شي جينپيڭ كوكتەم مەرەكەسى قارساڭىندا ورتا بولىك سوعىستىق رايونىن كوزدەن كەشىرىپ، حال سۇرادى
بارلىق حالىق ازاتتىق ارمياسى كوماندير - جاۋىنگەرلەرىنە، قارۋلى ساقشى بولىمدەرىنىڭ وفيتسەر - اسكەرلەرىنە، ارمياداعى اكىمشىلىك قىزمەتكەرلەرگە، زاپاس مىندەتتەگى حالىق جاساقتارىنا كوكتەم مەرەكەسى بايلانىسىمەن باقىت تىلەدى
2022.01.29 16:18 كەلۋ قاينارى : حالىق تورابى
شينحۋا اگەنتتىگى، 1 – ايدىڭ 28 - كۇنى، بەيجيڭ. جۇڭحۋا ۇلتىنىڭ ءداستۇرلى مەرەكەسى − كوكتەم مەرەكەسى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 – ايدىڭ 28 - كۇنى ورتا بولىك سوعىستىق رايونىن كوزدەن كەشىرىپ، حال سۇراپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان بارلىق حالىق ازاتتىق ارمياسى كوماندير - جاۋىنگەرلەرىمەن، قارۋلى ساقشى بولىمدەرىنىڭ وفيتسەر - اسكەرلەرىمەن، ارمياداعى اكىمشىلىك قىزمەتكەرلەرمەن، زاپاس مىندەتتەگى حالىق جاساقتارىمەن شىن ىقىلاسپەن امانداستى جانە ولارعا كوكتەم مەرەكەسى بايلانىسىمەن باقىت تىلەدى.
كوكتەم مەرەكەسى تاياپ قالدى، استانا بەيجيڭدە مەرەكە لەبى ەستى. تۇستەن كەيىن ساعات 4 مولشەرىندە شي جينپيڭ ورتا بولىك سوعىستىق رايونى بىرلەسكەن سوعىسقا قولباسشىلىق ەتۋ ورتالىعىنا كەلىپ، الدىمەن سوعىستىق رايونى قۇرىلىسى مەن سوعىستىق رايونى بىرلەسكەن قولباسشىلىق ورتالىعىنىڭ اينالىم جاعدايىن بەينەلەيتىن كوپ مەديالى فيلمدى كورىپ، قاتىستى جاعدايلار جونىندەگى مالىمەتتى تىڭدادى.
وسىدان كەيىن شي جينپيڭ ورتا بولىك سوعىستىق رايونىنىڭ شەتەلدەگى بەيبىتشىلىكتى قورعاۋ بولىمشە اترەتىمەن بەينە ەكران ارقىلى سويلەستى. بەيبىتشىلىكتى قورعاۋ جاياۋ اسكەرلەر باتاليونىنان، جۇمىسشى - اسكەرلەر بولىمشە اترەتىنەن، ەمدەۋ بولىمشە اترەتىنەن، تىك ۇشاق بولىمشە اترەتىنەن كەلگەن جولداستار رەتتى ساپ تۇزەپ، شي جينپيڭگە رەتى بويىنشا مالىمەت بەردى. شي جينپيڭ ولاردان ءارى ارميامىزدىڭ شەتەلدە مىندەت وتەپ جاتقان بارلىق كوماندير - جاۋىنگەرلەرىنەن حال سۇرادى. شي جينپيڭ مىنالاردى دارىپتەدى: بەيبىتشىلىكتى قورعاۋ بورىشىن ادالدىقپەن اتقارىپ، دۇنيە ءجۇزىنىڭ بەيبىتشىلىگىن قورعاۋعا اناعۇرلىم كوپ جۇڭگو كۇشىن ارناپ، دۇنيە جۇزىنە جۇڭگو ارمياسىنىڭ تاماشا وبرازىن ايگىلەۋ كەرەك. بەيبىتشىلىكتى قورعاۋ مىندەت رايونىنىڭ ورتاسى كۇردەلى، حاۋىپسىزدىك ساقتىعىن كۇشەيتۋگە نازار اۋدارىپ، ىندەتتەن ويداعىداي ساقتانۋ - تىزگىندەۋ كەرەك.
دۋ قول شاپالاق ءۇنى ىشىندە شي جينپيڭ ورتا بولىك سوعىستىق رايونىنداعى كوماندير - جاۋىنگەرلەردىڭ ۋاكىلدەرىن ىقىلاسپەن قابىلداپ، كوپشىلىكپەن بىرگە سۋرەتكە ءتۇسىپ ەستەلىك قالدىردى. شي جينپيڭ ورتا بولىك سوعىستىق رايونى قۇرىلعاننان بەرگى قۇرىلىس جۇرگىزۋ، دامۋ جانە مىندەتتى ورىنداۋ جاعدايىن تولىق تۇراقتاندىردى. ول مىنالاردى دارىپتەدى: جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، ءتۇرلى مىندەتتەردى جوعارى ولشەممەن ويداعىداي ورىنداپ، سوعىستىق رايونى قۇرىلىسىنىڭ جانە سوعىسقا دايىندالۋ، سوعىس جۇرگىزۋ قىزمەتىنىڭ جاڭا جاعدايىن ۇزدىكسىز اشىپ، ءىس جۇزىندىك ارەكەتپەن پارتيانىڭ 20 - قۇرىلتايىنىڭ تابىسپەن اشىلۋىن قارسى الۋ كەرەك.
شي جينپيڭ سوڭىندا مىنالاردى دارىپتەدى: كوكتەم مەرەكەسى تاياپ قالدى، بەيجيڭ قىسقى وليمپيادا سپورت جارىسى باستالۋ الدىندا تۇر. بۇكىل ارمياداعى اسكەري بولىمدەر سوعىس دايىندىعى كەزەكشىلىگىن كۇشەيتىپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىن ويداعىداي قورعاۋى كەرەك. جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن ويداعىداي ىستەپ، مەرەكە كەزىندەگى تۇرمىستى ويداعىداي ورنالاستىرىپ، كوماندير - جاۋىنگەرلەردىڭ كوكتەم مەرەكەسىن شات - شادىمان، بەرەكەلى، حاۋىپسىز وتكىزۋىنە مۇمكىندىك جاساۋ كەرەك.
شۇي چيلياڭ، جاڭ يوۋشيا، ۋەي فىڭحى، لي زوچىڭ، مياۋ حۋا، جاڭ شىڭمين قاتارلىلار قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
