11 – ايدىڭ 28 – كۇنى شينجياڭ تاكلاماكان شولىندە قار جاۋدى، ۇزىننان – ۇزاققا سوزىلعان قۇم توبەشىكتەر اق كورپەگە وراندى، قالىڭ تۇمان ءتۇسىپ، ءشول جازيرا، توراڭعى، كول بەينەلەرى بىردە انىق كورىنسە، بىردە كوزدەن تاسا بولىپ، بەينە ەرتەگىدە سۋرەتتەلگەن الەمدى كوزگە ەلەستەتتى.
تاكلاماكان شولىندە قار ءبىرشاما سيرەك جاۋاتىندىقتان، فوتوسۋرەت اۋەسكەرلەرىن سۋرەت تۇسىرۋگە باۋرادى.
تاكلاماكان ءشولى شينجياڭ تارىم ويپاتىنىڭ ورتالىعىنا ورنالاسقان، جۇڭگوداعى ەڭ ءىرى ءشول، سونىمەن بىرگە، دۇنيە جۇزىندەگى 2 – ءىرى كوشپەلى ءشول. جاۋىن – شاشىن ءبىرشاما سيرەك جاۋادى، شولدە جاۋعان قار تۇيىرشىكتەرى وتە وڭاي ەرىپ كەتەدى.
بيىل تاكلاماكان ءشولىنىڭ سولتۇستىك جيەگىندە 2 – رەت قار جاۋدى، بۇل جولى جاۋعان قاردىڭ مولشەرى 2014 – جىلداعىدان كەيىن قار ەڭ مول جاۋعان كەز بولدى.
كەلۋ قاينارى: حالىق تورابى