قورعانىس مينيسترلىگى: ا ق ش ارمياسىنىڭ حاۋىپتى ارانداتۋ ارەكەتىنىڭ سيپاتى وتە سۇركەيلى
2021.05.21 13:07 كەلۋ قاينارى : حالىق تورابى
قورعانىس مينيسترلىگىنىڭ مالىمدەمەشىسى تان كىفەي ا ق ش اسكەري كەمەسىنىڭ تايۋان بۇعازىنان كەسىپ ءوتۋى جانە ەلىمىزدىڭ شيشا ارالىنا تاۋەلدى تەڭىزگە زاڭسىز باسا كوكتەي كىرۋى جونىندە ءسوز جاريالادى
5 – ايدىڭ 18 – كۇنى ا ق ش – نىڭ «ۋيلبۋر» اتتى جويعىش كەمەسى تايۋان بۇعازىنان وتكەن، 5 – ايدىڭ 20 – كۇنى اتالعان اسكەري كەمە جۇڭگو ۇكىمەتىنىڭ بەكىتۋىنەن وتپەي تۇرىپ، جۇڭگونىڭ شيشا توپ ارالىنىڭ قاراماعىنداعى تەڭىز ايدىنىنا زاڭسىز تۇردە باسا كوكتەي كىرگەن. جۇڭگو حالىق ازاتتىق ارمياسىنىڭ قاتىستى سوعىس رايونىنىڭ تەڭىز، اۋە اسكەري كۇشتەرى زاڭ – بەلگىلەمەگە ساي ا ق ش اسكەري كەمەسىنە وكشەلەي باقىلاۋ جۇرگىزگەن ءارى ەسكەرتۋ بەرىپ، قۋالاعان. ا ق ش اسكەري كەمەسىنىڭ بىرنەشە كۇن ىشىندە تايۋان بۇعازىنان كەسىپ ءوتىپ، ەلىمىزدىڭ شيشا توپ ارالىنىڭ قاراماعىنداعى تەڭىز ايدىنىنا باسا كوكتەي كىرۋى — حاۋىپتى ارانداتۋ ارەكەتى، سيپاتى وتە ورەسكەل، ءبىز بۇل ىسكە باتىل قارسى تۇرامىز ءارى قاتاڭ جازعىرامىز.
تايۋان — جۇڭگونىڭ ايرىلماس بولىگى، تايۋان ماسەلەسى بۇكىلدەي جۇڭگونىڭ ىشكى ءىسى، جۇڭگونىڭ يەلىك ۇقىعى مەن تەرريتوريا تۇتاستىعىنا سايادى، جۇڭگو – ا ق ش قارىم – قاتىناسىنداعى ەڭ ماڭىزدى، ەڭ سەزىمتال ماسەلە. ا ق ش اسكەري كەمەسى تايۋان بۇعازىنان ءالسىن – ءالسىن باسا كوكتەي ءوتىپ، قارۋلى كۇشىمەن ماساتتانىپ، قاتەر ءتوندىردى، «تايۋان دەربەستىگى» بولشەكتەۋشى كۇشتەرىنە قاتە سەگنال بەردى، بۇل توتەنشە جاۋاپكەرسىزدىككە جاتاتىن حاۋىپتى ارەكەت، «وتپەن ويناعانمەن» بىردەي.
شيشا توپ ارالى — ەجەلدەن بەرى جۇڭگونىڭ تەرريتورياسى، «جۇڭحۋا حالىق رەسپۋبليكاسىنىڭ تاۋەلدى تەڭىز ايدىنى مەن ىرگەلەس وڭىرلەر زاڭىنا» نەگىزدەلگەندە، جۇڭگو ۇكىمەتى 1996 – جىلى شيشا توپ ارالىنا تاۋەلدى تەڭىزدىڭ نەگىزگى سىزىعىن جاريالاعان. ا ق ش اسكەري كەمەسىنىڭ جۇڭگونىڭ شيشا توپ ارالىنىڭ قاراماعىنداعى تەڭىز ايدىنىنا باسا كوكتەي كىرۋى جۇڭگونىڭ يەلىك ۇقىعى مەن حاۋىپسىزدىگىنە اۋىر زيان سالعاندىق، جۇڭگونىڭ زاڭى مەن حالىقارالىق زاڭعا قايشى كەلگەندىك، قاتىستى تەڭىز الابىنىڭ بەيبىتشىلىگىن، ورنىقتىلىعىن جانە تاماشا ءتارتىبىن بۇلدىرگەندىك.
ەلىمىز ا ق ش جاقتان جاعدايدى ايقىن تانىپ جەتىپ، ارانداتۋدى توقتاتۋدى، ءبىر جۇڭگو پرينسيپى مەن جۇڭگو – ا ق ش اراسىنداعى ءۇش ءتۇرلى بىرلەسكەن مالىمدەمەدەگى بەلگىلەمەلەرگە بويسۇنۋىن، ءوڭىردىڭ بەيبىتشىلىگى مەن ورنىقتىلىعىنا پايدالى ىستەرى كوبىرەك ىستەۋىن، جۇڭگو – ا ق ش ەكى ەل، ەكى ەل ارميا اراسىندا كەدەرگىلىك پەن اۋرەشىلىك تۋدىرماۋىن تالاپ ەتەدى. جۇڭگو ارمياسى ءارقانداي حاۋىپ – قاتەرلەر مەن ارانداتۋلارعا توتەپ بەرىپ، مەملەكەتتىڭ يەلىك ۇقىعى مەن تەرريتورياسىننىڭ تۇتاستىعىن قورعاۋ ءۇشىن ءارقانداي قاجەتتى شارا قولدانادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
