شي جينپيڭ پولشانىڭ زۇڭتۇڭى دۋدامەن كەزدەستى
2022.02.07 16:40 كەلۋ قاينارى : حالىق تورابى
2 - ايدىڭ 6 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا بەيجيڭ 2022 - جىلعى قىسقى وليمپيادا سپورت جارىسىنىڭ اشىلۋ سالتىنا قاتىناسۋ ءۇشىن جۇڭگوعا كەلگەن پولشانىڭ زۇڭتۇڭى دۋدامەن كەزدەستى.
سۋرەتتى شينحۋا اگەنتتىگىنىڭ ءتىلشىسى ليۋ ۋەيبيڭ تۇسىرگەن
شينحۋا اگەنتتىگى، 2 - ايدىڭ 6 - كۇنى، بەيجيڭ. مەملەكەت ءتوراعاسى شي جينپيڭ 2 - ايدىڭ 6 - كۇنى تۇستەن بۇرىن حالىق سارايىندا بەيجيڭ 2022 - جىلعى قىسقى وليمپيادا سپورت جارىسىنىڭ اشىلۋ سالتىنا قاتىناسۋ ءۇشىن جۇڭگوعا كەلگەن پولشانىڭ زۇڭتۇڭى دۋدامەن كەزدەستى.
شي جينپيڭ بىلاي دەپ اتاپ كورسەتتى: زۇڭتۇڭ مىرزانىڭ جۇڭگوعا ارنايى كەلىپ، 5 جىلدان استام ۋاقىتتىڭ الدىندا بەرگەن «قىسقى وليمپيادا ۋادەسىن» امالياتتا ايگىلەۋى جۇڭگو - پولشا دوستىعىنىڭ حالىقارالىق اۋمالى - توكپەلى جاعدايدىڭ سىنىنان وتە الاتىنىن، سونداي - اق ەكى جاقتىڭ وليمپيادا رۋحىنا دەگەن تاباندىلىعىن ايگىلەدى. ءبىز سەنىمدىلىككە، ادىلەتتىلىككە ءمان بەرەتىن اسىلزادا قاتىناسىن ورناتىپ وتىرمىز. مەن سىزبەن بىرگە قۇلشىنىپ، جۇڭگو - پولشا قاتىناسىنىڭ ۇزاق ۋاقىت اقاۋسىز، ورنىقتى دامۋىنا جەتەكشىلىك ەتىپ، ەكى ەل حالىقتارىنا ءتىپتى دە زور باقىت جاراتۋدى قالايمىن.
شي جينپيڭ بىلاي دەپ دارىپتەدى: جۇڭگو مەن پولشانىڭ ەكەۋى دە دەربەس، ءوز - وزىنە قوجا بولۋ ءداستۇرى بار ەلدەر، بارلىعى دا حالىققا ءتىپتى دە تاماشا تۇرمىس جاراتۋعا كۇش سالادى. بۇل جۇڭگو - پولشا قاتىناسىنىڭ ورنىقتى، باياندى بولۋىنىڭ نەگىزى ءارى ەكى جاق سەلبەستىگىنىڭ ومىرشەڭدىك قۋاتىن ماڭگى ساقتاۋىنىڭ قاينارى. ەكى جاق ءبىر - ءبىرىنىڭ وزەكتى مۇددەسى مەن كوڭىل ءبولىپ وتىرعان كەلەلى ىستەرىنە قۇرمەت ەتىپ جانە كوڭىل ءبولىپ، كەلەلى حالىقارالىق كەڭەستىك تاقىرىپتار جونىندە پىكىرلەسۋدى كۇشەيتىپ، حالىقارالىق جۇيە مەن حالىقارالىق قاتىناستىڭ نەگىزگى ولشەمىن باتىل قورعاپ، حالىقارالىق قوعامنىڭ قالىڭ مۇشەلەرىنىڭ ورتاق مۇددەسىن قورعاۋى كەرەك. ەكى جاق «ءبىر بەلدەۋ، ءبىر جولدى» بىرگە قۇرۋ باستاماسى، جۇڭگو - ورتا، شىعىس ەۆروپا ەلدەرى سەلبەستىگى جانە پولشانىڭ ىندەتتەن كەيىنگى قالپىنا كەلتىرۋ جوسپارى سياقتى دامۋ ستراتەگيالارىن اناعۇرلىم توعىستىرىپ، ەكونوميكا - ساۋدا، قارجى قوسۋ، قاتىناس، زات اينالىمى، جوعارى، جاڭا تەحنيكا سياقتى سالالارداعى كومەسكى كۇشتەردى ىشكەرىلەي اشىپ، ەكى جاقتى ناقتى سەلبەستىكتى تىڭ دەڭگەيگە كوتەرۋى كەرەك. جۇڭگو پولشانىڭ زات اينالىمى تورابى قۇرىلىسىنا بەلسەنە ات سالىسىپ، پولشانىڭ جۇڭگو - ەۆروپا قامداۋ تىزبەگىنىڭ، كاسىپ تىزبەگىنىڭ شەشۋشى تۇيىنىنە اينالۋىنا دەم بەرۋدى قالايدى. جۇڭگو پولشانىڭ اۋىل شارۋاشىلىق ونىمدەرى سياقتى ساپالى تاۋارلارىن يمپورت ەتۋدى ۇزدىكسىز كەڭەيتىپ، ءتىپتى دە كوپ جۇڭگو كاسىپورىندارىن پولشاعا بارىپ قارجى قوسىپ، سەلبەستىك جاساۋعا شابىتتاندىرادى، پولشانىڭ جۇڭگو كاسىپورىندارىنا ءادىل، ادىلەتتى، كەمسىتپەيتىن ساۋدا ورتاسىن جاراتىپ بەرەتىنىنە سەنەدى. ەكى جاق يكەمدى تاسىلمەن وقۋ - اعارتۋ، مادەنيەت، ساياحات، دەنەتاربيە، جاستار سياقتى سالالارداعى اۋىس - كۇيىستى، سەلبەستىكتى كۇشەيتىپ، ءداستۇرلى دوستىقتى بەكەمدەپ، حالىقتىڭ سۇيىسپەنشىلىگىن جاقىنداتۋى كەرەك.
شي جينپيڭ بىلاي دەپ اتاپ كورسەتتى: بيىل − جۇڭگو - ورتا، شىعىس ەۆروپا ەلدەرى سەلبەستىگى باستالعانىنىڭ 10 جىلدىعى، مەحانيزمنىڭ دامۋى جاڭا ورايعا ءدوپ كەلدى. ەكى جاق وتكەن جىلى 2 - ايدا جۇڭگو - ورتا، شىعىس ەۆروپا ەلدەرى باسشىلارىنىڭ باس قوسۋىنداعى ورتاق تانىمدى بەلسەنە تياناقتاندىرۋى كەرەك. جۇڭگو پولشامەن سەلبەسىپ، پولشادا جۇڭگو - ورتا، شىعىس ەۆروپا ەلدەرىنىڭ اۋىل شارۋاشىلىق ونىمدەرىن تولايىم ساتۋ بازارىن قۇرۋدى قالايدى، ەكى ەلدىڭ باسقارۋشى تاراۋلارى جەدەل ءتۇيىلىسىپ، تولايىم ساتۋ بازارىنىڭ جۇڭگو - ورتا، شىعىس ەۆروپا ەلدەرىنىڭ سەلبەستىك باستاماشى نىسانىنا ەرتەرەك اينالۋىن ىلگەرىلەتۋى كەرەك. پولشانىڭ جۇڭگو - ورتا، شىعىس ەۆروپا ەلدەرى سەلبەستىگى مەن جۇڭگو - ەۆروپا قاتىناسىنىڭ دامۋىنا ۇزدىكسىز بەلسەندى ۇلەس قوسۋىن ءۇمىت ەتەمىن.
دۋدا مىنانى ءبىلدىردى: ءتوراعا شي جينپيڭنىڭ 5 جىلدىڭ الدىندا پولشاعا مەملەكەتتىك ساپاردا بولعاندا مەنىمەن «قىسقى وليمپيادا ۋادەسىن» جاساسقانى ءالى ەسىمدە، مەن قيىنشىلىقتاردى جەڭىپ جۇڭگوعا كەلىپ، جۇڭگو حالقىمەن بىرگە بەيجيڭ قىسقى وليمپيادا سپورت جارىسىنىڭ اشىلۋ سالتىنداعى سالتاناتتى قىزىقتى تاماشالاپ، بەيجيڭنىڭ دۇنيە جۇزىندەگى تۇڭعىش «قوس وليمپيادا قالاسى» بولعان تاريحي ءساتتى قارسى الۋىندا بىرگە بولعانىما توتەنشە قۋانىشتامىن. تاياۋ جىلداردان بەرى پولشا مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسى ءار سالادا جاقسى دامىدى. جۇڭگونىڭ پولشانىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىن ەمدەۋ ماتەريالدارىمەن قولداعانىنا العىس ايتامىن. پولشا جۇڭگومەن ەكونوميكالىق سەلبەستىككە ايرىقشا ءمان بەرەدى، جۇڭگومەن ەكى جاقتى ساۋدا، قارجى قوسۋ سەلبەستىگىن كەڭەيتىپ، پولشانىڭ اۋىل شارۋاشىلىق ونىمدەرىن جۇڭگو بازارىنا كوبىرەك ەنگىزۋدى ءۇمىت ەتەدى، جۇڭگو كاسىپورىندارىنىڭ پولشاعا بارىپ قارجى قوسىپ، سەلبەستىك جاساۋىن قارسى الادى، پولشانىڭ زات اينالىمى تورابى قۇرىلىسىنا بەلسەنە ات سالىسىپ، جاڭا ەنەرگيا سياقتى سالالارداعى سەلبەستىكتى ورىستەتىپ، ەكى جاقتىڭ ادامدارىنىڭ بارىس - كەلىسىن كۇشەيتىپ، پولشانى جۇڭگونىڭ ەۆروپاعا باراتىن قاقپاسىنا اينالدىرۋدى ءۇمىت ەتەدى. پولشا ورتا، شىعىس ەۆروپا ەلدەرى - جۇڭگو سەلبەستىگىنە باستان - اياق بەلسەنە ات سالىسىپ كەلەدى، ورتا، شىعىس ەۆروپا ەلدەرى - جۇڭگو سەلبەستىگى مەن ەۆروپا - جۇڭگو قاتىناسىنىڭ دامۋىن ىلگەرىلەتۋدە ۇزدىكسىز بەلسەندى رول اتقارۋدى قالايدى. پولشا جۇڭگومەن قاتىناستى كۇشەيتىپ، حالىقارالىق جانە وڭىرلىك بەيبىتشىلىكتى، ورنىقتىلىقتى قورعاۋدى قالايدى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
