ءۇرىمجى كەدەنى RCEP اۋەلگى وندىرىلگەن جەر كۋالىگىنەن 11ىن تاراتتى
2022.02.08 14:42 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى چىن چياڭۋي 2 - ايدىڭ 6 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، بيىل 1 - ايدىڭ 1 - كۇنى وڭىرلىك جالپى بەتتىك ەكونوميكالىق سەرىكتەستىك قارىم - قاتىناس كەلىسىمى (RCEP) رەسمي كۇشكە ەنگەن. 1 - ايدىڭ 30 - كۇنىنە دەيىن، ءۇرىمجى كەدەنىRCEP اۋەلگى وندىرىلگەن جەر كۋالىگىنەن 11ىن تاراتىپ، كۋالىك بەرىلگەن تاۋار قۇنى 586 مىڭ 700 دوللار بولعان، كاسىپورىندار وسى كۋالىك ارقىلى يمپورتتاۋشى ەلدەردىڭ كەدەن باجىسىن ازايتۋدان، كەشىرىم ەتۋدەن يگىلىكتەنگەن.
RCEP برۋنەي، كامبودجا، لاوس، سينگاپۋر، تايلاند، ۆيەتنام، جۇڭگو، جاپونيا، جاڭا زەلانديا، اۆستراليا سىندى 10 مۇشە مەملەكەتتە 2022 - جىلى 1 - ايدىڭ 1 - كۇنى رەسمي كۇشكە يە بولعان، كورەيادا 2 - ايدىڭ 1 - كۇنى كۇشكە يە بولىپ اتقارىلا باستادى، ول ەلىمىز قول قويعان، كولەمى ەڭ ۇلكەن ەركىن ساۋدا كەلىسىمى سانالادى. RCEPعا مۇشە ەلدەردىڭ جان سانى، GDPى، ساۋدا جالپى سوماسى دۇنيە ءجۇزىنىڭ شامامەن ％30ىن يەلەيدى، ول دۇنيە ءجۇزى بويىنشا جان سانى ەڭ كوپ، ەكونوميكا - ساۋدا كولەمى ەڭ ۇلكەن، دامۋ كومەسكى كۇشى ەڭ زور ەركىن ساۋدا رايونى بولىپ تابىلادى. RCEP اتقارىلعان سوڭ، كەدەن باجىسىن ازايتۋ كولەمى ونان ارى كەڭەيىپ، ماقۇلداۋدان وتكەن ەكسپورتتاۋشىنىڭ اۋەلگى وندىرىلگەن جەر تۋرالى ءوزى مالىمدەمە جاساۋى كاسىپورىندارعا اناعۇرلىم كوپ قولايلىلىق اكەلەدى.
بيىل 1 - ايدا بۇكىل شينجياڭدا RCEP اۋەلگى وندىرىلگەن جەر كۋالىگىنەن 11ى تاراتىلعان، بۇل قاتارداعى ەكسپورت ونىمدەرىنە، باستىسى، قىزاناق توسابى، كەپتىرىلگەن شىلان، ورىك قاعى، مەيىز، ماقتا ورامال، اليۋمين جاپىراقشاسى، جوعارى اكتيۆتىكتەگى قۇرعاق اشىتقى قاتارلىلار قامتىلىپ، جاپونيا، جاڭا زەلانديا قاتارلى RCEP كۇشىنە ەنگەن ەلدەرگە شىعارىلعان.
شينجياڭداعى بەلگىلى ءبىر توقىما، كيىم - كەشەك كاسىپورنى جاپونياعا شىعارىلاتىن ءونىم بويىنشا RCEP اۋەلگى وندىرىلگەن جەر كۋالىگىنە شينجياڭ بويىنشا تۇڭعىش يە بولعان كاسىپورىن سانالادى، ولاردىڭ بۇل جولى جاپونياعا ەكسپورتقا شىعارعان 10 مىڭ تالدان استام ماقتا ورامالى مەن مونشا ورامالى كەدەن باجىسى الىنباۋ ساياساتىنان يگىلىكتەنىپ، كاسىپورىن ءۇشىن ەكسپورتتىق تاپسىرىستى تۇراقتى ساقتاپ، ءونىمنىڭ حالىقارالىق باسەكەلىك قۋاتىن جوعارىلاتقان.
ءۇرىمجى كەدەنى كەدەن باجىسى باسقارماسىنىڭ باستىعى گو يۇڭگاڭ مىنانى ءبىلدىردى: كاسىپورىنداردىڭ RCEP جاڭا ورايىن ويداعىداي پايدالانۋىنا، ەڭ ۇتىمدى ەركىن ساۋدا كەلىسىمىنىڭ اۋەلگى وندىرىلگەن جەر كۋالىگىن تاڭداۋىنا كومەكتەسۋ ءۇشىن، ءۇرىمجى كەدەنى كاسىپورىندارعا RCEP ساياساتى جونىندە ۇگىت جۇرگىزگەن، سونداي - اق قاتىستى كاسىپورىندارعا ”بىرگە ءبىر“ قىزمەت وتەپ، كاسىپورىنداردىڭ RCEP اۋەلگى وندىرىلگەن جەر كۋالىگىن ءساتتى ءوتىنىش ەتۋىنە جاردەمدەسكەن. كەلەسى قادامدا كەدەن ساياساتتى زەرتتەۋدى، ساياساتتى ۇگىتتەۋدى ۇزدىكسىز كۇشەيتىپ، RCEP ساياساتىنىڭ باسىمدىعىن بارىنشا ساۋلەلەندىرىپ، شينجياڭ كاسىپورىندارىنىڭ RCEP ساياساتىنان ويداعىداي پايدالانۋىنا كومەكتەسىپ، كاسىپورىن ونىمدەرىنىڭ حالىقارالىق باسەكەلىك قۋاتىن جوعارىلاتادى ەكەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
