”شينجياڭ جاقسى جەر“ بەينە ەكران اۋىس - كۇيىس ءماجىلىسى ءۇرىمجى مەن بەرليندە ءبىر ۋاقىتتا وتكىزىلدى
2021.05.24 14:17 كەلۋ قاينارى : شينجياڭ گازەتى
انار بۇلت/ شينجياڭ گازەتىنىڭ ءتىلشىسى لي شيڭ 5 - ايدىڭ 21 - كۇنى ۇرىمجىدەن حابارلايدى. 5 - ايدىڭ 21 - كۇنى ”شينجياڭ جاقسى جەر“ اتىنداعى گەرمانياعا ارنالعان بەينە ەكران اۋىس - كۇيىس ءماجىلىسى ءۇرىمجى مەن بەرليندە ءبىر ۋاقىتتا وتكىزىلدى، ەكى جەردەگى قوعامنىڭ ءار سالاسىنان ماجىلىسكە قاتىناسۋشىلار بەينە ەكران ارقىلى ىقپالداسىپ، اۋىس - كۇيىس جاسادى.
وسى رەتكى اۋىس - كۇيىس ءماجىلىسىن شينجياڭ ۇيعۇر اۆتونوميالى رايونى مەن جۇڭگونىڭ گەرمانياداعى باس ەلشىلىگى بىرگە وتكىزدى. جۇڭگونىڭ گەرمانياداعى باس ەلشىسى ۋ كىن، اۆتونوميالى رايون باسشىلارىنان شۇي حايرۇڭ، تيان ۋىن، جاروللا يسامدين جەكە - جەكە بەرلين مەن ۇرىمجىدە اۋىس - كۇيىس ماجىلىسىنە قاتىناستى.
ۋ كىن بىلاي دەپ اتاپ كورسەتتى: ءبىر مەزگىل ۋاقىتتان بەرى امەريكاداعى، باتىستاعى جۇڭگوعا قارسى كۇشتەر شينجياڭعا ساياتىن وسەك - اياڭ جانە جالعان ينفورماتسيالاردى ورشەلەنە قۇراستىرىپ جانە تاراتىپ، بۇقارانى الدادى جانە الجاستىردى. وتكەن بىرنەشە جىلدا 100دەن استام مەملەكەتتەن كەلگەن 1200دەن ارتىق ءار سالا قايراتكەرلەرى شينجياڭدا ەكسكۋرسيادا، ساپاردا بولدى، شينجياڭ ولارعا تەرەڭ دە تاماشا اسەر قالدىردى. گەرمانيانىڭ ءار سالاسىنداعى دوستاردىڭ جانە قايراتكەرلەردىڭ شينجياڭدا ەكسكۋرسيادا، ساپاردا بولىپ، شينجياڭنىڭ شىنايى بەت - بەينەسىن سەزىنۋىن شىنايى قارسى الامىز.
اۆتونوميالى رايوننىڭ ورىنباسار ءتوراعاسى جاروللا يسامدين اۋىس - كۇيىس ماجىلىسىندە شينجياڭنىڭ قاتىستى جاعدايلارىن تانىستىردى. ول بىلاي دەدى: پارتيا 18 - قۇرىلتايىنان بەرى شينجياڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن مۇقيات دايەكتىلەندىرىپ، تياناقتاندىرىپ، قوعامنىڭ كەلەلى جاعدايى ۇزدىكسىز ورنىقتى بولىپ، جاقسارۋعا بەت الدى، قالا، اۋىلداردىڭ بەت - بەينەسىندە زور وزگەرىس تۋىلىپ، حالىق تۇرمىسى كورنەكتى جاقساردى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. شينجياڭنىڭ ىستەگەن بارلىق ءىسى ورىندى، اشىق، دۇرىس، بارلىعى شينجياڭداعى ءار ۇلت حالقىن باقىتقا كەنەلتۋ ءۇشىن. قازىر شينجياڭداعى ءار ۇلت حالقىنىڭ وتاننىڭ تۇتاستىعىن قورعاۋ، مەملەكەتتىڭ حاۋىپسىزدىگىن قورعاۋ، ۇلتتار ىنتىماعىن قورعاۋ، گۇلدەنىپ - كوركەيۋدى، ورنىقتىلىقتى قورعاۋ ەرىك - جىگەرى مۇلدە مىزعىمايدى، ءارقانداي سىرتقى كۇش شينجياڭدى بىلىقتىرامىن، جۇڭگونىڭ دامۋىنا كەدەرگىلىك جاسايمىن دەپ ويلاماسىن!
اۆتونوميالى رايوننىڭ قاتىستى ماماندارى، تاربيەلەۋ - باۋلۋ ورتالىعىنان وقۋ تاۋىسقاندار، از ۇلت ايەلدەرىنىڭ ۋاكىلدەرى، ءدىني قايراتكەرلەر وزدەرىنىڭ قىزمەت جانە تۇرمىس كەشىرمەلەرىمەن بىرلەستىرىپ، امەريكانىڭ، باتىستاعى ەلدەردىڭ ايتىلمىس شينجياڭ ”ءناسىل جويدى“، ”زورلىقپەن ەڭبەككە سالدى“، ”ءدىني سەنىم ەركىندىگىن شەكتەدى“، ”زورلىقپەن تۋىتتان شەكتەدى“ دەگەن سياقتى وسەك - اياڭدارىن اشكەرەلەپ سىندادى.
گەرمانيا ۇكىمەتى، پارلامەنتى، ەكونوميكا سالاسى، اقپارات قۇرالدارى جانە جەرگىلىكتى ورىنداعى حالىقتىق ۇيىمدار سياقتىلاردان كەلگەن ءار سالا قايراتكەرلەرى بەرليندەگى ماجىلىسكە قاتىناستى. «شينجياڭ جاقسى جەر» اتتى ۇگىتتىك فيلمدى كورىپ، قاتىستى تانىستىرۋلاردى تىڭداعان سوڭ، گەرمانيانىڭ ءار سالا قايراتكەرلەرى شينجياڭنىڭ قوعام ورنىقتىلىعىن قورعاۋ، كەدەيلىكتەن ارىلتۋدان قامال الۋ، ەكى جاقتىڭ بارىس - كەلىسىن كۇشەيتۋ سياقتى جاقتارىنان سۇراق قويدى جانە ۇسىنىس بەردى.
جۇڭگو ماسەلەسى مامانى، جازۋشى Uwe Behrensبىلاي دەپ اتاپ كورسەتتى: امەريكا بۇرىننان بەرى توقتاۋسىز وسەك - اياڭ قۇراستىرىپ، وزگە ەلدى داتتاۋعا دانىككەن. دوستارى شينجياڭعا بارعان، ميكرو بلوگىندا شينجياڭداعى كەشىرمەسىن بولىسكەن ەدى. UweBehrens مۇنى وتە جاقسى دەپ قارايتىندىعىن ايتىپ، ەكى ەل اقپارات قۇرالدارىنىڭ سەلبەستىك ورىستەتىپ، گەرمانيا قوعامىنىڭ جۇڭگونى اناعۇرلىم كوپ تۇسىنۋىنە، شينجياڭدى اناعۇرلىم كوپ تۇسىنۋىنە مۇمكىندىك جاساۋى كەرەكتىگىن ۇسىندى.
گەرمانيا - جۇڭگو ەكونوميكا، وقۋ - اعارتۋ جانە مادەنيەت قوعامىنىڭ ءتوراعاسىBernd Einmeier بىلاي دەدى: وتكىزۋشى جاقتىڭ بىزگە وسى رەتكى اشىق اۋىس - كۇيىس جاساۋ ورايىن بەرىپ، شينجياڭنىڭ ءۇنىن تىڭداتقانىنا العىس ايتامىز. مەيلى ساياسي، الدە ەكونوميكالىق جاقتا بولسىن، مۇنداي تىلدەسۋ جانە اۋىس - كۇيىس جاساۋ ەكى جاقتىڭ ءتۇسىنىسۋىن جانە اۋىس - كۇيىس جاساۋىن ءتىپتى جاقسى جەبەيدى، بۇدان كەيىن مۇنداي تىلدەسۋ جانە اۋىس - كۇيىس جاساۋدى ۇنەمى وتكىزىپ تۇرۋدى ءۇمىت ەتەمىن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
