شي جينپيڭ مەن پاكيستاننىڭ زۇڭتۇڭى الۆي ءوزارا قۇتتىقتاۋ تەلەگرامماسىن جولدادى

لي كىچياڭ مەن پاكيستاننىڭ زۇڭليى يمران ءوزارا قۇتتىقتاۋ تەلەگرامماسىن جولدادى

2021.05.24 16:15 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　شينحۋا اگەنتتىگى، 5 - ايدىڭ 21 - كۇنى، بەيجيڭ. 5 - ايدىڭ 21 - كۇنى مەملەكەت ءتوراعاسى شي جينپيڭ مەن پاكيستاننىڭ زۇڭتۇڭى الۆي جۇڭگو مەن پاكيستان ديپلوماتيالىق قاتىناس ورناتقانىنىڭ 70 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى.

　　شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن پاكيستان − بارلىق جاعدايدا بىردەي ستراتەگيالىق سەلبەستىك سەرىكتەر، ءوزارا وزەكتى مۇددەلەرىنە ساياتىن جانە كوڭىل ءبولىپ وتىرعان كەلەلى ماسەلەلەردە ءبىرىن - ءبىرى بەكەم قولدايدى. ەكى ەلدىڭ ءوزارا سەنىمدىلىگى جانە دوستىعى 70 جىلدىق سان قۇبىلعان حالىقارالىق سىناقتاردى باستان كەشىرىپ، باستان - اياق مىزعىمادى. تاياۋ جىلداردان بەرى ەكى جاقتىڭ بىرگە قۇلشىنۋىندا جۇڭگو - پاكيستان ەكونوميكالىق ءدالىز قۇرىلىسى كورنەكتى ونىمدىلىككە قول جەتكىزىپ، ەكى ەل حالىقتارىنا ماڭىزدى ىرىس - قۇت اكەلىپ، ءوڭىردىڭ گۇلدەنىپ - كوركەيۋىنە پارمەندى قوزعاۋشى كۇش قوستى. جاڭا تيپتى ايدارشا ۆيرۋس وكپە قابىنۋ ىندەتى الدىندا جۇڭگو مەن پاكيستان قيىن - قىستاۋ جاعدايدى بىرگە وتكەرىپ، شىن ىقىلاسپەن ءوزارا كومەكتەستى، ەكى ەلدىڭ مىزعىماس دوستىعى ونان ارى نىعايدى.

　　شي جينپيڭ بىلاي دەپ دارىپتەدى: مەن جۇڭگو - پاكيستان قاتىناسىنىڭ دامۋىنا ايرىقشا ءمان بەرەمىن، سىزبەن بىرگە قۇلشىنىپ، ەكى ەلدىڭ ستراتەگيالىق تىلدەسۋى مەن ناقتى سەلبەستىگىن تەرەڭدەتىپ، جۇڭگو - پاكيستان ەكونوميكالىق ءدالىزىنىڭ ساپالى اينالىمىن ىلگەرىلەتىپ، جاڭا داۋىردەگى اناعۇرلىم تىعىز جۇڭگو - پاكيستان تاعدىرلاس ورتاق تۇلعاسىن قول ۇستاسا قۇرىپ، ەكى ەلگە جانە ەكى ەل حالىقتارىنا باقىت جاراتۋدى قالايمىن. جۇڭگو - پاكيستان دوستىعىنىڭ ماڭگى جالعاسۋىن تىلەيمىن.

　　الۆي قۇتتىقتاۋ تەلەگرامماسىندا مىنانى ءبىلدىردى: 70 جىلدان بەرى پاكيستان - جۇڭگو ەكى ەل باستان - اياق ءبىر نيەتپەن ىنتىماقتاسىپ، ءوزارا سەنىپ، ءوزارا قۇرمەتتەپ، ءبىرىن - ءبىرى قولداپ، بەينەتتە دە، زەينەتتە دە بىرگە بولدى. ءتوراعا شي جينپيڭنىڭ پارمەندى باسشىلىعىندا پاكيستان - جۇڭگو قاتىناسى بۇرىنعى ءارقانداي كەزدەگىدەن دە اناعۇرلىم قۋاتتى، بەرىك جانە جالىندى تىنىسقا يە بولدى. پاكيستان جاق جۇڭگو جاقتىڭ پاكيستاننىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانعان كەزىندە جاساعان قاستەرلى قولداۋلارىنا ەرەكشە العىس ايتادى، جۇڭگو جاقپەن تىعىز سايكەسىپ، ديپلوماتيالىق قاتىناس ورناتۋدىڭ 70 جىلدىعىن قۇتتىقتاۋ قيمىلدارىن جاقسى وتكىزىپ، ەكى ەل حالىقتارىنىڭ پاكيستان - جۇڭگو قاتىناسىن تەرەڭدىگى، كەڭدىگى جانە ومىرشەڭدىك كۇشى جونىندەگى تۇسىنىگىن ارتتىرىپ، جۇڭگو - پاكيستان ەكونوميكالىق ءدالىزى قۇرىلىسىن «ءبىر بەلدەۋ، ءبىر جولدى» ساپالى دامىتۋدان ۇلگى كورسەتۋ ينجەنەرياسىنا اينالدىرۋعا قۇلشىنىپ، جاڭا داۋىردەگى اناعۇرلىم تىعىز پاكيستان - جۇڭگو تاعدىرلاس ورتاق تۇلعاسىن قالىپتاستىرۋدى قالايدى.

　　سول كۇنى مەملەكەتتىك كەڭەستىڭ زۇڭليى لي كىچياڭ مەن پاكيستاننىڭ زۇڭليى يمران ءوزارا قۇتتىقتاۋ تەلەگرامماسىن جولدادى. لي كىچياڭ قۇتتىقتاۋ تەلەگرامماسىندا بىلاي دەدى: جۇڭگو جاق پاكيستاندى باستان - اياق ديپلوماتيالىق ساياساتىنىڭ الدىڭعى بەتالىسىنا قويىپ، پاكيستان جاقپەن بىرگە قۇلشىنىپ، جۇڭگو مەن پاكيستاننىڭ بارلىق جاعدايدا بىردەي ستراتەگيالىق سەلبەستىك سەرىكتەستىك قاتىناسىنىڭ كەلەسى 70 جىلدا اناعۇرلىم جوعارى دەڭگەيگە كوتەرىلۋىن ىلگەرىلەتۋدى قالايدى.

　　يمران قۇتتىقتاۋ تەلەگرامماسىندا بىلاي دەدى: پاكيستان ۇكىمەتى جۇڭگو - پاكيستان ەكونوميكالىق ءدالىزى قۇرىلىسىن جەدەل ىلگەرىلەتۋگە بەكەم كۇش سالىپ، جۇڭگو جاقپەن بىرگە قۇلشىنىپ، پاكيستان مەن جۇڭگونىڭ بارلىق جاعدايدا بىردەي ستراتەگيالىق سەلبەستىك سەرىكتەستىك قاتىناسىنىڭ ۇزدىكسىز ىشكەرىلەي دامۋىن جەبەپ، ەكى ەل حالىقتارىنا اناعۇرلىم كوركەم بولاشاق جاراتۋدى قالايدى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved