تۇتىنۋ بازارى ۇزدىكسىز قالپىنا كەلىپ، قارجى قوسۋ ارتۋ جاعدايىن ساقتادى −
ىشكى سۇرانىمنىڭ كومەسكى كۇشى ۇزدىكسىز اشىلادى
«حالىق گازەتىنىڭ» ءتىلشىسى لۋ يانان
2022.02.08 16:37
2021 - جىلى جۇڭگونىڭ ەكونوميكالىق دامۋى مەن ىندەتتەن ساقتانۋ - تىزگىندەۋى دۇنيە ءجۇزى بويىنشا الدىڭعى ورىندى ساقتاپ، «14 - بەسجىلدىق» جوبادا تاماشا باستاما جاراتىلدى. 2022 – جىلى كوپ جىلدان بەرى كەزدەسپەگەن سۇرانىستىڭ تارايۋى، قامداۋدىڭ سوققىسى، مەجەنىڭ السىرەۋى سىندى 3 ءتۇرلى قىسىمعا قاراتا جۇڭگو ەكونوميكاسىنىڭ بەتالىسى قانداي بولادى؟
«ىشكى - سىرتقى كۇردەلى دامۋ جاعدايىنا مەڭزەس، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز ەل ءىشى جانە حالىقارا سىندى ەكى جالپى جاعدايدى ءبىر تۇتاس جوسپارلاپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ، ىشكى سۇرانىمدى ۇلعايتۋ ستراتەگياسىن باتىل اتقارىپ، ىشكى ەكونوميكالىق اينالىمدى كۇش سالا ىركىلىسسىزدەندىرىپ، قۇدىرەتتى ەل ءىشى بازارىنىڭ قالىپتاسۋىن جەبەپ، ەكونوميكانىڭ ءۇرتىس قالپىنا كەلىپ دامۋىنا پارمەندى تىرەك ازىرلەدىك» دەدى مەملەكەتتىك دامۋ جانە رەفورما كوميتەتىنىڭ قاتىستى جاۋاپتىسى.
ەكونوميكانىڭ ورنىقتى اينالىمىن ساقتاۋ ءۇشىن، بىلتىر جەر - جەر مەن قاتىستى تاراۋلار قارجى قوسۋدى ورنىقتىرۋ، تۇتىنۋدى جەبەۋ، ەل ءىشى بازارىن جەتىلدىرۋ، زورايتۋ جونىندە ءبىرقىدىرۋ ساياساتتىق شارالاردى شىعارىپ، تۇتىنۋ بازارىن ۇزدىكسىز قالپىنا كەلتىرىپ، قارجى قوسۋدىڭ ارتۋ جاعدايىن ساقتادى، ىشكى سۇرانىم ءالى دە ەلىمىز ەكونوميكاسىنىڭ دامۋىنداعى باستى قوزعاۋشى كۇش بولىپ وتىر. 2021 – جىلى ىشكى سۇرانىستىڭ ەكونوميكانىڭ ارتۋىنا قوسقان ۇلەس شاماسى %79.1 بولىپ، الدىنداعى جىلداعىدان 4.4 پايىز جوعارىلادى.
«2021 - جىلى جۇڭگو ەكونوميكاسىنىڭ الىپ كەمەسى نىق قاداممەن الىسقا ساپار شەگىپ، بازار كولەمى ۇزدىكسىز كەڭەيىپ، قامداۋ دەڭگەيى ۇزدىكسىز جوعارىلاپ، رەفورما جاساپ، ەسىك اشۋ ىشكەرىلەي ىلگەرىلەپ، حالىق تۇرمىسى ۇزدىكسىز جاقساردى، وسىنىڭ ءبارى ىشكى سۇرانىمنىڭ دامۋ نەگىزىن بەكەمدەۋگە، 2022 - جىلعى ىشكى سۇرانىمنىڭ دامۋ كەڭىستىگىن ۇزدىكسىز كەڭەيتۋگە ءتيىمدى» دەدى وسى جاۋاپتى جولداس.
بازار كولەمى ونان ارى كەڭەيدى، ىشكى سۇرانىمنىڭ دامۋى ءالى دە وراسان زور كومەسكى كۇشكە يە. 2021 - جىلى ەلىمىزدىڭ GDP ى 114 تريلليون يۋانعا جەتىپ، %8.1 ارتتى؛GDP جان باسىنا شاققاندا 12 مىڭ امەريكا دوللارىنان اسىپ، مەجەمەن بۇكىل دۇنيە ءجۇزىنىڭ جان باسىندىق GDP ورەسىنەن استى؛ تاۋار تۇتىنۋ بازارىنىڭ كولەمى دۇنيە ءجۇزى بويىنشا 2 - ورىندى يەلەدى؛ جاڭاشا قالا - قالاشىقتانۋ ىشكەرىلەي ىلگەرىلەتىلىپ، تۇرعىلىقتى حالىقتىڭ قالا - قالاشىقتانۋ شاماسى %64.72 كە جەتىپ، وتكەن جىلدىڭ سوڭىنداعىدان 0.83 پايىز جوعارىلادى.
«ەلىمىزدىڭ ەكونوميكالىق دامۋى مەن ىندەتتەن ساقتانۋ - تىزگىندەۋى دۇنيە ءجۇزى بويىنشا الدىڭعى ورىندى ساقتادى، بولاشاقتا ەلىمىزدىڭ ەرەكشە كەڭ كولەمدى بازار ابزالدىعى ۇزدىكسىز كورنەكتىلەنىپ، ىشكى سۇرانىمنىڭ كومەسكى كۇشى ۇزدىكسىز اشىلادى» دەدى وسى جاۋاپتى جولداس.
قامداۋ ساپاسى ۇزدىكسىز جوعارىلاپ، قامداۋ مەن قاجەتسىنۋدىڭ تاماشا اينالىمى اناعۇرلىم ىركىلىسسىزدەندى. 2021 - جىلى قامداۋ جاعىنداعى قۇرىلىمدىق رەفورما ۇزدىكسىز تەرەڭدەپ، ونەركاسىپ ينتەرنەتى، ءىرى ساندى مالىمەت، زەردەلى جاساۋ، كەرى باعىتتا جاساۋ سياقتىلار جالپىلاستىرىلىپ قولدانىلىپ، جاڭا كاسىپ، جاڭا ونىمدەر جەدەل جەتىلدىرىلدى. ەلىمىز دۇنيە جۇزىندەگى ەڭ ۇلكەن 5G دەربەس توراپ جەلىسىن قۇردى، 2021 – جىلى 5G قولفونىنىڭ زات شىعارۋ مولشەرى 266 ميلليونعا جەتىپ، %63.5 ارتتى. 2021 – جىلى ەلىمىزدە جاڭا ەنەرگيالى اۆتوموبيلدەردىڭ ءوندىرۋ، ساتۋ مولشەرى جەكە – جەكە 3 ميلليون 545 مىڭعا، 3 ميلليون 521 مىڭعا جەتىپ، جەكە – جەكە %159.5، %157.5 ارتتى.
«2022 - جىلعا نازار سالساق، ەلىمىزدىڭ كاسىپ جۇيەسى كەمەلدى، ءوندىرىس قۋاتى تۇراقتى بولۋداي ابزالدىعى، سونداي - اق كاسىپورىنداردىڭ جاڭالىق اشۋ قابىلەتى ۇزدىكسىز جوعارىلايدى، بۇل سۇرانىسقا قاراتا اناعۇرلىم كۇشتى جەتەكشىلىك جانە جاسامپازدىق رول اتقارادى» دەدى وسى جاۋاپتى جولداس.
حالىق تۇرمىسى ۇزدىكسىز جاقسارىپ، تۇرعىنداردىڭ تۇتىنۋ تىلەگى بىرتىندەپ جوعارىلادى. 2021 – جىلى جۇمىستاندىرۋ نەگىزىنەن ورنىقتى بولدى، تۇرعىنداردىڭ كىرىس ورەسى ءۇرتىس جوعارىلادى. قالا - قالاشىقتاردا 12 ميلليون 690 مىڭ ادام تىڭنان جۇمىستانىپ، ۇقساس مەزگىلدەگىدەن 830 مىڭ ادام ارتتى؛ 12 - ايدا بۇكىل ەل بويىنشا قالا - قالاشىقتاردا تەكسەرىلگەن جۇمىسسىزدىق شاماسى %5.1 بولىپ، سايكەس مەزگىلدەگىدەن 0.1 پايىز تومەن بولدى؛ بۇكىل ەل بويىنشا تۇرعىنداردىڭ يگەرىلمەلى ورتاشا كىرىسى ءىس جۇزىندە %8.1 ارتىپ، ەكونوميكانىڭ ارتۋىمەن نەگىزىنەن سايكەس بولدى. قوعامدىق قامتاماسىزداندىرۋ دەڭگەيى ۇزدىكسىز جوعارىلاپ، 2021 - جىلى زەينەتكەرلەردىڭ نەگىزگى زەينەتاقىسى تاعى دا %4.5 جوعارىلادى؛ نەگىزگى زەينەتكەرلىك قامسىزداندىرۋى مەن نەگىزدىك ەمدەۋ قامسىزداندىرۋى جەكە - جەكە ءبىر ميلليارد 30 ميلليون ادامدى، ءبىر ميلليارد 360 ميلليون ادامدى قامتىدى، قامسىزداندىرۋعا قاتىناسۋ شاماسى جەكە - جەكە %90 تەن، %95 تەن استى. 2021 – جىلى بۇكىل ەلدەگى تۇرعىنداردىڭ ەنگەل كوەففيتسەنتى %29.8 بولىپ، الدىنداعى جىلداعىدان 0.4 پايىز تومەندەدى.
«ىندەت كوپ تارالعان جاعدايدا ەلىمىز حالىق تۇرمىسىن ءبىرشاما جاقسى قامتاماسىزداندىرىپ، تۇرعىنداردىڭ تۇتىنۋ تىلەگىنىڭ ۇزدىكسىز جوعارىلاۋىن ونان ارى جەبەۋگە تاماشا نەگىز قالادى» دەدى وسى جاۋاپتى جولداس.
رەفورما جاساپ، ەسىك اشۋ ىشكەرىلەي ىلگەرىلەتىلىپ، ىشكى سۇرانىمنىڭ دامۋ قوزعاۋشى كۇشى ونان ارى كۇشەيدى. 2021 - جىلى بۇكىل ەل بويىنشا بىرلىككە كەلگەن ءىرى بازار قۇرىلىسى تارتىپپەن ىلگەرىلەتىلىپ، فاكتورلاردى بازارلاندىرىپ ورنالاستىرۋ جالپىلىق رەفورماسى تۇيىندە سىناق ەتىلىپ، وسىزامانعى اينالىم جۇيەسىن قۇرۋ جوسپارلانىپ، بازار تۇلعالارىنىڭ ومىرشەڭدىك قۋاتى ونان ارى ارتتىرىلىپ، ەلىمىزدىڭ بازار تۇلعالارى 150 ميلليونعا جەتىپ، كاسىپورىنداردىڭ جاندانۋ دارەجەسى %70 اينالاسىندا بولدى. جەر - جەر، تاراۋلار سىرتقى ساۋدانى ورنىقتىرۋدىڭ ساياساتتىق شارالارىن شىنايى تياناقتاندىرىپ، شەتەل ساۋداگەرلەرىنىڭ قارجى قوسۋىنا رۇقسات ەتۋدىڭ شەكتەلگەن سالالار ءتىزىمىن ۇزدىكسىز ازايتىپ، شەكارا اتتاعان ساۋداعا قارجى قوسۋدى قولايلىلاندىرۋ دەڭگەيىن جوعارىلاتتى، 2021 - جىلى ەلىمىزدىڭ يمپورت - ەكسپورت كولەمى 6 تريلليون دوللاردان اسىپ، شەتەل قارجىسىنان پايدالانۋ كولەمى ءبىر تريلليون 100 ميلليارد يۋاننان اسىپ، تاريحتاعى ەڭ جوعارى دەڭگەيگە جەتتى.
«رەفورما جاساپ، ەسىك اشۋدىڭ پايداسىن ۇزدىكسىز جارىققا شىعارىپ، ىشكى سۇرانىمنىڭ دامۋىنا ءتىپتى دە كوپ قوزعاۋشى كۇش قوسامىز». وسى جاۋاپتى جولداس مىنانى ءبىلدىردى: ىندەتتىڭ بىتىراڭقى تارالۋىنىڭ تۇتىنۋدىڭ قالپىنا كەلۋىنە ۇزدىكسىز تۇساۋ بولىپ وتىرعانىن، ىشكى سۇرانىمنىڭ دامۋ نەگىزى ءالى دە بەرىك ەمەس ەكەنىن، ارتۋ تەبىنى ءالى دە جەتەرسىز ەكەنىن كورە ءبىلۋىمىز كەرەك. كەلەسى قادامدا پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋى بويىنشا، قامداۋ جاعىنداعى قۇرىلىمدىق رەفورمانى تەرەڭدەتىپ، ىشكى سۇرانىمدى كەڭەيتۋ ستراتەگياسىن باتىل اتقارىپ، ىندەتتەن ساقتانۋ - تىزگىندەۋدى عىلمي، دالمە - ءدال يگەرۋ نەگىزىندە، تۇتىنۋدىڭ ۇزدىكسىز قالپىنا كەلۋىن كۇش سالا جەبەپ، ۇتىمدى قارجى قوسۋدى بەلسەنە كەڭەيتىپ، ەكونوميكالىق دامۋدىڭ ىشكى قوزعاۋشى كۇشىن ۇزدىكسىز كۇشەيتىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
