ج ك پ 1 - قۇرىلتايىنىڭ ەسكەرتكىش سارايى 7 – ايدىڭ 1 – كۇنىنەن بۇرىن اشىلادى
2021.05.21 15:54 كەلۋ قاينارى : حالىق تورابى
«حالىق گازەتى»، 5 - ايدىڭ 20 – كۇنى، شاڭحاي (ءتىلشى ساۋ ليڭجۋان). ءتىلشىنىڭ 5 - ايدىڭ 20 - كۇنى وتكىزىلگەن ج ك پ شاڭحاي قالالىق كوميتەتىنىڭ اقپار جاريالاۋ ماجىلىسىنەن ۇعىسۋىنشا، ج ك پ 1 - قۇرىلتايىنىڭ ەسكەرتكىش سارايى 7 – ايدىڭ 1 – كۇنىنەن بۇرىن اشىلادى ەكەن، سول كەزدە سارايدىڭ اشىلۋ سالتى وتكىزىلمەك. اقپار جاريالاۋ ماجىلىسىندە شاڭحاي قالاسىنىڭ جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋداعى ءتۇيىندى قيمىلدارى جونىندەگى ورنالاستىرۋ، سونداي - اق قىزىل مادەنيەتتى قورعاۋ، جالعاستىرۋ سياقتى قاتىستى جاعدايلار تانىستىرىلدى.
7 – ايدىڭ 1 – كۇنىنەن بۇرىن شاڭحاي قالالىق پارتكوم ج ك پ 1 - قۇرىلتايىنىڭ ەسكەرتكىش سارايىن اشۋ جانە «ۇلى باستاما − جۇڭگو كوممۋنيستىك پارتياسىنىڭ قۇرىلۋى تاريحي كورمەسىنىڭ» اشىلۋ سالتىن وتكىزەدى؛ «شاڭحاي قالاسىنىڭ قىزىل بايلىقتى جالعاستىرۋ، ساۋلەلەندىرۋ جانە قورعاۋ، پايدالانۋ ەرەجەسىن» جاريالاپ، زاڭمەن جونگە سالىپ قامتاماسىز ەتۋدى كۇشەيتۋ ارقىلى قىزىل بايلىقتى قورعاۋدى، پايدالانۋدى ىلگەرىلەتەدى.
تانىستىرۋعا قاراعاندا، تاياۋدا شاڭحاي قالاسى «شاڭحايدىڭ قىزىل مادەنيەت كارتاسىن (2021 – جىلعى باسىلىمى)» جاريالاپ، «ۇيرەنۋدە قۇدىرەتتى ەل بولۋ» تەكشەسىندە شاڭحاي قالاسىنىڭ قىزىل مادەنيەت بايلىعى ينفورماتسيا قولدانىس تەكشەسى «قىزىل جولدى» پايدالانۋعا بەرەدى ەكەن، وندا شاڭحايداعى 400 گە جۋىق قىزىل بايلىق قاينارى مەن 147 وتانشىلدىق تاربيە بازاسى توراپ تەكشەسى ارقىلى تولىق كورسەتىلەتىن بولادى.
سونىمەن قاتار، قىزىل ساياحاتتىڭ كلاسسيكالىق جەلىلەرى ۇزدىكسىز شىعارىلىپ، جۇڭگو كوممۋنيستىك پارتياسىنىڭ 1 -، 2 -، 4 - قۇرىلتايلارىنىڭ ەسكەرتكىش سارايلارى مەملەكەتتىك 5A دارەجەلى كورىنىس ءوڭىرىن بىرلەسىپ قۇرۋ ءىسىن ۇيىمداستىرىپ، قىزىل ساياحاتتىڭ ارناۋلى جەلىسىن اشپاق ءارى چاڭجياڭ اتىراۋىنداعى قىزىل ساياحاتتىڭ سايكەسە دامۋىن بەلسەنە ىلگەرىلەتپەك.
قاتىستى قۇتتىقتاۋ قيمىلدارى تاعى مىنالاردى قامتيدى: شاڭحاي قالاسىنىڭ جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسىن وتكىزۋ، نازاريالىق زەرتتەۋ - تالقى ءماجىلىسىن جانە اڭگىمە ءماجىلىسىن اشۋ، نەگىزگى تاقىرىپتىق ادەبيەت - كوركەمونەر تۋىندىلارى مەن باسىلىمدارىن جاراتۋ، «پارتياعا ماڭگى ىلەسۋ» اتىنداعى بۇقارالىق تاقىرىپتىق ۇگىت - تاربيە قيمىلىن ورىستەتۋ، ت. ب.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
