2022 – جىلى شەكارادان كىرىپ – شىعۋ وڭايلاسا ما؟ ۇكىمەت بۇعان جاۋاپ قايتاردى!
2022.01.28 16:48 كەلۋ قاينارى : حالىق تورابى
1 - ايدىڭ 27 - كۇنى مەملەكەتتىك قونىس اۋدارۋشىلاردى باسقارۋ مەكەمەسى اقپار جاريالاۋ ءماجىلىسىن اشىپ، 2021 ـ جىلعى قونىس اۋدارۋشىلاردى باسقارۋ قىزمەتىنىڭ نەگىزگى ساندى مالىمەتتەرى مەن ونىمدىلىگى سياقتى قاتىستى جاعدايلاردى حابارلاندىردى.
جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، جۇڭگولىق، شەتەلدىك ادامداردىڭ دەنساۋلىعىن، باس اماندىعىن قورعاۋ ءۇشىن، مەملەكەتتىك قونىس اۋدارۋشىلاردى باسقارۋ مەكەمەسى مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنە ساي ءبىرتۇتاس ورنالاستىرۋ جاساپ، ىندەتتەن ساقتانۋ - تىزگىندەۋدىڭ قاجەتىنە جانە ٵر ەلدىڭ جالپىلىق ادىستەرىنە ساي، شەتەلدىكتەردىڭ شەكارادان كىرۋىن قاتاڭ باسقارۋ ساياساتىن اتقارىپ، جۇڭگو ازاماتتارىنىڭ شۇعىل جاعدايدا شەكارادان شىقپاۋىن دارىپتەدى ٵرى ىندەت جاعدايىنىڭ وزگەرىسىنە قاراي عىلىمي اۋقىمدىق رەتتەۋ جۇرگىزىپ، ىندەتتىڭ شەكارادان كىرىپ – شىعۋ ارناسى ارقىلى تارالۋىنان كۇش سالا ساقتاندى.
ءىشىنارا بۇقارانىڭ پاسپورت سياقتى شەكارادان كىرىپ – شىعۋ كۋالىگىن ءوتىنىش ەتۋ قيىنشىلىعىنا، شەتەلدىكتەردىڭ جۇڭگوعا كەلۋدەگى ٵلى دە كوپتەگەن شەكتەمەلەرگە قاراتا، 2022 – جىلى ەلىمىزدىڭ شەكارادان كىرىپ – شىعۋ ساياساتىن رەتكە سالىپ، وڭايلاتۋعا بولاتىن – بولمايتىندىعى ماسەلەسىنە قاراتا، مەملەكەتتىك قونىس اۋدارۋشىلاردى باسقارۋ مەكەمەسىنىڭ اقپارات مالىمدەمەشىسى، ساياسات، زاڭ – ەرەجە مەڭگەرمەسىنىڭ باستىعى چىن جيە تانىستىرىپ بىلاي دەدى: قىزمەت بارىسىندا مەملەكەتتىك قونىس اۋدارۋشىلاردى باسقارۋ مەكەمەسى ٵر دارەجەلى قونىس اۋدارۋشىلاردى باسقارۋ قۇرىلىمدارىنان ناقتى ماسەلەلەرگە ناقتى تالداۋ جاساپ، ساياساتتى اتقارۋ بارىسىندا «ءبىر شىبىقپەن ايداماۋدى»، قاراپايىمداستىرۋدان ساقتانۋدى تالاپ ەتتى. كەزەكتە، شەتەلگە شىعىپ وقۋ، جۇمىستانۋ، ساۋدا ىستەرى سياقتى شەكارادان شىعۋ قاجەتى بار ادامدارعا، شىنىندا جۇڭگوعا كەلىپ ەكونوميكا - ساۋدا، عىلىم - تەحنيكا قيمىلدارىن جۇرگىزۋ قاجەت بولعان ادامدار مەن شۇعىل ادامگەرشىلىك سەبەبى بار شەكارادان كىرۋگە تۋرا كەلەتىن ادامدارعا تەكسەرۋ شىن بولعاننان كەيىن، قونىس اۋدارۋشىلاردى باسقارۋ قۇرىلىمدارى دەر كەزىندە شەكارادان كىرىپ - شىعۋ كۋالىگىن بەرەدى.
بۇدان سىرت، ءتىلشىنىڭ ۇعىسۋىنا قاراعاندا، اسىرەسە، حالىقارالىق ىندەتتىڭ الدىن الۋ، ىندەتكە قارسى تۇرۋ، سونداي - اق كاسىپورىنداردىڭ جۇمىستى قالپىنا كەلتىرۋ، ءوندىرىستى قالپىنا كەلتىرۋ ءۇشىن شەكارادان كىرىپ - شىعۋ قاجەت بولعان جۇڭگو ازاماتتارىنا ءار دارەجەلى قونىس اۋدارۋشىلاردى باسقارۋ قۇرىلىمدارى الدىمەن قابىلداپ بەكىتۋ، سونداي - اق شۇعىل كۋالىك ءبىتىرۋ جونىنەن قىزمەت وتەيدى، سونىمەن بىرگە، جۇڭگودا تۇراتىن شەتەلدىكتەردىڭ ۆيزا اشۋىنا جانە قونىستانۋىن توقتاتۋىنا زاڭ بويىنشا ۇزدىكسىز قولايلىلىق جاراتىپ، ءىس جۇزىندىك ارەكەتتەرى ارقىلى بۇكىل الەمنىڭ ىندەتتىڭ الدىن الۋ، ىندەتكە قارسى تۇرۋىنا قولداۋ كورسەتىپ، ەكونوميكانى، ءوندىرىستى قالپىنا كەلتىرۋگە دەم بەرەدى.
«قازىر شەكارا سىرتىندا ىندەت ۇزدىكسىز تارالۋدا، وزگەرمەلى جاڭا ۆيرۋس تۇبىرشىگى جەدەل تارالۋدا، ەلىمىز ءدوپ كەلگەن سىرتتان كىرۋ جاعدايى ءالى دە اۋىر. ىندەتتەن ساقتانۋ - تىزگىندەۋ قىزمەتى شەكارادان كىرىپ - شىعۋشىلاردىڭ قولداپ - قۋاتتاۋىنان، سايكەسۋىنەن قول ۇزە المايدى، مەملەكەتتىك قونىس اۋدارۋشىلاردى باسقارۋ مەكەمەسى مىنانى قايتالاي ەسكەرتتى: قازىر شەكارا سىرتىندا ىندەت ءالى دە تارالىپ، ءونىمدى تىزگىندەلمەدى، ەل ىشىندە وڭاي - وسپاق قولعا كەلمەگەن ىندەتتەن ساقتانۋ - تىزگىندەۋ جەتىستىكتەرىن قاستەرلەپ، ىندەتتەن ساقتانۋ بەلگىلەمەسىنە قاتاڭ بويسۇنىپ، شەكارادان شىعۋى ەرەكشە قاجەتتى بولماعان ادامدار شەكارادان شىقپاۋى كەرەك» دەدى، چىن جيە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
