شينجياڭنان 2 جەر تۇڭعىش توپتاعى مەملەكەت دارەجەلى شاڭعى ساياحات دەمالىس ورنىنا تاڭدالدى
2022.01.29 10:30 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جاڭ شياۋمي 1 - ايدىڭ 26 - كۇنى ۇرىمجىدەن حابارلايدى. 1 - ايدىڭ 25 - كۇنى مادەنيەت جانە ساياحات مينيسترلىگى، مەملەكەتتىك دەنە تاربيە باس مەكەمەسى بىرلەسىپ تۇڭعىش توپتاعى مەملەكەت دارەجەلى 12 شاڭعى ساياحات دەمالىس ورنىنىڭ تىزىمدىگىن جاريالادى، شينجياڭنان 2 جەر تاڭدالدى، ولار جەكە - جەكە التاي شاڭعى ساياحات دەمالىس ورنى، ءۇرىمجى نانشان شاڭعى ساياحات دەمالىس ورنى.
”تاڭدالۋ ەڭ سوڭعى نىسانا ەمەس، قايتا جاڭا باستاما“. شينجياڭ جىبەك جولى حالىقارالىق دەمالىس رايونىنىڭ ورىنباسار باس ديرەكتورى حۋاڭ حى بىلاي دەدى: كەلەسى قادامدا بايلىق جانە ماركا باسىمدىعىنان اناعۇرلىم ويداعىداي پايدالانىپ، قۇرىلعىلاردى كەمەلدەندىرىپ، قىزمەت وتەۋ دەڭگەيىن جوعارىلاتىپ، ءۇرىمجى نانشان شاڭعى ساياحات دەمالىس ورنىنىڭ ”جولى جاقىن، تەمپەراتۋراسى جوعارى، شاڭعى جولى ساپالى، كوركەم بولۋ“ سىندى ابزالدىلىعىن اناعۇرلىم كوپ ادامنىڭ بىلۋىنە مۇمكىندىك جاسايمىز.
شينجياڭ التاي ساياحاتتى دامىتۋ توبى شەكتى سەرىكتەستىگىنىڭ ورىنباسار باس ديرەكتورى، گەنارال تاۋى حالىقارالىق شاڭعى دەمالىس رايونىنىڭ جاۋاپتىسى شى جىچياڭ بىلاي دەدى: ”تاڭدالۋ اسا زور شابىت. ءبىز قار - مۇز بايلىعىنان تولىق پايدالانىپ، قۇرىلىعى قۇرىلىسىن ۇزدىكسىز كەمەلدەندىرىپ، قىزمەت وتەۋ دەڭگەيىن جوعارىلاتىپ، جاڭا ءونىم اشىپ، وسى تاماشا اتتىڭ باۋراۋ قۋاتىن ۇزدىكسىز كۇشەيتەمىز“.
بيىل شينجياڭ جىبەك جولى حالىقارالىق دەمالىس رايونى ساياحاتشىلارعا قىزمەت وتەۋ ورتالىعىن، قوناق سارايدى جاڭادان سالىپ، تاۋلى قار جولىن تىڭنان ارتتىرۋدى جانە كەڭەيتىپ سالۋدى جوسپارلاپ، دەمالىس رايونىنىڭ ءونىمدى سەزىنۋ جانە قىزمەت وتەۋ، قابىلداۋ قۋاتىن جالپى بەتتىك جوعارىلاتادى، قازىر گەنارال تاۋى حالىقارالىق شاڭعى دەمالىس رايونىندا تەكشەدەن سەكىرىپ سىرعاناۋ شاڭعى شوعىرى، قوناق ساراي سياقتىلار سالىنۋ ۇستىندە.
ءۇرىمجى قالاسى نانشان كورىنىس ءوڭىرىن باسقارۋ كوميتەتىنىڭ ورىنباسار مەڭگەرۋشىسى، ءۇرىمجى اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى ۋي جيان - يە مىنالاردى ءبىلدىردى: قار - مۇز سپورتىن، قار - مۇز ساياحاتىن جانە حالىقتىق سالت - سانانى سەزىنۋدى ۇزدىكسىز بىرلەستىرىپ، شاڭعى ساياحاتى دەمالىس قىزمەت وتەۋ قۇرىلعىسى مەن قىزمەت وتەۋ فاكتورىن ساپالىلاندىرىپ، كەمەلدەندىرىپ، تاماشا قار - مۇز سپورت رايىن قالىپتاستىرامىز.
”بيىل 3 ميلليارد يۋان مولشەرىندە قارجى قوسىپ، نەگىزدىك قۇرىلعى قۇرىلىسىن كەمەلدەندىرەمىز ءارى 2022 - جىلدى ساياحات قىزمەت وتەۋىنىڭ ساپاسىن جوعارىلاتۋ جىلى ەتىپ تۇراقتاندىرىپ، كورىكتى قار مەكەنى، شاتتىققا شومعان قار مەكەنى، ساپالى قار مەكەنى جانە مەيىرلى قار مەكەنى سىندى 4 ارناۋلى ارەكەت ورىستەتىپ، جۇمساق، قاتتى بولشەكتەردىڭ قىزمەت وتەۋ قابىلەتى مەن دەڭگەيىن جالپى بەتتىك جوعارىلاتامىز“، - دەدى التاي قالالىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى يە سۋچين.
اۆتونوميالى رايوندىق مادەنيەت جانە ساياحات مەڭگەرمەسى بايلىقتى اشۋ باسقارماسىنىڭ ورىنباسار باستىعى جوۋ حاۋ بىلاي دەدى: بيىل رايونىمىزدان مەملەكەت دارەجەلى شاڭعى ساياحات دەمالىس ورنىنا تاڭدالعان جەرلەردە تاۋلى سپورت، دالالىق سپورت، دەنساۋلىقتى كۇتىمدەۋ، دەمالۋ، سەيىل - سەرۋەن، كوڭىل اشۋ سياقتى دەمالىس قۇرىلعىلارى مەن يقۋاتى شوعىرلانعان وڭىرلەر بار بولىپ، ساياحاتشىلاردى جوعارى دەڭگەيدەگى شاڭعى الاڭىمەن جانە جوعارى ساپالى ساياحات دەمالىسى قىزمەت وتەۋىمەن قامداي الادى. رايونىمىز ءارقايسى جەرلەردىڭ وڭىرلىك ارتىقشىلىعىنا نەگىزدەلە وتىرىپ، قار - مۇز ساياحات كاسىپ سالاسىن ورنالاستىرىپ، قار - مۇز ساياحات ونىمدەرىمەن قامداۋدى كۇشەيتىپ، قار - مۇز ساياحاتىنىڭ جوعارى ساپالى دامۋىن ىلگەرىلەتەدى. سونىمەن بىرگە، قار - مۇز ساياحاتىن دامىتۋ شارت - جاعدايى بار دەمالىس رايوندارىنىڭ، كورىنىس وڭىرلەرىنىڭ قار - مۇز ەكونوميكالىق ارتۋ ءتۇيىنىن ارتتىرۋىنا اناعۇرلىم جەتەكشىلىك ەتىپ، ءتورت ماۋسىمدىق ساياحاتتى دامىتادى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
