حى شيڭشياڭ پارتيادان، قىزمەتتەن ايدالدى
2022.01.27 15:57 كەلۋ قاينارى : حالىق تورابى
ج ك پ ورتالىق كوميتەتىنىڭ بەكىتۋىمەن ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى مەملەكەتتىك وركەندەتۋ بانكەسىنىڭ بۇرىنعى پارتكوم مۇشەسى، ورىنباسار بانكە باستىعى حى شيڭشياڭنىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ تەكسەرۋ جۇرگىزدى.
تەكسەرۋگە نەگىزدەلگەندە، حى شيڭشياڭ مۇرات - سەنىمىنەن ايرىلعان، اۋەلگى ماقساتتان، بورىشتان بەزگەن، پارتياعا ادال، شىنايى بولماعان، ساياسي ناتيجە كوزقاراسى بۇرمالانىپ، پارتيا ورتالىق كوميتەتىنىڭ فينانس حاۋىپ - قاتەرىنەن ساقتانۋ جانە ونى جويۋ جونىندەگى شەشىمدەرى مەن ورنالاستىرۋلارىن دايەكتى تياناقتاندىرماعان، ءتىپتى ءوز بىلگەنىن ىستەگەن، فينانستى تەكسەرىپ بەكىتۋ ۇقىعىنان الباتى پايدالانىپ، كەلەلى فينانس حاۋىپ - قاتەرىن تۋدىرعان، مەملەكەتكە ەرەكشە زور زيان جەتكىزگەن، جەكە باسىنىڭ كەلەلى ىستەرىن مالىمدەمەگەن، ۇيىمنىڭ تەكسەرۋىنە قارسى تۇرعان؛ ورتالىقتىڭ سەگىز تارماقتى بەلگىلەمەسىنە قايشىلىق جاساپ، بەلگىلەمەگە قايشى تارتۋ - تارالعى، اقشا العان؛ باسقارۋ جانە قىزمەت وتەۋ وبيەكتىسىنە قارىز اقشا بەرىپ، قوماقتى قارىمجى قايتارۋدى تالاپ ەتكەن؛ وتباسى ستيلى دۇرىس بولماي، جۇبايى مەن ۇل - قىزدارىن باسقارۋسىز قالدىرعان؛ قولىنداعى ۇقىقتى جەكە مۇددەنى كوزدەيتىن قۇرالعا اينالدىرىپ، ۇقىق - اقشا ساۋداسىمەن بارىنشا شۇعىلدانىپ، قىزمەت قولايلىلىعىنان پايدالانىپ، باسقالارعا قارىز اقشا بەرۋ، قارجى قۇراۋ، كاسىپورىن تيجاراتى، جۇمىسقا كىرۋ، جۇمىسقا ورنالاسۋ سياقتى جاقتاردا پايدا جەتكىزگەن ءارى زاڭسىز قوماقتى مال - مۇلىك العان.
حى شيڭشياڭ پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە جانە تۇرمىس تارتىبىنە اۋىر قايشىلىق جاساپ، قىزمەت مىندەتى جاعىندا زاڭعا اۋىر قايشىلىق جاساعان ءارى پارا العان، بەلگىلەمەگە قايشىلىق جاساپ فينانس بەلەتىن بەرۋ، زاڭعا قايشى قارىز اقشا تاراتۋ، شەكارا سىرتىنداعى امانات اقشانى جاسىرۋ سياقتى قىلمىستاردى تۋدىرعان، ونىڭ ۇستىنە پارتيا 18 ـ قۇرىلتايىنان كەيىن تىزگىنىن تارتپاعان، تيىلماعان، سيپاتى اۋىر، ىقپالى ناشار، ونى قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ ـ تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەر جازاسى زاڭى» سياقتى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ماجىلىسىندە اقىلداسۋ جانە ج ك پ ورتالىق كوميتەتىنە بەكىتتىرۋ ارقىلى حى شيڭشياڭعا پارتيادان شىعارۋ جازاسىن بەرۋدى ۇيعاردى؛ مەملەكەتتىك باقىلاۋ ـ تەكسەرۋ كوميتەتى وعان قىزمەتتەن ايداۋ جازاسىن بەردى؛ تارتىپكە، زاڭعا قايشى تابىسىن تاركىلەگەن؛ ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەرىپ، ساياتىن مال ـ مۇلىكتى بىرگە وتكىزىپ بەرگەن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
