقتى تاس جولىنىڭ (G3012) قىزىلسۋ وبلىسىنان حوتانعا دەيىنگى بولىگىندە، ليانيۇنگاڭ - قورعاس جوعارى جىلدامدىقتى تاس جولى (G30) شيڭشيڭشيادان شىحىزىعا دەيىنگى بولىگىندە، تۇرپان - حوتان جوعارى جىلدامدىقتى تاس جولى (G3012) تۇرپاننان اقسۋعا دەيىنگى بولىگىندە ”ۇلتتار ىنتىماعى ساپارى“، ”قىزىل ەستەلىك ساپارى“، ”جاپپاي دوڭگەلەك داۋلەتتىلىك ساپارى“ نەگىزگى تاقىرىپتىق حابارلاۋ جۇرگىزىپ، تىلشىلەر تىلشىلىك ىستەۋ - حابارلاۋ بارىسىندا ”ءتورت قابىلەتتى“ امالياتتا ىشكەرىلەي ايگىلەپ، جالپىلىق اقپارات قۇرالدارى تاسىلدەرىنەن تولىق پايدالانىپ، رايونىمىزدىڭ ەكونوميكالىق، قوعامدىق دامۋ تابىستارى مەن ءار ۇلت بۇقاراسىنىڭ باقىتتى تۇرمىسىن ەستەلىككە الدى جانە كورسەتتى، شينجياڭداعى ءار ۇلت بۇقاراسىنىڭ پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، ءبىر نيەتپەن دوڭگەلەك داۋلەتكە ۇمتىلعان حيكاياسىن جاندى بەينەلەدى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋعا سالتاناتتى دا دۋماندى، شات - شادىمان دا مەرەيلى، ىنتىماقتى دا ەكپىندەي ىلگەرىلەگەن قوعامدىق پىكىر رايىن قالىپتاستىردى.
پارتيا قۇرىلعاندىعىنىڭ 100 جىلدىعى ماڭىزدى تاريحي تۇيىنىندە ”جوعارى جىلدامدىقتى تاس جولدى بويلاپ شينجياڭعا نازار سالۋ“ نەگىزگى تاقىرىپتىق حابارلاۋ قيمىلى بۇكىل شينجياڭداعى 14 ايماق - وبلىس، قالانى قامتىپ، جوعارى جىلدامدىقتى تاس جولدى دانەكەر ەتىپ، 100 جىلدىق ۇلكەن پارتيانىڭ شۇعىلالى كۇرەس بارىسىن ءار قىرىنان كورسەتىپ، ومىرشەڭدىككە تولى شينجياڭدى جاندى بەينەلەيدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
