شي جينپيڭ ارگەنتينانىڭ زۇڭتۇڭى فەرناندەسپەن كەزدەستى
2022.02.07 16:42 كەلۋ قاينارى : حالىق تورابى
2 - ايدىڭ 6 - كۇنى تۇستە مەملەكەت ءتوراعاسى شي جينپيڭ بەيجيڭدەگى حالىق سارايىندا بەيجيڭ 2022 - جىلعى قىسقى وليمپيادا سپورت جارىسىنىڭ اشىلۋ سالتىنا قاتىناسۋ ءۇشىن جۇڭگوعا كەلگەن ارگەنتينانىڭ زۇڭتۇڭى فەرناندەسپەن كەزدەستى.
سۋرەتتى شينحۋا اگەنتتىگىنىڭ ءتىلشىسى ليۋ ۋەيبيڭ تۇسىرگەن
شينحۋا اگەنتتىگى، 2 - ايدىڭ 6 - كۇنى، بەيجيڭ. مەملەكەت ءتوراعاسى شي جينپيڭ 2 - ايدىڭ 6 - كۇنى تۇستە حالىق سارايىندا بەيجيڭ 2022 - جىلعى قىسقى وليمپيادا سپورت جارىسىنىڭ اشىلۋ سالتىنا قاتىناسۋ ءۇشىن جۇڭگوعا كەلگەن ارگەنتينانىڭ زۇڭتۇڭى فەرناندەسپەن كەزدەستى.
شي جينپيڭ بىلاي دەپ اتاپ كورسەتتى: بيىل − جۇڭگو مەن ارگەنتينانىڭ ديپلوماتيالىق قاتىناس ورناتقانىنىڭ 50 جىلدىعى. جارتى عاسىردان بەرى جۇڭگو مەن ارگەنتينا باستان - اياق ءبىرىن - ءبىرى ءتۇسىنىپ، ءبىرىن - ءبىرى قولداپ كەلەدى. جاڭا تيپتى ايدارشا ۆيرۋس وكپە قابىنۋ ىندەتى الدىندا، ەكى ەل ءبىر جاعادان باس، ءبىر جەڭنەن قول شىعارىپ، ءبىر - بىرىنە قارايلاسىپ، بازارى جاڭادان گۇلدەنگەن ەلدەردىڭ ىنتىماقتاسا سەلبەسۋىنىڭ ۇلگىسىن ورناتتى. جۇڭگو مەن ارگەنتينا حالىقتى وزەك ەتكەن دامۋ يدەياسىندا تاباندى بولىپ وتىر، جۇڭگو - ارگەنتينا سەلبەستىگىن تەرەڭدەتۋ − ەكى ەل حالىقتارىنىڭ تىلەگى. جۇڭگو ارگەنتينامەن ەكى ەل قاتىناسىنىڭ 50 جىلدىق تابىستى تاجىريبەلەرىن ساۋلەلەندىرىپ، ءار سالاداعى اۋىس - كۇيىستى، سەلبەستىكتى ىلگەرىلەتىپ، جۇڭگو مەن ارگەنتينانىڭ جالپى بەتتىك ستراتەگيالىق سەرىكتەستىك قاتىناسىنىڭ كەلەسى شۇعىلالى 50 جىلدىعىن اشۋدى قالايدى.
شي جينپيڭ بىلاي دەپ دارىپتەدى: جۇڭگو ارگەنتينامەن جوعارى جىكتەگىلەردىڭ بارىس - كەلىسىن جانە ەل باسقارۋ تاجىريبەلەرىن اۋىستىرۋدى كۇشەيتىپ، قارسى جاقتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ جاعىنداعى ورىندى قۋاتتاماسىن ءوزارا قولداۋدى قالايدى. جۇڭگو ارگەنتينامەن دامۋ ورايىنان بىرگە يگىلىكتەنىپ، ارگەنتينانىڭ ەكسپورتتى كەڭەيتۋىنە جانە كاسىپ دارەجەسىن جوعارىلاتۋىنا دەم بەرۋدى قالايدى. ەكى جاق «ءبىر بەلدەۋ، ءبىر جولدى» جوعارى ساپامەن بىرگە قۇرىپ، ءبىرىن - ءبىرى تولىقتاۋ ابزالدىعىن تولىق ساۋلەلەندىرىپ، سۋ ەلەكتر، تەمىر جول سياقتى قازىرگى كەلەلى نىسانداردى ويداعىداي تياناقتاندىرىپ، ساۋدا، اۋىل شارۋاشىلىعى، ەنەرگيا - كەن، نەگىزدىك قۇرىلعى، قارجى قوسۋ، قارجى قۇراۋ، ىندەتكە قارسى اتتانۋ سياقتى سالالارداعى سەلبەستىكتى تەرەڭدەتۋى كەرەك. جۇڭگو مەن ارگەنتينانىڭ عارىش، تەڭىز - مۇحيت سياقتى سەلبەستىكتەرى ادامزاتتىڭ عارىشتاعى جۇلدىزداردى، تەڭىزدى بارلاۋىنا بەلسەندى ۇلەس قوستى. ەكى جاق سيفرلى ەكونوميكا، جاسىل دامۋ سياقتى سەلبەستىكتىڭ جاڭا كورىنەۋ تۇيىندەرىن قۇلشىنا قالىپتاستىرۋى كەرەك. مەن سىزبەن 2022 - جىلعى جۇڭگو - ارگەنتينا دوستىق سەلبەستىك جىلىن باستاۋدى بىرگە جاريالاپ، مادەنيەت، وقۋ - اعارتۋ، دەنەتاربيە، اقپارات قۇرالدارى، جاستار، جەرگىلىكتى ورىندار سياقتى سالالارداعى اۋىس - كۇيىستى بەلسەنە ورىستەتىپ، ادامداردىڭ بارىس - كەلىسىنە قولايلىلىق جاساپ، حالىق تىلەگىنىڭ توعىسۋىن جەبەۋدى قالايمىن.
شي جينپيڭ بىلاي دەپ دارىپتەدى: جۇڭگو مەن ارگەنتينا − وركەندەپ كەلە جاتقان ەلدەر، كەڭ كولەمدى ستراتەگيالىق ورتاق تانىمعا جانە ورتاق مۇددەگە يە. جۇڭگو ارگەنتينامەن بىرلەسكەن مەملەكەتتەر ۇيىمى، 20 ەل توبى سياقتى جۇلگەدە تىعىز سايكەسىپ، ناعىز كوپ جاقتىلىقتى امالياتتا ايگىلەپ، دۇنيە ءجۇزىن جونگە سالۋدى كەمەلدەندىرىپ، دۇنيە جۇزىلىك دامۋ باستاماسىن بىرگە ىلگەرىلەتۋدى قالايدى. ارگەنتينانىڭ لاتىن امەريكاسى ورتاق تۇلعاسىنىڭ كەزەكتى ءتوراعا ەل مىندەتىن وتكىزىپ العانىن قۇتتىقتايمىن، ارگەنتينامەن بىرگە جۇڭگو - لاتىن امەريكاسى تالقى مىنبەرى قۇرىلىسىن ىلگەرىلەتىپ، جۇڭگو - لاتىن امەريكاسى تاعدىرلاس ورتاق تۇلعاسىن قول ۇستاسا قۇرۋدى ءۇمىت ەتەمىن.
فەرناندەس مىنانى ءبىلدىردى: مەن جۇڭگو حالقىمەن بىرگە كوكتەم مەرەكەسىن قۇتتىقتاعانىما ءارى بەيجيڭ قىسقى وليمپيادا سپورت جارىسىنىڭ اشىلۋ سالتىنا كۋا بولعانىما توتەنشە قۋانىشتامىن. ارگەنتينانىڭ جۇڭگو حالقىنا تەرەڭ دوستىق سۇيىسپەنشىلىگى بار، ەكى ەل ديپلوماتيالىق قاتىناس ورناتقان 50 جىلدان بەرى ەكى جاقتى سەلبەستىكتە قول جەتكىزگەن ۇلى جەتىستىكتەردى ماقتانىش ەتەمىز. الدىڭعى كۇنى مەن جۇڭگو كوممۋنيستىك پارتياسىنىڭ تاريح كورمەسىن ەكسكۋرسيالادىم، مەن جۇڭگو كوممۋنيستىك پارتياسىنىڭ جۇڭگو حالقى ءۇشىن ىستەگەن بارلىق قۇلشىنىسى مەن قول جەتكىزگەن ۇلى جەتىستىكتەرىنە وسكەلەڭ قۇرمەت بىلدىرەمىن. ارگەنتينا − جۇڭگونىڭ دوسى، ءبىر جۇڭگو ساياساتىن باستان - اياق تاباندىلىقپەن اتقارىپ، ارگەنتينا مەن جۇڭگونىڭ دوستىق قاتىناسىن تەرەڭدەتۋگە باستان - اياق باتىل كۇش سالادى، جۇڭگومەن ەل باسقارۋ تاجىريبەلەرىن اۋىستىرۋدى كۇشەيتۋگە پەيىل. جۇڭگونىڭ ارگەنتينانىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنىڭ شەشۋشى ساتىندە قىرۋار ەمدەۋ بۇيىمدارىمەن جانە ۆاكسينامەن قامداعانىنا العىس ايتامىن، جۇڭگومەن ۆاكسينا، ءدارى - دارمەك ءوندىرىسى سياقتى جاقتارداعى سەلبەستىكتى ۇزدىكسىز كۇشەيتۋدى ءۇمىت ەتەمىن. ارگەنتينا جاق «ءبىر بەلدەۋ، ءبىر جولدى» بىرگە قۇرۋ سەلبەستىگىنە ۇزدىكسىز بەلسەنە ات سالىسىپ، ساۋدا، اۋىل شارۋاشىلىعى، نەگىزدىك قۇرىلعى قۇرىلىسى سياقتى سالالارداعى سەلبەستىكتى تەرەڭدەتەدى، اناعۇرلىم كوپ جۇڭگو كاسىپورىندارىنىڭ ارگەنتيناعا بارىپ قارجى قوسىپ، سەلبەستىك جاساۋىن قارسى الادى. ارگەنتينا حالىقارالىق كوپ جاقتى جۇلگە اياسىندا جۇڭگومەن تىعىز سايكەسىپ، كوپ جاقتىلىقتى امالياتتا ايگىلەپ، لاتىن امەريكاسى ورتاق تۇلعاسىنىڭ جۇڭگومەن سەلبەستىگىن جەبەۋدە اناعۇرلىم زور رول اتقارۋدى قالايدى.
ەكى جاق «جۇڭحۋا حالىق رەسپۋبليكاسى مەن ارگەنتينا رەسپۋبليكاسىنىڭ جۇڭگو مەن ارگەنتينانىڭ جان - جاقتى ستراتەگيالىق سەرىكتەستىك قاتىناسىن تەرەڭدەتۋ جونىندەگى بىرلەسكەن مالىمدەمەسىن» جاريالادى ءارى «جۇڭحۋا حالىق رەسپۋبليكاسى ۇكىمەتى مەن ارگەنتينا رەسپۋبليكاسى ۇكىمەتىنىڭ جىبەك جولى ەكونوميكالىق بەلدەۋى مەن 21 - عاسىرداعى تەڭىز جىبەك جولى قۇرىلىسىن بىرگە ىلگەرىلەتۋ جونىندەگى تۇسىنىستىك ەسكەرتپە حاتى» سياقتى ءبىرسىپىرا سەلبەستىك قۇجاتىنا قول قويدى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
