لوپيڭ ورگانيزمدەر شوعىرى مەملەكەتتىك گەولوگيالىق باقشاسىنا ساپار

بايىرعى ورگانيزمدەردىڭ دەرەگىن ىزدەۋ

2021.09.09 15:25   كەلۋ قاينارى : حالىق تورابى

　　سۋرەتتە: لوپيڭ ورگانيزمدەر شوعىرى گەولوگيالىق باقشاسى 1 – ءنومىرلى قازبا ورنى

　　حالىق تورابىنىڭ 9 – ايدىڭ 8 – كۇنى بەرگەن حابارى (چۇي جيڭ) يۇننان — جەر شارىنداعى كورنەكتى ەرەكشەلىككە يە جەر قاباتىنداعى ورگانيزمدەر شوعىرلى تارالعان ءوڭىر، سونىمەن بىرگە، بايىرعى سيرەك ورگانيزمدەردىڭ قالدىعى شوعىرلانعان جەر. 400 مىڭ شارشى كيلومەترگە جەتپەيتىن يۇننانداعى جەر قاباتىندا ارحايكالىق داۋىردەگى تىرشىلىكتىڭ باستالۋىنان جاڭا ورگانيزمدەر داۋىرىندەگى ادامزات جارىققا شىققانعا دەيىنگى ءارقايسى داۋىردەگى تاسقا اينالعان باي ءارى كەمەلدى ەستەلىكتەر ساقتالعان. يۇننان ولكەسى لوپيڭ اۋدانىنداعى لوپيڭ ورگانيزمدەر شوعىرى مەملەكەتتىك گەولوگيالىق باقشاسى ورگانيزمدەردىڭ بىرتىندەپ دامۋىنىڭ ايعاقتارىنىڭ ءبىرى، «ورگانيزمدەردىڭ الۋان تۇرلىلىگى شارتىنا» قول قويۋشى جاقتار ءماجىلىسىنىڭ 15 – رەتكى ءماجىلىسى (COP15) اشىلۋ قارساڭىندا، ءبىز لوپيڭ ورگانيزمدەر شوعىرىنىڭ حيكىمەتىن بىرگە تاماشالايىق.

　　لوپيڭ ورگانيزمدەر شوعىرى مەملەكەتتىك گەولوگيالىق باقشاسى — لوپيڭ اۋدانىنىڭ ورتا – وڭتۇستىك بولىگىنە ورنالاسقان، الۋان تۇردەن قالىپتاسقان كەمەلدى تەڭىز – مۇحيتتىق ەكولوگيالىق جۇيەگە جاتادى، مۇندا تەڭىزدەگى باۋىرىمەن جورعالاۋشىلار، بالىقتار، بۋناق اياقتىلار، جۇمساق دەنەلىلەر، ءيىن اياقتىلار، تىكەن تەرىلىلەر، ءتىس پىشىندىلەر، كوپ تەسىكتى قۇرتتار، وسىمدىكتەر جانە ىزدەردىڭ تاسقا اينالعان قالدىقتارى بار.

　　ۇعىسۋعا قاراعاندا، لوپيڭ ورگانيزمدەر شوعىرىنىڭ ءداۋىرى ايگىلى دۇنيە جۇزىلىك جاراتىلىستىق مۇرا — سان – جورج تاۋىنداعى حايۋاناتتار شوعىرىنان انتەك ەرتە، ەلىمىزدەگى ايگىلى گۇيجوۋ گۋانليڭ حايۋاناتتار شوعىرىنان 20 ميلليون جىلدان استام ەرتە، پەرم ءداۋىرىنىڭ سوڭعى مەزگىلىندە ورگانيزمدەردىڭ تۇقىمى قۇرىپ كەتكەننەن كەيىن، ترياس داۋىرىندەگى تەڭىز – مۇحيتتاعى ەكولوگيالىق جۇيەنىڭ جاپپاي جاندانۋىنىڭ تيپتىك ۋاكىلى، يۇننانىڭ يۇيشي چىڭجياڭ تاسقا اينالعان قالدىقتار ءوڭىرى ماۋتيانشان حايۋاناتتار شوعىرىنان كەيىنگى ەجەلگى ورگانيزمدەرگە قاتىستى تاعى ءبىر ءىرى بايقاۋ، دۇنيە جۇزىندەگى بىردەن – ءبىر «ترياس ءداۋىرىن زەرتتەۋ ورتالىعى»، ايرىقشا گەولوگيالىق مانگە يە.

　　قازىر لو پيڭ حايۋاناتتار شوعىرى گەولوگيالىق باقشاسىنىڭ ۇلگى كورمەسىنىڭ كورسەتۋ سارايىندا تاسقا اينالعان قالدىقتاردىڭ ۇلگىسىنەن 145 داناسى تىزىلگەن، عىلىم جالپىلاستىرۋ كورمە تاقتاسىنا 40 نەشە داناسى قويىلعان. باقشانىڭ قاتىستى جاۋاپتىسىنىڭ ايتۋىنشا، باقشا الدا مەملەكەتتىك گەولوگيالىق باقشانى باسقارۋدى كۇشەيتىپ، مەملەكەتتىك گەولوگيالىق باقشا قۇرىلىسىن كەمەلدەندىرىپ، جەرگىلىكتى ورىننىڭ بايلىق قاينارىن، قورشاعان ورتاسى مەن ەكونوميكاسىن سايكەستىرە دامىتۋدى ىلگەرىلەتىپ، يۇنناننىڭ ەكولوگيالىق وركەنيەت قۇرىلىسىنا ۇلەس قوسۋعا تالپىنادى. (چىڭ حاۋ، جاڭ جىڭجۇي لوپيڭ اۋداندىق توعىسپالى مەديا ورتالىعى بەرگەن حابار)

　　كەلۋ قاينارى: حالىق تورابى