لي كىچياڭ گانسۋدا قىزمەت تەكسەرگەندە مىنانى دارىپتەدى
نەگىزگى حالىق تۇرمىسىن قامتاماسىز ەتىپ، حالىق تۇرمىسىنا قاتىستى ناقتى ىستەردى ويداعىداي ىستەپ، دامۋ بارىسىندا ءار ۇلت بۇقاراسىنىڭ تۇرمىس دەڭگەيىن جوعارىلاتۋ كەرەك
2022.01.29 16:32 كەلۋ قاينارى : حالىق تورابى
شينحۋا اگەنتتىگى، 1 – ايدىڭ 28 – كۇنى، لانجوۋ. 1 - ايدىڭ 27 – كۇنىنەن 28 – كۇنىنە دەيىن، كوكتەم مەرەكەسى قارساڭىندا، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ گانسۋ ولكەلىك پارتكومنىڭ شۋجيى يىن حۇڭنىڭ، ولكە باستىعى رىن جىنحىنىڭ سەرىك بولۋىندا جينچاڭ، ۋ – ۋەي قالالارىندا قىزمەت تەكسەرىپ، نەگىزگى ساتىداعى كادر – جۇرتشىلىقپەن امانداستى. ول مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ جانە كەڭەيتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، حالىق تۇرمىسىنداعى ناقتى ىستەردى ويداعىداي ىستەپ، ساپالى دامۋدى ىلگەرىلەتۋ كەرەك.
جينچاڭ قالاسىنىڭ التىن اتىراۋ بازارىندا شامدار جايناپ، ادامدار ءيىن تىرەسىپ، قويۋ مەرەكەلىك تۇسكە بولەندى. لي كىچياڭ بىرنەشە جايما مەن ءبىر اسحاناعا بارىپ، مەرەكەلىك بۇيىمدارمەن قامداۋ - ساتۋ، باعا سياقتى جاعدايلاردى ۇعىستى. ءبىر جايما يەسى زۇڭليدى ءوز كاسىپورىندارى وندىرگەن كەپتىرىلگەن جەمىس - جيدەك ونىمدەرىنەن ءدام تاتۋعا ۇسىنىس ەتىپ، بىلاي دەدى: وسى 2 جىلدا ىندەتتىڭ ىقپالى بولعانىمەن، مەملەكەتتىڭ سالىقتى كەمەيتۋ، اقىنى تومەندەتۋ ساياساتىنان يگىلىكتەندىك، بۇل كاسىپورنىمىزدىڭ قيىن وتكەلدەن ءوتىپ، ۇزدىكسىز دامۋىندا اسا زور شەشۋشى رول اتقاردى. لي كىچياڭ جەرگىلىكتى ۇكىمەتتىڭ تاياۋدا جايما اقىسىن كەشىرىم ەتكەنىن تۇراقتاندىردى. ول بىلاي دەدى: ەلىمىزدەگى ورتا، شاعىن، ۇساق كاسىپورىنداردىڭ، جەكە ونەركاسىپشىلەر مەن ساۋداگەرلەردىڭ سانى كوپ، كولەمى كەڭ، جۇمىستاندىرۋمەن تىكەلەي بايلانىسىپ، سان - ساناقسىز وتباسىلاردىڭ تۇرمىسىنا تىرەك بولىپ، نەشە ءجۇز ميلليون ادامنىڭ ازىق – تۇلىكپەن قامدالۋىنا سايىپ وتىر، كوپتەگەن بازار تۇلعاسىندا قازىر قيىنشىلىق اۋىر، ولاردى ورنىقتىرۋ كەرەك، مەملەكەت قازىر سالىقتى ازايتىپ، اقىنى تومەندەتۋگە قولداۋ كورسەتۋ سياقتى ساياساتتاردى زەرتتەپ جاتىر، جەر - جەر باسقا قاراجاتتاردى ازايتۋ، كەشىرىم ەتۋ جاعىندا كوبىرەك ءادىس - امال قاراستىرۋى كەرەك. لي كىچياڭ مەن كوپشىلىك ءوزارا جاڭا جىل قۇتتى بولسىن ايتتى. ول بىلاي دەدى: سيىر جىلى شىعىپ بارا جاتىر، كوپشىلىكتىڭ وگىزدىڭ ەڭبەكشىل كۇشىن ساقتاپ قالىپ، الداعى بارىس جىلى ءتىپتى دە زور ومىرشەڭدىك كۇشكە يە بولۋىن ءۇمىت ەتەمىن.
لي كىچياڭ ۋ - ۋەي قالاسى مينچين اۋدانىنىڭ شاقپاق فورماسىمەن قۇمدى تىزگىندەۋ ورنىندا گانسۋدىڭ قۇمايتتانۋدان ساقتانۋ، قۇمايت جەرلەردى جونگە سالۋ قىزمەتى جونىندەگى مالىمەتىن تىڭداپ، كادر - جۇرتشىلىقتىڭ جانە بۇكىل ەلدىڭ جەر – جەرىندەگى ەرىكتىلەردىڭ بىرگە قۇلشىنىپ قول جەتكىزگەن تابىستارىن تۇراقتاندىردى. ول بىلاي دەدى: قۇمايتتانۋدان ساقتانۋ، قۇمايت جەرلەردى جونگە سالۋ − ەكولوگيا مەن جەرگىلىكتى بۇقارانىڭ ءوندىرىس، تۇرمىس ورتاسىن جاقسارتۋداعى ءىرى ءىس، مەملەكەت ونى ۇزدىكسىز قولداپ، ۇسىنىلىمدى ارتتىرادى. عىلىم - تەحنيكالىق زەرتتەۋ - اشۋدى، جالپىلاستىرۋدى كۇشەيتىپ، قۇمدى تىزگىندەيتىن اناعۇرلىم كوپ وسىمدىك سورتىن جەتىلدىرىپ، ورگانيزمدەرى الۋان ءتۇرلى بولىپ كەلەتىن قۇمدى تىزگىندەۋ ەكولوگياسىن قالىپتاستىرۋدى جەبەۋ كەرەك.
لي كىچياڭ حۋاجيان قىستاعىنداعى تۇرعىنداردىڭ ۇيىنە بارىپ، جاڭا جىلعا قۇتتى بولسىن ايتتى ءارى قىستاق تۇرعىندارىمەن اڭگىمە دۇكەنىن قۇردى، كوپشىلىك كىرىستەرىنىڭ ارتىپ، تۇرمىستارىنىڭ جاقسارعانىن تىلگە تيەك ەتتى. كەيبىر قىستاق تۇرعىندارى بالالارىنىڭ سيرەك كەزدەسەتىن اۋرۋعا شالدىققانىن، ەمدەلۋ اۋىرتپالىعىنىڭ اۋىر ەكەنىن اڭىس ەتتى، لي كىچياڭ وزىمەن بىرگە جۇرگەن جاۋاپتى جولداستارعا سيرەك كەزدەسەتىن اۋرۋلارعا ءدارى ىستەتۋدى ويداعىداي قامتاماسىزداندىرۋدى ءارى قيىنشىلىعى بار وتباسىلارعا كومەك بەرۋ تەبىنىن ارتتىرۋدى تاپسىردى. كەيبىرەۋلەردىڭ اۋىل شارۋاشىلىق ءوندىرىس قۇرال - جابدىقتارى باعاسىنىڭ نەداۋىر جوعارىلاۋ ماسەلەسىنە قاراتا لي كىچياڭ بىلاي دەدى: مەملەكەت اۋىل شارۋاشىلىق ءوندىرىس قۇرال - جابدىقتارى قوسىمشا قاراجاتىن تاعى دا تاراتىپ، ەگىنشىلەردىڭ كوكتەمگى ەگىس ءوندىرىسىن قولداپ وتىر. لي كىچياڭ اۋىلىنا قايتقان شارۋا جۇمىسكەرلەردىڭ سىرتتا جۇمىس ىستەۋ جاعدايىن ەگجەي – تەگجەيلى ۇعىستى. ول بىلاي دەدى: كوكتەم مەرەكەسى − جۇڭگولىقتاردىڭ ەڭ ءمان بەرەتىن مەرەكەسى، سىزدەر سىرتتا جۇمىس ىستەدىڭىزدەر، ۇيگە قايتقاندا ءۇي ىشىنە مەيىر باعىشتاڭىزدار، سىزدەردىڭ كوكتەم مەرەكەسىن كوڭىلدى وتكىزۋلەرىڭىزدى تىلەيمىن. ەلىمىزدىڭ بۇگىنگى دامۋ جەتىستىگىندە ميلليونداعان شارۋا جۇمىسكەرلەردىڭ ەڭبەگى زور. بۇل اۋدان «مينچين» دەپ اتالادى، مەملەكەتتىڭ اۋقاتتانۋى حالىقتا، حالىقتىڭ اۋقاتتانۋى قاجىرلىلىقتا، حالىقتىڭ ەڭبەكشىل بولۋى − مەملەكەتتىڭ دامۋىنىڭ، بۇقارانىڭ جاقسى تۇرمىس كەشىرۋىنىڭ بەرىك نەگىزى. كوپشىلىك ۇزدىكسىز قاجىرلىلىقپەن كۇرەس جۇرگىزسە، جىل سايىن جاڭا بەينە جارىققا شىعىپ وتىرادى.
لي كىچياڭ جينچۋان توبىندا قىزمەت ورنىنداعى جۇمىسشىلاردان حال سۇراپ، كاسىپورىننىڭ جاڭا ونىمدەرىن كوزدەن كەشىردى. ول كاسىپورىننىڭ جاۋاپتىسىنا مىنانى تاپسىردى: سىزدەر ءتۇستى مەتالداعى جەتەكشى كاسىپورىن رەتىندە ءونىمدى ورنىقتىرىپ، ءونىمدى مولايتىپ، كاسىپ تىزبەگىندەگى ءىرى، ورتا، شاعىن كاسىپورىنداردىڭ سەلبەستىگىن كۇشەيتىپ، كوپ قولدى تاۋارلارمەن قامداۋدى، باعانى ورنىقتىرۋعا كوبىرەك ۇلەس قوسۋلارىڭىز كەرەك. مەملەكەتتىڭ سالىقتان جەڭىلدىك بەرۋ سياقتى ساياساتتارىنان ويداعىداي پايدالانىپ، زەرتتەۋ - اشۋعا قوسىلىمدى ارتتىرىپ، ءتىپتى دە كوپ شەشۋشى ماتەريالداردى، قوسىمشا قۇنى جوعارى جىنتىكتەي مانەرلەنگەن ونىمدەردى دامىتىپ، كاسىپورىنداردىڭ باسەكەلىك قۋاتىن ارتتىرۋلاىڭىز كەرەك.
لي كىچياڭ گانسۋدىڭ تاياۋ جىلداردان بەرگى ەكونوميكالىق، قوعامدىق دامۋدا قول جەتكىزگەن تابىستارىن تولىق تۇراقتاندىردى، گانسۋدىڭ شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن تياناقتاندىرىپ، باتىس بولەكتى قاۋىرت اشۋ بارىسىندا ۇزدىكسىز تىڭ ساتىعا كوتەرىلىپ، ءار ۇلت بۇقاراسىنىڭ ىرىس - قۇتىن ارتتىرۋىن ءۇمىت ەتتى.
شياۋ جيە قىزمەت تەكسەرۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
