تۇراقتاندى! كوكتەم مەرەكەسى دەمالىسىندا جوعارى قارقىندى تاس جول اقىسىز بولادى
2022.01.28 16:57 كەلۋ قاينارى : حالىق تورابى
ءتىلشىنىڭ قاتىناس – تاسىمال مينيسترلىگىنەن ۇعىسۋىنشا، «مەملەكەتتىك كەڭەستىڭ قاتىناس – تاسىمال مينيسترلىگى سياقتى تاراۋلاردىڭ ماڭىزدى مەرەكە – دەمالىس كۇندەرىندە شاعىن تۇرپاتتى جولاۋشىلار اۆتوموبيلىنىڭ قاتىناۋ اقىسىن الماۋدى اتقارۋ جوباسىن بەكىتۋ جونىندەگى ۇقتىرۋىنا» ساي، 2022 – جىلعى كوكتەم مەرەكەسى دەمالىسىندا بۇكىل ەل بويىنشا اقى الىناتىن تاس جول 7 ادامدىقتان تومەن (7 ادامدىقتى قامتيدى) شاعىن تۇرپاتتى جولاۋشىلار اۆتوموبيلىنەن، سونداي – اق ادەتتەگى اقى الىناتىن تاس جولدا قاتىناۋعا رۇقسات ەتىلگەن موتوتسيكلدەن قاتىناۋ اقىسى الىنبايدى. ناقتى اقىسىز قاتىناۋ ۋاقىتى دەمالىس كۇنىنىڭ ءبىرىنشى كۇنىنەن (1 - ايدىڭ 31 - كۇنى) ساعات نولدەن باستاپ، مەرەكە، دەمالىس كۇندەرىنىڭ ەڭ سوڭعى كۇنى (2 - ايدىڭ 6 - كۇنى) ساعات 24تە اياقتايدى. ادەتتەگى تاس جولداردا ءالى دە اۆتوكولىكتەردىڭ اقى الۋ پۋنكتىنىڭ اقى الۋ اۋزىنان وتكەن ۋاقىتى ولشەم ەتىلەدى، جوعارى قارقىندى تاس جولدا ءالى دە اۆتوكولىكتەردىڭ اقى الۋ اۋزىنان شىققانداعى ۋاقىتى ولشەم ەتىلەدى.
«ەل ءىشى ـ سىرتىنداعى ىندەت جاعدايىنىڭ وزگەرىسى سياقتى فاكتورلاردىڭ ىقپالىنان، بيىلعى كوكتەم مەرەكەسى كەزىندە بۇقارانىڭ ءجۇرىس ـ تۇرىسى نەگىزىنەن ورتا، قىسقا جولدى نەگىز ەتەدى، مەجەمەن كۇندىك ورتاشا اۆتوموبيل مولشەرى 28 ميلليون شاماسىندا بولىپ، وتكەن جىلدىڭ ۇقساس مەزگىلىندەگىمەن نەگىزىنەن قارايلاس بولادى.» قاتىناس ـ تاسىمال مينيسترلىگىنىڭ اقپارات مالىمدەمەشىسى، ساياسات زەرتتەۋ كەڭسەسىنىڭ مەڭگەرۋشىسى ليۋ پىڭفەي بىلاي دەپ اتاپ كورسەتتى: اعىن مولشەرىنىڭ وزگەرىسىنەن قاراعاندا، «مەرەكە الدىندا ورنىقتى بولۋ، مەرەكە كەزىندە قايتا سەرپىلۋ، مەرەكەدەن كەيىن قايتا ورلەۋ» ەرەكشەلىگى بار، مەجەمەن كوكتەم مەرەكەسىنە قاراعان كۇنى اعىن مولشەرىنىڭ ەڭ تومەنگى شەگى بولادى، كوكتەم مەرەكەسىنىڭ 6 - كۇنىنەن 16 - كۇنىنىڭ اينالاسىندا ەكى اعىن مولشەرىنىڭ قاۋىرت ورلەۋى جارىققا شىعادى. اۋا رايى جاعدايىنان قاراعاندا، بيىل كوكتەم مەرەكەسى كەزىندە بۇكىل ەلدىڭ اۋا رايى جالپى جاقتان ءبىرشاما جاقسى بولىپ، باسىم كوپ ساندى رايونداردىڭ اۋا تەمپەراتۋراسى جىل بويعى دەڭگەيىنە نەگىزىنەن تايايدى، بەلگىلى كولەمدە تومەن تەمپەراتۋرالى، جاڭبىرلى اۋا رايى جارىققا شىعۋى مۇمكىن.
ليۋ پىڭفي بىلاي دەپ اتاپ كورسەتتى: قالىڭ شوفەر جولداستار ساپارعا شىعۋدان بۇرىن، «ۇشكە قاراۋ» كەرەك:
ءبىرىنشى، ىندەت جاعدايىنا قاراۋ. اتتاناتىن جەر مەن باراتىن جەردەگى ىندەتتەن ساقتانۋ - تىزگىندەۋ ساياساتىنىڭ وزگەرىسىنە قاداعالاي نازار اۋدارىپ، اۋرۋدىڭ الدىن الۋ، تەكسەرۋ تالابىن الدىن الا ۇعىسىپ، ءوزىن قورعاۋدى قاتاڭ جاقسى ىستەپ، «ەكى ەكىلىك، ەكى كۋالىكتى» (اقاۋسىزدىق ەكىلىگى، ساپار ەكىلىگى، ازاماتتىق كۋالىگى، نۋكلەين قىشقىلىن تەكسەرۋ ىسپاتتاماسى) تولىق دايىنداپ، ءجۇرىپ ـ تۇرۋ جولىن ۇيلەسىمدى تاڭداپ، ىندەتتىڭ الدىن الۋ، تەكسەرۋگە بەلسەنە سايكەسىپ، كوڭىلدى ساپار بولۋعا كەپىلدىك ەتۋ كەرەك.
ەكىنشى، اۋا رايىنا قاراۋ. توڭىرەكتەگى وڭىرلەردىڭ اۋا رايى جاعدايىن دەر كەزىندە ۇعىسىپ، اۆتوكولىكتىڭ تەحنيكالىق جاعدايىن مۇقيات تەكسەرىپ، اۆتوكولىكتەردىڭ تايعاناۋدان ساقتانۋ شارالارىن ويداعىداي ىستەپ، مۇمكىندىكتىڭ بارىنشا وڭاي قاتاتىن، مۇز قاتاتىن جول بولەكتەرىنەن اۋلاق بولىپ، حاۋىپسىز جۇرۋگە كەپىلدىك ەتۋ كەرەك.
ءۇشىنشى، جول جاعدايىنا قاراۋ. باسىپ وتەتىن جولدىڭ ناقتى ۋاقىتى مەن قاۋىرت مەزگىلى، كەپتەلىس وڭاي تۋىلاتىن بەكەت تۇيىندەرى سياقتى ينفورماتسيالاردى الدىن الا ۇعىسىپ، ءجۇرىس ـ تۇرىس جولىن، ءتاسىلىن جانە ۋاقىتىن ۇيلەسىمدى تاڭداپ، ىركىلىسسىز جۇرۋگە كەپىلدىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
