شي جينپيڭ پاكيستاننىڭ زۇڭليى يمران حانمەن كەزدەستى
2022.02.07 16:50 كەلۋ قاينارى : حالىق تورابى
2 - ايدىڭ 6 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا بەيجيڭ 2022 - جىلعى قىسقى وليمپيادا سپورت جارىسىنىڭ اشىلۋ سالتىنا قاتىناسۋ ءۇشىن جۇڭگوعا كەلگەن پاكيستاننىڭ زۇڭليى يمران حانمەن كەزدەستى.
سۋرەتتى شينحۋا اگەنتتىگىنىڭ ءتىلشىسى ليۋ ۋەيبيڭ تۇسىرگەن
شينحۋا اگەنتتىگى، 2 - ايدىڭ 6 - كۇنى، بەيجيڭ. مەملەكەت ءتوراعاسى شي جينپيڭ 2 - ايدىڭ 6 - كۇنى تۇستەن بۇرىن حالىق سارايىندا بەيجيڭ 2022 - جىلعى قىسقى وليمپيادا سپورت جارىسىنىڭ اشىلۋ سالتىنا قاتىناسۋ ءۇشىن جۇڭگوعا كەلگەن پاكيستاننىڭ زۇڭليى يمران حانمەن كەزدەستى.
شي جينپيڭ بىلاي دەپ اتاپ كورسەتتى: جاڭا عانا وتكەن 2021 - جىلدىڭ جۇڭگو - پاكيستان قاتىناسى جونىنەن ماڭىزى ەرەكشە بولدى. ەكى ەل ديپلوماتيالىق قاتىناس ورناتقانىنىڭ 70 جىلدىعىن قۇتتىقتاپ، تاريحتى ەسكە الىپ، تاجىريبەلەردى قورىتىندىلاپ، اناعۇرلىم بەرىك سەنىممەن جۇڭگو - پاكيستان قاتىناسىنىڭ بولاشاعىن اشتى. جۇڭگو پاكيستانمەن بىرگە جاڭا داۋىردەگى اناعۇرلىم تىعىز جۇڭگو - پاكيستان تاعدىرلاس ورتاق تۇلعاسىن جەدەل قۇرىپ، ەكى ەل حالىقتارىنا باقىت جاراتىپ، وڭىرلىك سەلبەستىكتى قوزعاۋشى كۇشپەن قامداپ، دۇنيە ءجۇزىنىڭ بەيبىتشىلىگىنە ۇلەس قوسۋدى قالايدى.
شي جينپيڭ بىلاي دەپ دارىپتەدى: دۇنيە ءجۇزى اۋمالى - توكپەلى وزگەرىس كەزەڭىنە ءوتتى، جۇڭگو - پاكيستان قاتىناسىنىڭ ستراتەگيالىق ءمانى اناعۇرلىم كورنەكتىلەندى. جۇڭگو مەن پاكيستان ءوزارا سەنۋ، ءوزارا كومەكتەسۋ، قول ۇستاسا سەلبەسۋ ءداستۇرىن ساۋلەلەندىرىپ، اناعۇرلىم كەڭ كولەمدى ستراتەگيالىق سەلبەستىكتى ىشكەرىلەي ورىستەتۋى كەرەك. جۇڭگو پاكيستاننىڭ مەملەكەتتىڭ تاۋەلسىزدىگىن، يەلىك ۇقىعىن، ار - نامىسىن قورعاۋىن، لاڭكەستىككە سوققى بەرۋىن باتىل قولدايدى، پاكيستانمەن دامۋ ستراتەگياسىن ۇشتاستىرىپ، جۇڭگو - پاكيستان ەكونوميكالىق ءدالىزى قۇرىلىسىنىڭ ىشكەرىلەي دامۋىن ىلگەرىلەتىپ، كەلەلى نىسانداردىڭ ءساتتى اتقارىلۋىنا كەپىلدىك ەتىپ، عىلىم - تەحنيكا، اۋىل شارۋاشىلىعى، قوعامدىق ىستەر، حالىق تۇرمىسى سياقتى سالالارداعى سەلبەستىكتى كەڭەيتىپ، جاسىل، اقاۋسىز، سيفرلى ءدالىز قۇرىپ، پاكيستاننىڭ ونەركاسىپتەنۋ اياق الىسىن ىلگەرىلەتىپ، باياندى دامۋ قۋاتىن جوعارىلاتۋىن قولداۋعا پەيىل. جۇڭگو حالىقارالىق ىستەردە ادىلدىكتى، تۋراشىلدىقتى ۇستانادى، پالە شىعارمايدى، بولار ىستەن دە قورىقپايدى. ءبىزدىڭ ءوز يەلىك ۇقىعىمىزدى، اماندىعىمىزدى، دامۋ مۇددەمىزدى ويداعىداي قورعاۋعا قابىلەتىمىز، سەنىمىمىز كامىل. جۇڭگو پاكيستانمەن بىرلەسكەن مەملەكەتتەر ۇيىمى سياقتى كوپ جاقتى ورىنداردا سايكەسۋدى، سەلبەسۋدى كۇشەيتىپ، اناعۇرلىم كوپ ادىلەت ءۇنىن شىعارىپ، دۇنيە ءجۇزىنىڭ جانە ءوڭىردىڭ بەيبىتشىلىگى مەن ورنىقتىلىعىن قورعاۋدى قالايدى. ەكى جاق دۇنيە جۇزىلىك دامۋ باستاماسىنىڭ تياناقتانۋىن بەلسەنە ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋى كەرەك.
يمىران حان جۇڭگو جاقتىڭ بەيجيڭ قىسقى وليمپيادا سپورت جارىسىنىڭ اشىلۋ سالتىن ءساتتى وتكىزگەنىن قۇتتىقتاپ، جۇڭگونىڭ پاكيستاننىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا قاستەرلى كومەك كورسەتكەنىنە العىس ايتتى. ول مىنانى ءبىلدىردى: جۇڭگو بەرگەن ۆاكسينا پاكيستان حالقىن عانا ەمەس، پاكيستان ەكونوميكاسىن دا قۇتقاردى. قازىر حالىقارالىق ساياسي، ەكونوميكالىق جاعدايدا تەرەڭ دە كۇردەلى وزگەرىستەر تۋىلعانىمەن، ءارقانداي كۇش جۇڭگونىڭ العا باسۋ قادامىنا بوگەت بولا المايدى، جۇڭگونىڭ دامۋى مەن زورايۋىنا بوگەت بولا المايدى. جۇڭگو مۇلدەم كەدەيلىكتى جويدى، بۇل − ادامزات قوعامى كۇتكەن ەڭ ۇلى تابىس، جۇڭگونىڭ ەل باسقارۋ تاجىريبەسى دە ءار ەلدىڭ ۇيرەنۋىنە، ۇلگى الۋىنا تاتيدى. پاكيستان مەن جۇڭگو بارلىق جاعدايدا بىردەي دوس، قاي - قاشان دا پاكيستان جۇڭگومەن باتىل بىرگە بولادى. پاكيستان جۇڭگو - پاكيستان ەكونوميكالىق ءدالىزىنىڭ 2 - كەزەڭدىك قۇرىلىسىن بەلسەنە ىلگەرىلەتىپ، جۇڭگومەن ونەركاسىپ، اۋىل شارۋاشىلىعى، ينفورماتسيا تەحنيكاسى سياقتى سالالارداعى سەلبەستىكتى كۇشەيتىپ، پاكيستاننىڭ ەكونوميكالىق دامۋ دەڭگەيىن جوعارىلاتۋىنا دەم بەرۋدى قالايدى. پاكيستان اۋعانستان سياقتى وڭىرلىك ماسەلەلەر جونىندە جۇڭگومەن پىكىرلەسۋدى، سەلبەسۋدى كۇشەيتىپ، ءوڭىردىڭ حاۋىپسىزدىگى مەن ورنىقتىلىعىن قورعاۋدى قالايدى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
