تارىم ويپاتىنان 100 ميلليون توننالىق مۇناي - گاز الابى تىڭنان بايقالدى
2022.01.29 10:31 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى يۇي جياڭيان، ەرىكتى ءتىلشى ۋاڭ فۋچۋان 1 - ايدىڭ 26 - كۇنى ۇرىمجىدەن حابارلايدى. جۇڭگو مۇناي حيميا ونەركاسىبى جارنا شەكتى سەرىكتەستىگىنەن ۇعىسۋعا قاراعاندا، جۇڭگو مۇناي حيميا ونەركاسىبى جارنا شەكتى سەرىكتەستىگى باتىس سولتۇستىك مۇناي الابى بولىمشە سەرىكتەستىگىنىڭ تارىم ويپاتىنا ورنالاستىرعان ءتۇيىندى بارلاۋ قۇدىعى شۇنبەي 801X قۇدىعىنان سىناق رەتىندە بۇرعىلاۋ بارىسىندا تاياۋدا جوعارى ءونىمدى ونەركاسىپتىك مۇناي - گاز اعىسى بايقالدى، كۇنىنە 136.7 توننا شيكى مۇناي، ءبىر ميلليون 93 مىڭ تەكشەمەتر تابيعي گاز وندىرۋگە بولادى، مۇناي - گازدىڭ دولايلاستىرعانداعى ەكۆيۆالەنتى1007.6 توننا. بۇل قۇدىقتان تىڭ قامال الىنۋى شۇنبەي مۇناي - گاز الابى 8 - ءنومىرلى وپىرما بەلدەۋىن بارلاۋ كومەسكى كۇشىنىڭ زور ەكەندىگىن، تارىم ويپاتىندا 100 ميلليون توننا دارەجەلى مۇناي - گاز رايونىنا تىڭنان قول جەتكىزىلەتىندىگىن ونان ارى دالەلدەدى.
باتىس سولتۇستىك مۇناي الابى تاكلاماكان ءشولىنىڭ ىشكى وڭىرىنە ورنالاسقان، بارلاۋ قۇدىعى شۇنبەي 801X قۇدىعى ورنالاسقان شۇنبەي 8 - ءنومىرلى وپىرما بەلدەۋىنىڭ ۇزىندىعى 116 كيلومەتر. 2021 - جىلى باتىس سولتۇستىك مۇناي الابىنىڭ وسى وپىرما بەلدەۋگە ورنالاستىرعان شۇنبەي 8X قۇدىعى جوعارى ءونىمدى مۇناي - گاز اعىسىنا قول جەتكىزىپ، كۇندىك ءونىم مولشەرى مۇناي - گازدىڭ 1000 توننالىق ەكۆيۆالەنتتەن اسىپ، وپىرما بەلدەۋدەن مۇناي - گاز بارلاۋدا كەلەلى قامال الۋدى جۇزەگە اسىردى. جاڭا جىل باستالىسىمەن، شۇنبەي 801X قۇدىعى مۇناي - گاز بايلىعىنان تاعى ءبىر رەت قامال الدى.
جۇڭگو مۇناي حيميا ونەركاسىبى جارنا شەكتى سەرىكتەستىگىنىڭ شۇنبەي كەن ۇقىعى رايونىندا جيىنى 18 وپىرما بەلدەۋ بار، مۇنايدىڭ ساقتالۋ ءتۇرى ەرەكشە، اسا تەرەڭ، اسا جوعارى قىسىمدى، اسقىن جوعارى تەمپەراتۋرالى سياقتى ەرەكشەلىكتەرگە يە، بارلاۋ، اشۋ قيىندىعى زور. 2016 - جىلى 8 - ايدان بەرى جۇڭگو مۇناي حيميا ونەركاسىبى جارنا شەكتى سەرىكتەستىگى شۇنبەي اسا تەرەڭدىكتەگى وپىرمانى مەڭگەرۋ تۇرىندەگى مۇناي - گازدىڭ ساقتالۋ نازارياسىن جاسامپازدىقپەن قالىپتاستىرىپ، شۇنبەي 1 - ءنومىرلى وپىرما بەلدەۋ، 5 - ءنومىرلى وپىرما بەلدەۋدەن 100 ميلليون توننالىق 2 مۇناي - گاز الابىن ىلگەرىندى - كەيىندى بايقادى. بيىل 1 - ايدىڭ 24 - كۇنىنە دەيىن جۇڭگو مۇناي حيميا ونەركاسىبى جارنا شەكتى سەرىكتەستىگى شۇنبەي رايونىندا جالپى 3 ميلليون 330 مىڭ توننا شيكى مۇناي، ءبىر ميلليارد 497 ميلليون تەكشەمەتر تابيعي گاز ءوندىرىلدى.
تارىم ويپاتى ەلىمىزدىڭ مۇناي - گازدىڭ ساقتالۋ مولشەرى ارتقان، ءوندىرىسى جوعارىلاعان ماڭىزدى بازاسى، جۇڭگو مۇناي حيميا ونەركاسىبى جارنا شەكتى سەرىكتەستىگى شينجياڭنىڭ تارىم ويپاتىنان ىلگەرىندى - كەيىندى تارىم وزەنى مۇناي الابى، شۇنبەي مۇناي - گاز الابى سياقتى ءبىر ميلليارد توننالىق 2 مۇناي - گاز الابىن بايقادى. قازىرگە دەيىن باتىس سولتۇستىك مۇناي الابىندا جالپى انىقتالعان مۇنايدىڭ گەولوگيالىق ساقتالۋ مولشەرى ءبىر ميلليارد 665 ميلليون توننا، تابيعي گازدىڭ گەولوگيالىق ساقتالۋ مولشەرى 94 ميلليارد 583 ميلليون تەكشەمەتر بولىپ، جالپى ءونىم مولشەرى 140 ميلليون توننا مۇناي - گاز ەكۆيۆالەنتىنەن استى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
