قۇتىبيلىق بويجەتكەن اقنار اداق قىزى: «مۇزدى جىبەك شاشباۋ» الاڭىنان اسقاقتاعان ارمان
تيانشان تورابىنىڭ، شينجياڭ گازەتىنىڭ ءتىلشىسى حۋاڭ شيڭ
2022.02.07 13:14 كەلۋ قاينارى : حالىق تورابى
 |
اقناردىڭ (سولدا) ءسابي شاقتا دوڭگەلەكتى كونكي الاڭىندا جيەن قارىنداسىمەن بىرگە تۇسكەن سۋرەتى. سۋرەتتى سۇڭقار اداق بەرگەن
|
شينجياڭ قۇتىبي اۋدانىنىڭ تۇلەگى، 22 جاستاعى اقنار اداق قىزى 2 – ايدىڭ 5 – كۇنى تۇستەن كەيىن مەملەكەتتىك جىلدام سىرعاناۋ سارايى — «مۇزدى جىبەك شاشباۋ» الاڭىندا جۇڭگونىڭ اتىنان جىلدام سىرعاناۋ ءتۇرى بويىنشا ايەلدەردىڭ 3000 مەترگە سىرعاناۋ جارىسىنا قاتىناسىپ، 4 مينۋت 12 سەكۋند 28 داقىلدىق ناتيجەمەن 17 – ورىنعا يە بولدى. اقنار: «جاتتىعۋ كەزىندەگى قالىپتى دەڭگەيىمدى كورسەتكەندەي بولدىم، الداعى جارىستاردا مۇنان دا زور بەلەسكە جەتىپ، مۇنان دا جاقسى ناتيجە جاراتۋعا قۇلشىنامىن»، — دەدى.
اقنار جونىنەن ايتقاندا، بۇل ونىڭ ومىرىندەگى ۇلكەن قادام؛ قۇتىبي سىندى شاعىن قالاشىق جونىنەن ايتقاندا، بۇل بۇرىنعىعا مۇراگەر بولعاندىق دەۋگە بولادى. 30 جىلدىڭ الدىندا، ءدال وسى قۇتىبي اۋدانىنان شىققان جىلدام سىرعاناۋ سپورتشىسى داي جۇن جۇڭگو سپورت ۋاكىلدەر كومانداسىنىڭ ءبىر مۇشەسى سالاۋاتىمەن فرانسيانىڭ البەرتۆيللە قالاسىندا وتكەن قىسقى وليمپياداعا قاتىناسقان بولاتىن.
دوڭگەلەكتى كونكيگە قۇمارتقان ءبۇلدىرشىن
اقنار 1999 – جىلى قۇتىبي اۋدانى تاسباسبالداق قازاق اۋىلىندا ءومىر ەسىگىن اشقان. 5 جاسىندا وزگە بالالاردىڭ دوڭگەلەكتى كونكي تەۋىپ جۇرگەنىن كورىپ، قاتتى ۇناتادى، «دوڭگەلەكتى كونكي الىپ بەر» دەپ اكەسى مەن شەشەسىنىڭ سوڭىنان قالماي قويادى. ول كەزدە وتباسىنىڭ ەكونوميكالىق جاعدايى ونشا جاقسى ەمەس بولعاندىقتان، اقناردىڭ ارمانى ىسكە اسپايدى.
كەيىن اقناردىڭ ناعاشى تاتەسى بۇل ءىستى بىلگەن سوڭ، وعان دوڭگەلەكتى كونكيدى سيعا تارتادى. اقناردىڭ اناسى قاينۇر ەلەمەس قىزى: «سول دوڭگەلەكتى كونكيدىڭ باعاسىنىڭ 187 يۋان ەكەنى انىق ەسىمدە قالىپتى. دوڭگەلەكتى كونكيدى العان كەزدە، اقنار قۋانعانىنان جىلاپ جىبەرگەن بولاتىن»، — دەيدى.
وسىدان سوڭ، بۇل دوڭگەلەكتى كونكي اقناردىڭ جىلدام سىرعاناۋ سپورتىنا قادام تاستاۋىنا جول اشتى. «قىستىق ۇزاققا جۇگىرۋ جارىسىندا ول جىلدىق بويىنشا ءبىرىنشى بولاتىن، دەنە قۋاتى جاقسى، ەرەكشە يكەمدى بولاتىن. ماڭىزدىسى ول سىرعاناۋ سپورتىنا قىزىعاتىن، جاتتىعۋ بارىسىندا دا جاپاعا شىداي بىلەتىن، بالدىرعان بالا بولعانىمەن، جەڭىلىسكە مويىنسال بولمايتىن جىگەرلى ەدى»، — دەيدى اقناردىڭ جولىن اشقان جاتتىقتىرۋشى زوۋ گۋاڭلەي، ول اقناردىڭ بولاشاقتا مىقتى سپورتشى بولارىن تانىدى. «مەنەن جىلدام سىرعاناۋدى ۇيرەنگىڭ كەلە مە؟»، — دەپ سۇرادى. «ۇيرەنگىم كەلەدى!» دەپ جارقىن ۇنمەن ءتىل قاتتى اقنار.
2009 – جىلدان باستاپ، ءار كۇنى تۇستەن كەيىن ساباق قاراپ بولعان سوڭ، اقنار جاتتىعۋعا باراتىن. قىستا مۇزدا سىرعاناسا، جازدا جۇگىرەتىن، تاۋعا شىعاتىن، ۆەلوسيپەت ايدايتىن ... «ەڭبەگى باردىڭ ونبەگى بار» دەگەن ەمەس پە، اقنار تەز ارادا شينجياڭداعى ونىمەن تۇرعىلاس بالالاردىڭ ىشىنەن قارا ءۇزىپ العا شىقتى.
«بەيجيڭ قىسقى وليمپياداسىنا قاتىناساتىن تىزىمدىك تۇراقتاندىرىلعان ساتتە، اقنار ماعان وسى قۋانىشتى حاباردى ايتتى، مەن ەرەكشە تەبىرەندىم، ەرەكشە تولقىدىم»، — دەيدى زوۋ گۋاڭلەي.
حالىقارالىق جارىستاردا قالىقتاي قانات قاقتى
2019 – جىلى 11 – ايدىڭ 16 – كۇنى وتكىزىلگەن 2019 — 2020 جارىس ماۋسىمىنداعى جىلدام سىرعاناۋ سپورتىنان جاستار چەمپيوناتىنىڭ نورۆەگيا بەكەتىندەگى ايەلدەردىڭ 3000 مەترلىك جارىسىندا 20 جاستاعى اقنار تۇڭعىش رەت حالىقارالىق جارىستىڭ ەڭ بيىك سيلىق ساحناسىنا كوتەرىلدى.
«قىزىمنىڭ چەمپيون بولعان حابارىن ەستىگەن كەزىمدە ءۇنسىز جىلاپ جىبەردىم»، — قىزىنىڭ تۇڭعىش رەت دۇنيە جۇزىلىك جارىستا چەمپيون بولعان كەزى قاينۇردىڭ ەسىنەن كەتپەيدى. قىزى ەكەۋىنىڭ كوپ جىلداردان بەرگى تاباندىلىعىنىڭ ارقاسىندا، ولار زور ناتيجەلەرگە قول جەتكىزدى.
2021 – جىلعى الەم چەمپيوناتىندا اقنار ءوزىنىڭ ەڭ جاقسى ناتيجەسىن جاراتتى. ۇزاق ارالىققا سىرعاناۋ ەلىمىزدىڭ جىلدام سىرعاناۋ سپورتىنداعى ولقى تۇس بولاتىن، 2021 – جىلى 12 – ايدىڭ 12 – كۇنى وتكىزىلگەن ايەلدەردىڭ توپتىق قۋالامالى جارىسىندا، حان مەي، لي چيشى، اقنار ۇشەۋىنەن قۇرام تاپقان جۇڭگو كومانداسى 2 مينۋت 58 سەكۋند 428 داقىلدىق ناتيجەمەن مىس مەدالعا يە بولدى. بۇل اقناردىڭ تۇڭعىش رەت حالىقارالىق ەرەسەكتەر ارا جارىستا مەدالعا يە بولۋى ەدى.
بيىل 1 – ايدا بەيجيڭ قىسقى وليمپياداسىنا قاتىناسۋ تولىمدىلىعىنا ىرىكتەۋ جارىسىندا، اقنار 3000 مەترگە، 5000 مەترگە سىرعاناۋ جارىستارىندا اعا جۇلدەگەر بولىپ، بەيجيڭ قىسقى وليمپياداسىنا قاتىناسۋدىڭ باعالى «تولىمدىلىق كۋالىگىنە» يە بولدى.
زوۋ گۋاڭلەي ونىڭ بولاشاعىنان زور ءۇمىت كۇتە: «بىرنەشە جىلدان بەرى تەز جەتىلىپ كەلەدى، بەيجيڭ قىسقى وليمپياداسىندا تاعى ءبىر بەلەسكە كوتەرىلەتىنىنە سەنىمىم كامىل. ۇزاق ارالىققا جىلدام سىرعاناۋ ءتۇرى — جۇڭگونىڭ وسال تۇستارىنىڭ ءبىرى، اقنار 22 جاستا عانا، بولاشاعىنان زور ءۇمىت كۇتۋگە بولادى»، — دەيدى.
كەلۋ قاينارى: حالىق تورابى
 |
زوۋ گۋاڭلەي (ورتادا) كوپتەگەن ۇزدىك سپورتشىلاردى تاربيەلەدى. سۋرەتتى زوۋ گۋاڭلەي بەرگەن
|
 |
اقنار (ارتقى قاتارداعى سول جاقتاعى) وتباسىنداعىلارمەن بىرگە. سۋرەتتى سۇڭقار اداق بەرگەن
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
