ۇستەمە جۇمىس ۋاقىتى شەكتەن اسىپ كەتپەۋى كەرەك
ۋ يۋانجۇڭ
2022.02.07 15:41 كەلۋ قاينارى : حالىق تورابى
جۋىردا وقۋدى جاڭا تاۋىسىپ، ءبىر سەرىكتەستىككە قىزمەتكە جاڭادان ورنالاسقان قىزمەتكەردىڭ ۇستەمە جۇمىس ىستەگەن ۋاقىتى وتە ۇزاق بولعاندىقتان، سەرىكتەستىكتىڭ ۋيچات توبىندا باسقارۋشىلارعا اشۋلى سوزدەر ايتقانى جايلى حابار ميكروبلوگتاعى كوپ ىزدەۋ سالىنعان اقپاراتتاردىڭ قاتارىنان كورىندى.
ۇعىسۋعا قاراعاندا، بۇل ءىستىڭ تۋىلۋىنا اتالعان سەرىكتەستىكتىڭ ۋيچاتتاعى ونىمدەر ءبولىمىنىڭ توبىندا جاريالانعان «وزىنەن اسۋ سيلىعىنىڭ» تىزىمدىگى مۇرىندىق بولعان. بۇل تىزىمدىكتە اتالۋىنشا، ىشكى جاقتا سىناق ەتكەن نىساندى جەلىگە شىعارۋ ءۇشىن، قىزمەتكەرلەر 20 نەشە ساعات بويى جوبالاعان ءارى جاساعان، ءبىر اپتا بويى اسا قاربالاس جۇمىس ىستەپ، 200 نەشە ٴونىمدى جوبالاۋ جانە تەكسەرىپ وزگەرتۋ قىزمەتىن ورىنداعان. اتالعان جاڭا قىزمەتكەر : «ىشكى جاقتا سىناق ەتۋ ءبىر كۇن كەشەۋىلدەتىلسە، كاسىپورىن ۋيچاتى وسىعان بولا جابىلىپ قالا ما؟ توراپتى جەلىگە شىعارۋ ءبىر كۇن كەشەۋىلدەتىلسە، كلەنتتەر دەرەۋ ديڭديڭ، فەيشۋ سياقتى تەكشەلەرگە كەتىپ قالا ما؟ ... سەندەر مىندەتتى ورنالاستىرعان كەزدە قول استىنداعىلاردىڭ ولگەن – تىرىلگەنىمەن ساناساسىڭدار ما؟» — دەپ اشۋعا باسقان.
ادام ماشينا ەمەس، كوڭىل اشۋ، دەنە شىنىقتىرۋدان سىرت، كىسىلىك قاسيەت جاعىنان شىڭدالۋدى، رۋحاني تۇرمىسىن بايىتۋدى قاجەت ەتەدى، وتباسىنداعىلارعا سەرىك بولاتىن، قارايلاساتىن ۋاقىت قاجەت ەتەدى، كىتاپ وقۋعا، العا باسۋعا ۋاقىت قاجەت ەتەدى، ادامعا ۇيىقتايتىن، دەمالاتىن، شارشاعان كۇيدەن ارىلاتىن ۋاقىت تىپتەن قاجەت. كۇنىنە 20 نەشە ساعات بويى جۇمىس ىستەپ، ءبىر اپتا بويى وتە اۋىر قىزمەتپەن شۇعىلدانسا، بۇل ادام دەنەسىنىڭ توزە الاتىن شەگىنەن اسىپ كەتەرى انىق، ادامنىڭ دەنساۋلىعىن بۇلدىرەتىنى كۇمانسىز. ادام — الەمنىڭ ولشەمى، بارلىق ءىستىڭ ماقساتى — ادامنىڭ ءوزى ءۇشىن بولۋى كەرەك، ءونىمدى ءبىر كۇن بۇرىن جەلىگە شىعارۋ ءۇشىن، اتالمىش قىزمەت جوسپارىن، قۇلشىنۋ جوسپارىن ورىنداۋ ءۇشىن قىزمەتكەرلەردىڭ ولگەن – تىرىلگەنىمەن ساناسپاۋ، قىزمەتكەرلەردىڭ دەنساۋلىق اقاۋسىزدىعىن بوداۋعا بەرۋ، تۇپتەپ كەلگەندە، ادامدىق قاسيەتكە قايشى كەلىپ، ماڭىزدى مەن ماڭىزسىز ءىستىڭ ورنىن الماستىرىپ العانمەن بىردەي. «وزىنە سايىس جاريالاۋدىڭ»، «وزىنەن اسۋدىڭ» مۇنداي ءتۇرى مۇلدە ماقتانۋعا تاتىمايدى، قايتا اقىلدان اداسقاندىق سانالادى، ۇقىق – مۇددەسى زيانعا ۇشىراعان قىزمەتكەرلەردىڭ قارسى پىكىر بىلدىرۋىنەن اۋلاق بولۋ قيىن.
كۇنىنە 8 ساعات جۇمىس ىستەۋ، اپتاسىنا قىزمەت ىستەيتىن ۋاقىت 44 ساعاتتان اسىپ كەتپەۋ كەرەك، بۇل تەك نەگىزدىك قىزمەت ۋاقىتى ءتۇزىمى بولىپ قالماستان، قىزمەتكەرلەردىڭ نەگىزدىك ۇقىعى بولىپ تابىلادى. ادام ىستەتۋشى ورىن ءوندىرىس پەن تيجارات قاجەتى ءۇشىن ۇستەمە جۇمىس ىستەۋدى تالاپ ەتۋىنە بولادى دەگەن كۇندە دە، ۇستەمە جۇمىس ىستەۋگە الباتى ورنالاستىرۋعا بولمايدى، قايتا جۇمىسشىلار ۇيىمىمەن جانە ەڭبەكشىمەن كەڭەسۋى كەرەك، بۇل ءىس زاڭنىڭ شەكتەمەسىنە دە ۇشىرايدى. ادەتتە ءبىر كۇندىك ۇستەمە جۇمىس ءبىر ساعاتتان اسىپ كەتپەۋى كەرەك؛ ەرەكشە سەبەپپەن قىزمەت ۋاقىتىن ۇزارتۋ قاجەت بولعاندا، ەڭبەكشىلەردىڭ دەنساۋلىعىنا كەپىلدىك ەتۋ العى شارتىندا، كۇنىنە ۇستەمە جۇمىس ىستەۋ ۋاقىتى 3 ساعاتتان اسىپ كەتپەۋى، ءبىر ايدا 36 ساعاتتان اسىپ كەتپەۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
