شي جينپيڭ موناكونىڭ مەملەكەت باسشىسى البەرت Ⅱ كنيازبەن كەزدەستى
2022.02.07 16:45
2 - ايدىڭ 6 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا موناكونىڭ مەملەكەت باسشىسى البەرت Ⅱ كنيازبەن كەزدەستى.
سۋرەتتى شينحۋا اگەنتتىگىنىڭ ءتىلشىسى ديڭ لين تۇسىرگەن
شينحۋا اگەنتتىگى، 2 - ايدىڭ 6 - كۇنى، بەيجيڭ. مەملەكەت ءتوراعاسى شي جينپيڭ 2 - ايدىڭ 6 - كۇنى تۇستەن كەيىن حالىق سارايىندا موناكونىڭ مەملەكەت باسشىسى البەرت Ⅱ كنيازبەن كەزدەستى.
شي جينپيڭ البەرت Ⅱ كنيازبەن اراداعى «وليمپيادا عايىبىن» قۋانا ەسكە الدى. شي جينپيڭ مىنالاردى اتاپ كورسەتتى: 2019 - جىلى مەن موناكودا مەملەكەتتىك ساپاردا بولعاننان بەرى ەكى ەلدىڭ ءارقايسى تاراۋلارى ءبىز كەلىسكەن ماڭىزدى ورتاق تانىمدى بەلسەنە تياناقتاندىرىپ، جۇڭگو - موناكو قاتىناسى تىڭ دامۋشىلىقتارعا قول جەتكىزدى، ەكى جاقتىڭ حابارلاسۋ، قورشاعان ورتانى قورعاۋ، دەنەتاربيە، كوركەمونەر سياقتى سالالارداعى اۋىس - كۇيىسى مەن سەلبەستىگىندە سۇبەلى تابىستارعا قول جەتكىزىلدى، اسىرەسە، ەكى ەل كاسىپورىندارى موناكودا بۇكىل دۇنيە ءجۇزى بويىنشا تۇڭعىش سانالاتىن بۇكىل ەلدى قامتىعان 5G تورىن بىرگە قۇردى. جۇڭگو - موناكو قاتىناسى ۇلكەن - كىشىلىگى تۇرلىشە، تاريحي مادەنيەتى ءار الۋان ەلدەردىڭ دوستىق بارىس - كەلىسىنىڭ، ءوزارا پايدا جەتكىزىپ، تەڭ يگىلىككە كەنەلۋىنىڭ ۇلگىسىنە اينالدى. جۇڭگو - موناكو قاتىناسىنىڭ ۇزدىكسىز جاقسى بەتالىسقا قاراي داميتىنىنا سەنەمىن.
شي جينپيڭ بىلاي دەپ دارىپتەدى: جۇڭگو مەن موناكو ەكى جاق ەكى ەلدىڭ ءداستۇرلى دوستىعى مەن ساياسي ءوزارا سەنىمدىلىگىن بەكەمدەپ، بىرلەسكەن مەملەكەتتەر ۇيىمى سياقتى كوپ جاقتى قۇرىلىمدار مەن حالىقارالىق ىستەردەگى تىلدەسۋدى، سايكەسۋدى كۇشەيتىپ، كوپ جاقتىلىقتى بىرگە قورعاۋى كەرەك. جۇڭگو اناعۇرلىم كوپ موناكو كاسىپورىندارىنىڭ جۇڭگو حالىقارالىق يمپورت كورمەسىنە قاتىناسۋىن، جۇڭگوعا قارجى قوسۋدى كۇشەيتۋىن، «ءبىر بەلدەۋ، ءبىر جولدى» بىرگە قۇرۋ حالىقارالىق سەلبەستىگىنە بەلسەنە ات سالىسۋىن، ءۇشىنشى جاقتىڭ بازار سەلبەستىگى جونىندە ىزدەنىس جاساۋىن قارسى الادى. موناكونىڭ «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ 2 - كەزەڭدىك ماجىلىسىنە قاتىناسۋىن قارسى الامىز. ەكى جاق گۋمانيتارلىق اۋىس - كۇيىستى بايىتىپ، ءتىل وقىتۋى سەلبەستىگىن، كوركەمونەر ۇيىرمەلەرىنىڭ ارالاپ ويىن قويۋىن، ءوزارا ادەبيەت - كوركەمونەر كورمەسىن اشىپ، دەنەتاربيە، ساياحات سەلبەستىگىن كەڭەيتۋى كەرەك.
البەرت Ⅱ جۇڭگونىڭ بەيجيڭ قىسقى وليمپيادا سپورت جارىسىنىڭ اشىلۋ سالتىن ءساتتى وتكىزگەنىن قۇتتىقتاپ، مىنانى ءبىلدىردى: بۇكىل دۇنيە ءجۇزى جۇڭگونىڭ بەيبىتشىلىك پەن ىنتىماققا ۇندەۋدەگى كۇشتى ينفورماتسياسىن تىڭداي الدى، مۇنى ءدال قازىر دۇنيە ءجۇزى شۇعىل قاجەت ەتىپ وتىر. مەن ءتوراعا شي جينپيڭنىڭ كەشە تۇسكى قارسى الۋ قوناعاسىسىندا سويلەگەن سوزىندە جەتكىزگەن ماڭىزدى ينفورماتسيالارىن ەرەكشە قۇپتايمىن، جۇڭگونىڭ دۇنيە ءجۇزىنىڭ بەيبىتشىلىگى مەن دامۋىنا اناعۇرلىم زور ۇلەس قوساتىنىنا سەنەمىن. موناكو حالقى ءتوراعا شي جينپيڭنىڭ 3 جىلدىڭ الدىنداعى مەملەكەتتىك ساپارىن كۇنى بۇگىنگە دەيىن كەشە بولعانداي ەستە ساقتاپ وتىر. موناكو جۇڭگومەن تاماشا قاتىناستى ۇزدىكسىز ىلگەرىلەتىپ، ەكى جاقتىڭ ەكونوميكا - ساۋدا، حابارلاسۋ، قورشاعان ورتانى قورعاۋ، تەڭىز - مۇحيت، ورگانيزمدەردىڭ الۋان تۇرلىلىگىن قورعاۋ سياقتى سالالارداعى سەلبەستىگىنىڭ اناعۇرلىم مول جەتىستىكتەرگە قول جەتكىزۋىن ىلگەرىلەتۋدى ءۇمىت ەتەدى. موناكو جۇڭگونىڭ كۇنميڭدە «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ 2 - كەزەڭدىك ءماجىلىسىن ويداعىداي وتكىزۋىن قولدايدى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
