”مەنىڭ نازارىمداعى شينجياڭ“ حالىقارالىق زەرتتەۋ - تالقى ءماجىلىسى قاشقاردا اشىلدى
2021.05.24 14:16 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جىڭ جو 5 - ايدىڭ 21 - كۇنى قاشقاردان حابارلايدى. كوركى كوز تارتاتىن اتلاس تورعىنى، ءدامى ءتىل ۇيىرەتىن جەمىس - جيدەك، شينجياڭداعى باۋىرمال ءار ۇلت حالقى... 5 - ايدىڭ 20 - كۇنى جوعارىداعى ناقتى كورىنىستەر ينتەرنەت ارقىلى دۇنيە جۇزىنە تارالدى. سول كۇنى كەشتە جۇڭگو الەۋمەتتىك سىرتقى قارىم - قاتىناس قوعامى وتكىزگەن ”مەنىڭ نازارىمداعى شينجياڭ“ حالىقارالىق زەرتتەۋ - تالقى ءماجىلىسى قاشقار بايىرعى قالاسىنداعى ”گۇلي شاڭىراعى“ حالىقتىق تۇسەلحاناسىندا اشىلدى. قاشقاردا ەكسكۋرسيادا، ساپاردا جۇرگەن ەل ىشىندەگى ايگىلى مامان - وقىمىستىلار مەن شەتەلدىڭ ءار سالا قايراتكەرلەرى ينتەرنەت جەلىسىندە شينجياڭ ماسەلەسى جونىندە تالقى ورىستەتتى.
بوسنيا - گەرتسەگوۆينا، سلوۆەنيا، قىرعىزستان، ۇلى بريتانيا، پاكيستان، امەريكا، نورۆەگيا، دانيا سياقتى مەملەكەتتەردەن كەلگەن بۇرىن بيلىك ۇستاعانداردان، مامانداردان، وقىمىستىلاردان، ادۆوكاتتاردان، كاسىپورىنشىلاردان، سونداي - اق تىلشىلەردەن 30 نەشە ادام بەينە ەكرانمەن بايلانىس جاساۋ ارقىلى وسى رەتكى حالىقارالىق زەرتتەۋ تالقى ماجىلىسىنە قاتىناستى.
جۇڭگو الەۋمەتتىك سىرتقى قارىم - قاتىناس قوعامىنىڭ باستىعى ۋ حايلۇڭ ءماجىلىستىڭ باستالۋ سوزىندە بىلاي دەدى: جاقىنعى ءبىر مەزگىلدە حالىقاراداعى كەيبىر ساياسي الاياقتار، اقپارات قۇرالدارى، پاراسات قامبالارى ايتىلمىس شينجياڭ ماسەلەسىن قايتا - قايتا دابىرالادى. وسى سەبەپتى جۇڭگو الەۋمەتتىك سىرتقى قارىم - قاتىناس قوعامى ەل ىشىندەگى ءبىر توپ مامان - وقىمىستىلاردى ۇيىمداستىرىپ، شينجياڭعا بارىپ سول جەردىڭ وزىندە احۋال ۇعىستى. ”شينجياڭ بىزگە توتەنشە تاماشا ءارى تەرەڭ اسەر قالدىردى، مەن قايمىقپاي - اق باتىستىڭ بۇل ۇگىتى تۇگەلدەي وسەك - اياڭ دەپ كەسەتە الامىن. وسى رەتكى حالىقارالىق سۇحبات ارقىلى ينتەرنەت جەلىسىندەگى، ينتەرنەت جەلىسىنەن تىسقارى شەتەلدىك قوناقتاردىڭ شينجياڭعا قاراتا جالپى بەتتىك، شىنايى، وبيەكتيۆ تۇسىنىكتە بولۋىن ءۇمىت ەتەمىن“. ۋ حايلۇڭ ماجىلىسكە قاتىناسقان شەتەلدىك قوناقتاردى شينجياڭعا كەلىپ كورۋگە ىقىلاسپەن ۇسىنىس ەتىپ، تەك شينجياڭعا كەلگەندە عانا شينجياڭعا قاراتىلعان وسەك - اياڭ، جالا جابۋدىڭ تۇگەلدەي تويتارىسسىز توزىپ جوعالاتىندىعىنا سەنەتىندىگىن ءبىلدىردى.
قىرعىزستاننىڭ بۇرىنعى زۇڭليى جومارت وتوربايەۆ كەزىندە شينجياڭعا كەلىپ ارالاپ، شينجياڭنىڭ وزگەرىسىنە كۋا بولعان ەدى. ول بىلاي دەپ قارادى: شينجياڭ جۇڭگوداعى دامۋى ەڭ تەز ولكە - رايوننىڭ ءبىرى، شينجياڭنىڭ دامۋى ورتا ازيا ءوڭىرىنىڭ دامۋىن جەتەلەيدى. گۋمانيتارلىق اۋىس - كۇيىستى اناعۇرلىم كۇشەيتۋ − شينجياڭعا قاراتىلعان جاعىمسىز ينفورماتسيالاردى بىرتە - بىرتە الاستايدى، شىندىق تۇبىندە وسەك - اياڭدى جەڭەدى.
امەريكاداعى، باتىستاعى مەملەكەتتەردىڭ شينجياڭدا ايتىلمىس ”ءناسىل جويۋ“ ءومىر ءسۇرىپ وتىر دەگەن داقپىرتىنا قاراتا سلوۆەنيانىڭ بۇرىنعى زۇڭتۇڭى دانيلو تورك مۇنى مويىندامايتىندىعىن ءبىلدىردى. ول بىلاي دەدى: شينجياڭدى سىنداۋشىلار، شىندىعىندا، شىندىقتى تۇسىنبەيدى نەمەسە ساياسي ماقساتتا وسىلاي ىستەپ وتىر. ”مەن وسىلاردىڭ ىشىندەگى ايتىلمىس حابارلاردى وقىعانمىن، وندا ەشقانداي شىندىقتىڭ نەگىزى جوق، ونىڭ ۇستىنە ساياسي سىڭارجاقتىلىق ساقتالعاندىعىن بايقادىم“.
بوسنيا - گەرتسەگوۆينانىڭ بۇرىنعى زۇڭتۇڭى فيليپ بۋجانوۆيچ جۇڭگونىڭ شينجياڭىنىڭ ءار جاقتاعى قول جەتكىزگەن تابىستارىن ايرىقشا القادى. ول بىلاي دەدى: ۇيعۇر ۇلتىنان سىرت، جۇڭگودا تاعى 55 ۇلت دۇنيە جۇزىندەگى حالىق سانى ەڭ كوپ مەملەكەتتە تۇرمىس كەشىرۋدە، جۇڭگو مەملەكەت تاراپىنان وراسان زور قۇلشىنىس جاساپ، ۇلتتار اراسىنداعى بوگەنايلاردى قورعاپ، ءار ۇلت اراسىنداعى جاراسىمدى دامۋدى قامتاماسىزداندىردى.
ەكسكۋرسيادا، ساپاردا بولعان جۇڭگو حالىقارالىق ماسەلەلەردى زەرتتەۋ مەكەمەسىنىڭ امەريكاداعى زەرتتەۋ ورنىنىڭ ورىنباسار باستىعى سۋ شياۋحۇي زەرتتەۋ - تالقى ماجىلىسىندە حوتان كەشكى بازارىندا ءبىر كىشكەنە بالانىڭ ونى بيگە تارتقان بەينەجازباسىمەن ورتاقتاستى. ”ءبىز ۇقساماعان جەردەن كەلگەن بولساق تا ءوزارا اۋىس - كۇيىس جاساعان كەزدە ەشقانداي بوگەت بولعان جوق“، - دەدى سۋ شياۋحۇي. شينجياڭدا كورگەن جاعدايلار امەريكانىڭ، باتىستىڭ شينجياڭدى ”ادامزاتقا قارسى قىلمىس وتكىزدى“ جانە ”ادامدىق ۇقىققا قايشىلىق جاسادى“ دەپ ايىپتاعان جاعدايمەن بۇكىلدەي قاراما - قارسى، شينجياڭدا ايتىلمىس قارسىلاسۋ ورىن تەۋىپ وتىرعان جوق.
شاڭحاي سەلبەستىك ۇيىمىنىڭ بۇرىنعى باس حاتشىسى راشيد الىموۆ بىلاي دەدى: 4 جىلدان استام ۋاقىتتان بەرى شينجياڭدا بىردە - ءبىر زورلىقتى كۇش لاڭكەستىك دەلوسى تۋىلعان جوق، بۇل جەتىستىك لاڭكەستىك پەن ۇشقارىلىققا ءونىمدى سوققى بەرۋ كەشەندى شاراسىنىڭ ارقاسى، بۇل شارالار ارناۋلى ءبىر ۇلتقا جانە دىنگە سەنەتىن بۇقاراعا قاراتىلماعان، ءدىني سەنىم ەركىندىگى مەن ۇلتتىق ءداستۇر شينجياڭدا ەڭ تاماشا قورعاۋعا يە بولدى.
زەرتتەۋ - تالقى ماجىلىسىندە دەربەس وقىمىستى، قوعامدىق شولۋشى سىما نان شينجياڭدا ەكسكۋرسيادا، ساپاردا بولعاندا تۇسىرگەن بەينەجازباسىن كورسەتتى. سىما نان بىلاي دەدى: شينجياڭنىڭ بارلىق جەرى كوركەم كورىنىسكە تولى، كوشە بويلارىندا، ۇلكەن بازاردىڭ ىشىندە قالىڭ جۇرت قايشالىسىپ، ساياحاتشىلار ءيىن تىرەسەدى. بۇل نەنى تۇسىندىرەدى؟ بۇل شينجياڭ كوركەم بولىپ قانا قالماستان، توتەنشە حاۋىپسىز ەكەندىگىن، اۋەلى، شينجياڭ دۇنيە جۇزىندەگى ەڭ حاۋىپسىز جەرلەردىڭ ءبىرى دەسەك تە ارتىق ايتپاعاندىعىمىزدى تۇسىندىرەدى.
زەرتتەۋ - تالقى ءماجىلىسى 4 ساعاتتان استام ۋاقىتقا جالعاستى، ماجىلىسكە قاتىناسقان شەتەلدىك قوناقتار قىزىققان سۇراقتارى جونىندە اۆتونوميالى رايونداعى قاتىستى ادامدارمەن اۋىس - كۇيىس جاسادى. ولار ءبىر اۋىزدان وراي بولسا شينجياڭعا كەلىپ ارالاپ، كورىپ قايتۋدى ءۇمىت ەتەتىندىكتەرىن ءبىلدىردى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى لي شۋەجۇن زەرتتەۋ - تالقى ماجىلىسىنە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
