شينجياڭ بالۋاندار كومانداسى ارىندى قاداممەن العا تارتتى

2021.05.21 17:02   كەلۋ قاينارى : حالىق تورابى

　　تيانشان تورابىنىڭ حابارى. 2 التىن مەدال، 3 كۇمىس مەدال، 5 مىس مەدال! جۋىردا جياڭسۋ ولكەسىنىڭ ۋىنجوۋ قالاسىندا اياقتالعان 2021 - جىلعى مەملەكەتتىك حالىقارالىق كۇرەس جۇلدەلى جارىسى ٵرى 14 - كەزەكتى مەملەكەتتىك سپورت جينالىسىنىڭ ىرىكتەۋ جارىسىندا شينجياڭ كومانداسىنىڭ بالۋاندارى جاقسى ناتيجە جاراتتى. قازىرگە دەيىن، شينجياڭ بالۋاندار كومانداسىنان 24 بالۋان 2021 - جىلعى مەملەكەتتىك سپورت جينالىسىنا قاتىناسۋ تولىمدىلىعىنا يە بولدى، مۇنىڭ ىشىندە وليمپيادا شەبەرى رۇڭ نيڭنيڭ مەن ۋاليحان سەرىك ۇلى دا بار.

　　بۇل جارىستان بۇرىن رۇڭ نيڭنيڭ مەن ۋاليحان سەرىك ۇلى ىلگەرىندى - كەيىندى توكيو وليمپياداسىنا قاتىناسۋ تولىمدىلىعىن العان بولاتىن. بۇل جولعى جارىسى ٵرى مەملەكەتتىك حالىقارالىق كۇرەس جۇلدەلى جارىسى ٵرى جىل سوڭىندا وتكىزىلەتىن مەملەكەتتىك سپورت جينالىسىنىڭ ىرىكتەۋ جارىسى، مەملەكەتتىك سپورت جينالىسى دارەجەسىنىڭ الدىڭعى 16عا كىرگەندەرى عانا مەملەكەتتىك سپورت جينالىسىنىڭ شەشۋشى جارىسىنا قاتىناسۋ تولىمدىلىعىنا يە بولادى. جارىسقا ەلىمىزدىڭ جەر - جەرىندەگى 100 كوماندادان 2000عا تارتا سپورتشى، باپكەرلەر مەن كوماندا باستاۋشىلارى قاتىناستى. جارىس جيىنى ەرلەردىڭ ەركىن كۇرەس ءتۇرى، ايەلدەردىڭ ەركىن كۇرەس ءتۇرى جانە ەرلەردىڭ كلاسسيكالىق كۇرەس ءتۇرى سياقتى ءۇش تۇردەن قۇرالعان، ٵر كۇرەس ءتۇرى ۇقساماعان 10 دارەجە بويىنشا مەملەكەتتىك سپورت جينالىسى دارەجەسى جانە مەملەكەتتىك سپورت جينالىسىنا جاتپايتىن دارەجە بويىنشا وتكىزىلدى.

　　رۇڭ نيڭنيڭ مەن ۋاليحان سەرىك ۇلى مەملەكەتتىك سپورت جينالىسىنا وزدىگىنەن تولىمدىلىق العاندىقتان، بۇل جولعى جۇلدەلى جارىسقا قاتىناسپادى. بىرنەشە كۇندىك جارىس ارقىلى دورباتۋ كلاسسيكالىق كۇرەس ءتۇرىنىڭ 60 كيلوگرامدىق دارەجەسى بويىنشا اعا جۇلدەرگەر بولدى، قۋاتبەك باقىتقان ۇلى ەرلەر ەركىن كۇرەس ءتۇرىنىڭ 97 كيلوگرامدىق سالماق دارەجەسى بويىنشا 3 - دارەجەلى بولدى، جاڭار نۇرلانحان ۇلى كلاسسيكالىق كۇرس ءتۇرىنىڭ 67 كيلوگرامدىق سالماق دارەجەسى بويىنشا 3 - دارەجەلى بولدى، ءپاريحا قىزدار ەركىن كۇرەس ءتۇرىنىڭ 76 كيلوگرامدىق سالماق دارەجەسى بويىنشا 3 - دارەجەلى بولدى. سوڭىندا شينجياڭ بالۋاندار كومانداسىنان جيىنى 24 بالۋان 2021 - جىلى مەملەكەتتىك سپورت جينالىسىنا قاتىناسۋ تولىمدىلىعىن الدى.

　　مەملەكەتتىك سپورت جينالىسىنا جاتپايتىن دارەجەدەگى جارىستا راحات گىمڭحان ۇلى كلاسسيكالىق كۇرەس ءتۇرىنىڭ 63 كيلوگرامدىق دارەجەسى بويىنشا اعا جۇلدەگەر بولدى، اكىرام انۋار اتالعان جارىس ءتۇرىنىڭ جۇلدەگەرلىگىن قولعا كەلتىردى. شەرالي تۇرسىن كلاسسيكالىق كۇرەس ءتۇرىنىڭ 72 كيلوگرامدىق سالماق دارەجەسى بويىنشا جۇلدەگەر بولدى، باعجان قالشان كلاسسيكالىق كۇرەس ءتۇرى بويىنشا 82 كيلوگرامدىق سالماق دارەجەسىنەن 3 - دارەجەلى بولدى. ايدوس قادىر ۇلى ەرلەر ەركىن كۇرەس ءتۇرىنىڭ 70 كيلوگرامدىق سالماق دارەجەسى بويىنشا جۇلدەگەر بولدى، ەلشات قاجىمۇقان ۇلى ەرلەر ەركىن كۇرەس ءتۇرىنىڭ 90 كيلوگرامدىق سالماق دارەجەسى بويىنشا 3 - دارەجەلى بولدى.

　　كەلۋ قاينارى: حالىق تورابى