شي جينپيڭ پارتيا سىرتىنداعى قايراتكەرلەرمەن بىرگە كوكتەم مەرەكەسىن قارسى الدى
ج ك پ ورتالىق كوميتەتى اتىنان دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، بىرلىكساپتىڭ قالىڭ مۇشەلەرىنە ىقىلاستى سالەم جولدادى جانە كوكتەم مەرەكەسى بايلانىسىمەن باقىت تىلەدى
ۋاڭ ياڭ، حان جىڭ قاتىناستى
2022.01.30 13:07
شينحۋا اگەنتتىگى، 1 - ايدىڭ 29 - كۇنى، بەيجيڭ. جۇڭحۋا ۇلتىنىڭ ءداستۇرلى مەرەكەسى رىنيىن بارىس جىلعى كوكتەم مەرەكەسى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 29 - كۇنى تۇستەن كەيىن حالىق سارايىندا دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن ءبىر ارادا باس قوسىپ، كوكتەم مەرەكەسىن بىرگە قارسى الدى. شي جينپيڭ ج ك پ ورتالىق كوميتەتى اتىنان دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، بىرلىكساپتىڭ قالىڭ مۇشەلەرىنە ىقىلاستى سالەم جولدادى جانە كوكتەم مەرەكەسى بايلانىسىمەن باقىت تىلەدى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ قاتىناستى
جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ىشياڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، جۇڭگو ادىلەت پارتياسى ورتالىق كوميتەتىنىڭ ءتوراعاسى ۋان گاڭ، 3 - قىركۇيەك ءىلمي قوعامى ورتالىق كوميتەتىنىڭ ءتوراعاسى ۋ ۋەيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ جانە پارتيادا، توپتا جوق قايراتكەرلەردىڭ ۋاكىلدەرى سۇن چيشين، جياڭ جيە قاتارلىلار ۇسىنىس بويىنشا قاتىناستى. مەملەكەتتىك ساياسي كەڭەس ءتوراعاسىنىڭ ورىنباسارى لياڭ جىنيىڭ، باسشىلىق قىزمەت ورنىنان زەينەتكە شىققان دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ بۇرىنعى ءتوراعالارى، ءتوراعاسىنىڭ ءبىرىنشى ورىنباسارلارى جانە ءتوراعاسىنىڭ ۇنەمىلىك ىستەرگە جاۋاپتى ورىنباسارلارى دا ۇسىنىس بويىنشا قاتىناستى.
ديڭ جۇڭلي دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر اتىنان ءسوز سويلەدى. ول مىنانى ءبىلدىردى: ەندى عانا وتكەن 2021 - جىل پارتيا مەن مەملەكەت تاريحىندا ءارى جۇڭحۋا ۇلتى تاريحىندا بەلەستىك مانگە يە ءبىر جىل بولدى. وسى ءبىر جىلدا جۇڭگو كوممۋنيستىك پارتياسىنىڭ باسشىلىعىنداعى 100 جىلدىق كۇرەس تاريحى جالعاسىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ جاڭا نەگىزى قالانىپ، ەكىنشى 100 جىلدىق كۇرەس نىساناسىنا قادام تاستاۋدىڭ جاڭا جورىعى باستالدى. جاڭا جىلدا دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ج ك پ 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا تاعى دا تىڭ ۇلەس قوسۋى كەرەك.
ديڭ جۇڭليدىڭ ءسوزىن تىڭداعاننان كەيىن، شي جينپيڭ ماڭىزدى ءسوز سويلەدى. ول بىلاي دەپ دارىپتەدى: 2021 - جىل − پارتيا مەن مەملەكەت تاريحىنداعى بەلەستىك مانگە يە جىل ءارى تاريحقا جازىلاتىن جىل. ءبىز ءبىرسىپىرا ءىرى، ماڭىزدى ىستەردى ىستەپ، ءبىرسىپىرا حاۋىپ - قاتەر مەن سىن - سايىستى جەڭىپ، پارتيا مەن مەملەكەت ىستەرىندە تىڭ دا كەلەلى تابىستارعا قول جەتكىزۋدى ىلگەرىلەتتىك. ءبىز جۇڭگو كوممۋنيستىك پارتياسى قۇرىلعانىنىڭ 100 جىلدىعىن سالتاناتپەن قۇتتىقتاپ، ج ك پ 19 - كەزەكتى ورتالىق كوميتەتىنىڭ التىنشى جالپى ءماجىلىسىن اشىپ، ءۇشىنشى تاريحي قاراردى جاساپ، پارتيا تاريحىن ۇيرەنۋ تاربيەسىن ورىستەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزىپ، جاپپاي دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋ، ەكىنشى 100 جىلدىق كۇرەس نىساناسىنا جورىق جاساۋدىڭ جاڭا ساپارىن باستادىق. ءبىز 100 جىلدىق وزگەرىس جاعدايى مەن عاسىرلىق ىندەتكە بايىپتىلىقپەن توتەپ بەرىپ، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، جاڭا دامۋ جاعدايىن قالىپتاستىرۋدا تىڭ قادام تاستادىق، رەفورما جاساپ، ەسىك اشۋدى جاپپاي تەرەڭدەتتىك، حالىق تۇرمىسىن قامتاماسىز ەتۋدى تىڭعىلىقتى، ءونىمدى ىستەدىك، ەكولوگيالىق وركەنيەت قۇرىلىسىن ۇزدىكسىز ىلگەرىلەتتىك، «14 – بەسجىلدىق» جوبادا تاماشا باستامانى جۇزەگە اسىردىق. ءبىز حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، سىرتتان كىرۋدەن ساقتانۋدا، ىشتە قايتا بەلەڭ بەرۋدەن ساقتانۋدا تاباندى بولىپ، عىلمي، دالمە - ءدال، يكەمدى بولۋدان جازباي، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدى تۋ باستان مىقتى يگەرىپ، ىندەتكە قارسى اتتانۋداعى حالىقارالىق سەلبەستىكتى بەلسەنە ورىستەتىپ، ەكونوميكالىق دامۋ مەن ىدنەتتەن ساقتانۋ - تىزگىندەۋدە دۇنيە ءجۇزى بويىنشا الدىڭعى ورىندى ساقتادىق. ءبىز دامۋ مەن حاۋىپسىزدىكتى ءبىر تۇتاس جوسپارلاپ، ءار جاقتاعى حاۋىپ - قاتەردەن ساقتانۋعا جانە ونى جويۋعا ءمان بەرىپ، سوتسياليستىك بازار شارۋاشىلىعى ءتارتىبىن ارناعا ءتۇسىرىپ، سوتسياليستىك وزەكتى قۇن كوزقاراسىن ساۋلەلەندىرىپ، بەلسەندى، اقاۋسىز، ومىرشەڭدىككە تولى دامۋ ورتاسىن قالىپتاستىردىق. وسى ناتيجەلەرگە قول جەتكىزۋ − ج ك پ ورتالىق كوميتەتىنىڭ پارمەندى باسشىلىعىنىڭ ناتيجەسى، سونداي - اق دەموكراتيالىق پارتيا - توپتاردى، ساۋدا - ونەركاسىپشىلەر بىرلەستىگىن جانە پارتيادا، توپتا جوق قايراتكەرلەردى قامتىعان بىرلىكساپ سالاسىنداعى قالىڭ مۇشەلەردىڭ ءبىر نيەتپەن كۇرەس جۇرگىزۋىنىڭ ناتيجەسى. اماليات كوپشىلىكتىڭ جۇڭگو كوممۋنيستىك پارتياسىنىڭ جاقسى اقىلشىسى، جاقسى قولعاناتى، جاقسى قىزمەتتەسى ەكەنىن دالەلدەدى. وسى ورايدا مەن ج ك پ ورتالىق كوميتەتى اتىنان كوپشىلىككە شىن جۇرەكتەن العىس ايتامىن!
شي جينپيڭ بىلاي دەپ اتاپ كورسەتتى: وتكەن ءبىر جىل كوپ پارتيا سەلبەستىگى ىستەرىندە سۇبەلى تابىستارعا قول جەتكەن ءبىر جىل بولدى. دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر ج ك پ ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرىپ، نازاردى وزەكتى قىزمەتكە شوعىرلاندىرىپ، قىزمەت جاۋاپكەرلىگىن ادا ەتىپ، بەلسەنە اقىل - كەڭەس بەرىپ، اقىل - پاراسات پەن كۇش - قۋاتتى ۇيىستىردى. كەدەيلىكتەن ارىلتۋدان قامال الۋدىڭ 5 جىلدىق دەموكراتيالىق باقىلاۋى تابىسپەن اياقتادى، چاڭجياڭ وزەنىنىڭ ەكولوگيالىق ورتاسىن قورعاۋداعى دەموكراتيالىق باقىلاۋ قىزمەتىندە تاعى دا تىڭ ساپار باستالدى. دەموكراتيالىق پارتيا - توپتار «سەلبەستىك اۋەلگى ماقساتىن ۇمىتپاي، ۇزدىكسىز قول ۇستاسا العا باسۋ» نەگىزگى تاقىرىپتىق تاربيە قيمىلىنىڭ جەتىستىكتەرىن بەكەمدەپ، تەرەڭدەتتى، كوپ پارتيا سەلبەستىگى ىستەرى ورنىقتىلىق بارىسىندا ىلگەرىلەدى. مەملەكەتتىك ساۋدا - ونەركاسىپشىلەر بىرلەستىگى حالىقتىق شارۋاشىلىق سالاسىنداعى قايراتكەرلەردىڭ مۇرات - سەنىم تاربيەسىن ىلگەرىلەتىپ، حالىقتىق كاسىپورىنداردى بىرگە اۋقاتتانۋدى جەبەۋگە ات سالىسۋعا جەتەكتەپ، «10 مىڭ كاسىپورىن 10 مىڭ قىستاققا كومەكتەسۋ» ارەكەتى تابىسپەن اياقتادى، «10 مىڭ كاسىپورىن 10 مىڭ قىستاقتى گۇلدەندىرۋ» ارەكەتى ءساتتى باستالدى.
شي جينپيڭ مىنالاردى دارىپتەدى: بيىل جۇڭگو كوممۋنيستىك پارتياسىنىڭ 20 - قۇرىلتايى اشىلادى، بۇل − پارتيا مەن مەملەكەتتىڭ ساياسي ومىرىندەگى ءىرى ءىس. ءار جاقتاعى قىزمەتتى 20 – قۇرىلتايدىڭ اشىلۋىن قارسى الۋ، 20 - قۇرىلتايدى ويداعىداي اشۋ، 20 - قۇرىلتاي رۋحىن دايەكتىلەندىرۋ توڭىرەگىندە جوسپارلاۋ جانە ورىستەتۋ كەرەك. جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىندە تاباندى بولىپ جانە ونى كەمەلدەندىرىپ، ەڭ كەڭ كولەمدى وتانشىلدىق بىرلىكساپتى بەكەمدەپ جانە دامىتىپ، جالپى بارىستىق حالىق دەموكراتياسىن دامىتىپ، ۇلى ىنتىماق پەن ۇلى بىرلەستىكتە باستان - اياق تاباندى بولىپ، ورتاق كۇرەس كۇشىن مۇمكىندىكتىڭ بارىنشا ۇيىستىرۋ كەرەك. دۇرىس ساياسي بەتالىستا تاباندى بولىپ، يدەيادا، ساياسيدا، ارەكەتتە ج ك پ ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاپ، ىشكەرىلەي تەكسەرۋ - زەرتتەۋ جۇرگىزىپ، بەلسەنە اقىل - كەڭەس بەرىپ، پارتيالار كەڭەسىنىڭ ناقتى ونىمدىلىگىن جوعارىلاتۋ كەرەك. يدەيالىق جاقتان جەتەكشىلىك ەتۋ قىزمەتىن ىشكەرىلەي جاقسى ىستەپ، قالىڭ مۇشەلەردى دۇرىس پەن بۇرىستى ايقىن اجىراتۋعا، مايداندا بەرىك تۇرۋعا جەتەكتەپ، وڭ ەنەرگيا توپتاۋ جانە جەتكىزۋ كەرەك.
شي جينپيڭ بىلاي دەپ اتاپ كورسەتتى: بيىل دەموكراتيالىق پارتيا - توپتار مەن ساۋدا - ونەركاسىپشىلەر بىرلەستىگى ورتالىق پەن ولكە دارەجەلى ۇيىمداردىڭ كەزەك اۋىستىرۋىن ورىنداۋى كەرەك. ساياسي وتكىزىپ الۋدى، وتكىزىپ بەرۋدى تەرەڭدەتىپ، ساياسي ورتاق تانىمدى بەكەمدەپ، پارتيامەن تىلەكتەس بولىپ، وتاندى ءسۇيىپ، حالىق ءۇشىن قىزمەت ىستەيتىن، شىنايى سەلبەسىپ، كاسىپتى قاستەرلەپ، ۇلەس قوساتىن كوپ پارتيا سەلبەستىگى تاڭداۋلى ءداستۇرىن جالعاستىرىپ، اعا بۋىنداردىڭ ساياسي سەنىمىن، وسكەلەڭ قاسيەتىن جانە جۇڭگو كوممۋنيستىك پارتياسىمەن تەرەڭ سۇيىسپەنشىلىگىن جالعاستىرىپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى ىستەرىنىڭ ۇرپاقتان - ۇرپاققا جالعاسۋىنا كەپىلدىك ەتۋ كەرەك. ادام ىستەتۋدىڭ دۇرىس بەتالىسىندا تاباندى بولىپ، كانديداتتاردىڭ ساياسي وتكەلىن، پاكتىك وتكەلىن قاتاڭ يگەرىپ، كانديداتتاردىڭ مۇرات - سەنىمىن، ساياسي قاسيەتىن، ءمورالدىق تاربيەلەنۋىن كورنەكتى تەكسەرىپ، سايلانعان جولداستاردىڭ شىنايى سەنىمدى بولۋىنا، باتىلدىقپەن جاۋاپكەرلىك ارقالاۋىنا، بۇقارانى يلاندىرا الاتىن بولۋىنا كەپىلدىك ەتۋ كەرەك.
شي جينپيڭ بىلاي دەپ دارىپتەدى: دەموكراتيالىق پارتيا - توپتار پارتيا قۇرىلىسىنىڭ نىساناسى مەن پرينسيبىن ارقاۋ ەتىپ، ساياسيدى يگەرۋ قابىلەتىن، ۇكىمەت ىسىنە ارالاسۋ، ۇكىمەت ءىسىن كەڭەسۋ قابىلەتىن، ۇيىمدىق باسشىلىق قابىلەتىن، سەلبەسىپ بىرگە ىستەۋ قابىلەتىن جانە ءوز ماسەلەسىن شەشۋ قابىلەتىن ۇزدىكسىز جوعارىلاتىپ، وزىندىك قۇرىلىستىڭ جاڭا تابىستارى ارقىلى ۇكىمەت ىسىنە قاتىناسقان پارتيانىڭ جاڭا بەت - بەينەسىن ايگىلەۋى كەرەك. يدەيالىق - ساياسي قۇرىلىستىڭ داۋىرلىك سيپاتىن، باعىتتامالىلىعىن، ناقتى ونىمدىلىگىن كۇشەيتىپ، ىنتىماقتاسا كۇرەس جۇرگىزۋدىڭ يدەيالىق - ساياسي نەگىزىن ۇزدىكسىز بەكەمدەۋ كەرەك. ءتۇزىم جۇيەسىن اقاۋسىزداندىرىپ، اماليات بارىسىنداعى جاقسى تاجىريبەلەردى، ادىستەردى دەر كەزىندە تۇزىمدىك ولشەمگە اينالدىرۋ كەرەك. نازاريالىق زەرتتەۋدى تەرەڭدەتىپ، پارتيا قۇرىلىسىنىڭ تاجىريبەلەرىن مۇقيات قورىتىندىلاپ، پارتيا قۇرىلىسىنىڭ زاڭدىلىعىن يگەرۋ كەرەك. مەملەكەتتىك ونەركاسىپشىلەر مەن ساۋداگەرلەر بىرلەستىگى نەگىزگى ساتى ۇيىمدىق قۇرىلىسىن كۇشەيتىپ، وزىنە قاراستى ساۋدا قوعامدارىنىڭ رەفورماسىن، دامۋىن ىلگەرىلەتىپ، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىنا جانە جالپىلىق مەنشىككە جاتپايتىن شارۋاشىلىق سالاسىنداعى قايراتكەرلەردىڭ اقاۋسىز جەتىلۋىن جەبەۋگە قىزمەت وتەۋ قابىلەتى مەن ورەسىن كۇش سالا جوعارىلاتىپ، قىزمەت ساپاسى مەن ونىمدىلىگىن ۇزدىكسىز جوعارىلاتۋى كەرەك.ديڭ شۋەشياڭ، يوۋ چۋان، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ قاتىستى جاۋاپتىلارى، ورتالىقتىڭ قاتىستى تاراۋلارىنداعى جاۋاپتى جولداستار قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
