ورتالىق اۋا رايى ستانسياسى: الدا تاعى دا كەڭ كولەمدى جاۋىن – شاشىن باتىستان شىعىسقا قاراي ويىسىپ، ەلىمىزدىڭ كوپ وڭىرىنە ىقپال جاسايدى

2022.02.11 12:58   كەلۋ قاينارى : حالىق تورابى

　　سۋرەتتە: 2 – ايدىڭ 11 – كۇنىنەن 13 – كۇنىنە دەيىنگى ارالىقتاعى بۇكىل ەلىمىزدەگى جاۋىن – شاشىن مولشەرى جونىندەگى بولجام سۋرەت. سۋرەتتىڭ كەلۋ قاينارى: ورتالىق اۋا رايى ستانسياسىنىڭ ۋيچات تەكشەسى

　　حالىق تورابىنىڭ ءتىلشىسى لي يحۋان 2 – ايدىڭ 10 – كۇنى بەيجيڭنەن حابارلايدى. ورتالىق اۋا رايى ستانسياسى تورابىنىڭ حابارلاۋىنشا، 2 – ايدىڭ 5 – كۇنىنەن 7 – كۇنىنە دەيىن ەلىمىزدىڭ وڭتۇستىك ءوڭىرى مەن باتىس سولتۇستىك ءوڭىرىنىڭ شىعىس بولىگىندە كورنەكتى جاۋىن – شاشىندى اۋا رايى جارىققا شىقتى، 2 – ايدىڭ 11 – كۇنىنەن 13 – كۇنىنە دەيىن جاۋىن – شاشىن باتىستان شىعىسقا قاراي ويىسىپ، ەلىمىزدىڭ كوپ وڭىرىنە تاعى دا كەڭ كولەمدى ىقپال جاسايدى، بۇل جولى قار جاۋاتىن اۋماق كەڭ، ءىشىنارا جەرلەردە قار جاۋۋ مولشەرى كوپ بولادى.

　　ۇعىسۋعا قاراعاندا، 2 – ايدىڭ 11 – كۇنىنەن 13 – كۇنىنە دەيىن، چاڭجياڭنىڭ وڭتۇستىگى، وڭتۇستىك جۇڭگو قاتارلى وڭىرلەردە جاۋىن – شاشىن مولشەرى ارتادى. 2 – ايدىڭ 13 – كۇنى گۇيجوۋدىڭ وڭتۇستىگى، جياڭشيدىڭ سولتۇستىگى، حۋناننىڭ ورتا بولىگى، گۋاڭشيدىڭ ورتا – باتىس بولىگى قاتارلى وڭىرلەردىڭ ءىشىنارا جەرلەرىندە ورتا دارەجەدە جاڭبىر جاۋادى نەمەسە قالىڭ جاڭبىر جاۋادى، مۇندا گۋاڭشيدىڭ سولتۇستىگىندەگى ءىشىنارا جەرلەردە نوسەر جاۋادى. مۇنان سىرت، سولتۇستىكتەگى وڭىرلەردە باتىستان شىعىسقا قاراي ويىسىپ قار جاۋادى. مۇندا 2 – ايدىڭ 12 – كۇنىنەن 13 – كۇنىنە دەيىن، بەيجيڭ، تيانجين، حىبەيدىڭ ورتا – سولتۇستىك بولىگى، سانشيدىڭ سولتۇستىك بولىگى، ىشكى موڭعۇلدىڭ ورتا – شىعىس بولىگى قاتارلى وڭىرلەردىڭ ءىشىنارا جەرلەرىندە ورتاشا دارەجەدە قار جاۋادى نەمەسە قالىڭ قار جاۋادى، ءىشىنارا جەرلەردە ەرەكشە قالىڭ قار جاۋادى، سونىمەن بىرگە، تەمپەراتۋرا ℃6-4 تومەندەيدى.

　　جەر – جەردەگى جاۋىن – شاشىننىڭ باستى ۋاقىت كەزەڭى جونىندە، ورتالىق اۋا رايى ستانسياسى مىناداي بولجام جاساعان: چيڭحاي – شيزاڭ ۇستىرتىندە، باتىس سولتۇستىك ءوڭىردىڭ شىعىس بولىگىندە، شىعىس سولتۇستىك ءوڭىردىڭ سولتۇستىك بولىگىندە نەگىزىنەن 2 – ايدىڭ 11 – كۇنىنەن 12 – كۇنى كۇندىزگە دەيىن؛ ىشكى موڭعۇلدىڭ ورتا – شىعىس بولىگى، سولتۇستىك جۇڭگو، شىعىس سولتۇستىك ءوڭىردىڭ وڭتۇستىك بولىگى جانە چاڭجياڭنىڭ وڭتۇستىگى، وڭتۇستىك جۇڭگو قاتارلى وڭىرلەردە 2 – ايدىڭ 12 – كۇنىنەن 13 – كۇنىنە دەيىن جاۋىن – شاشىن بولادى. مۇنان سىرت، مەجەمەن 2 – ايدىڭ 14 – كۇنىنەن 15 – كۇنىنە دەيىن، ىشكى موڭعۇلدىڭ ورتا – شىعىس بولىگى، سولتۇستىك جۇڭگو، شىعىس سولتۇستىك ءوڭىر قاتارلى جەرلەردە تاعى دا قىرباق قار جاۋادى، ءىشىنارا جەرلەردە ورتاشا دارەجەدە قار جاۋادى.

　　اۋا رايى ماماندارى مىنانى ەسكەرتەدى: ەرتەڭنەن باستاپ (2 – ايدىڭ 11 – كۇنى) تاعى دا كەڭ كولەمدى جاۋىن – شاشىندى اۋا رايى جارىققا شىعادى، كوپشىلىك سۋىقتان ساقتانىپ، جىلى جۇرۋگە كوڭىل بولگەنى ءجون، جولدىڭ تايعاق بولۋى جانە كورىمدىلىك ارالىقتىڭ الىس بولماۋى قاتارلى سەبەپتەردىڭ قاتىناس پەن ءجۇرىس – تۇرىسقا جاسايتىن ءتيىمسىز ىقپالىنا نازار اۋدارۋ قاجەت. سونىمەن بىرگە، قاردىڭ قالىڭداۋى جانە مۇز قاتۋى، تەمپەراتۋرانىڭ تومەندەۋى، كورىمدىلىك ارالىقتىڭ الىس بولماۋى قاتارلى اۋا رايى قۇبىلىستارىنىڭ قاتىناس پەن ءجۇرىس – تۇرىس، ىندەتتەن ساقتانۋ – تىزگىندەۋ قاتارلىلارعا جاسايتىن ءتيىمسىز ىقپالىنان ساقتانۋ قاجەت. تۇماندى كۇندەرى سىرتتا ارەكەتتەنۋدى ازايتىپ، اۆتوكولىكپەن جۇرگەندە تۇمان شامىن جاعىپ، قارقىندى باياۋلاتىپ، باسقا كولىكتەرمەن ارالىق ساقتاۋ قاجەت.

　　كەلۋ قاينارى: حالىق تورابى