شي جينپيڭ قىرعىزستاننىڭ زۇڭتۇڭى جاپاروۆپەن كەزدەستى
2022.02.07 16:43 كەلۋ قاينارى : حالىق تورابى
2 - ايدىڭ 6 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا بەيجيڭ 2022 - جىلعى قىسقى وليمپيادا سپورت جارىسىنىڭ اشىلۋ سالتىنا قاتىناسۋ ءۇشىن جۇڭگوعا كەلگەن قىرعىزستاننىڭ زۇڭتۇڭى جاپاروۆپەن كەزدەستى.
سۋرەتتى شينحۋا اگەنتتىگىنىڭ ءتىلشىسى ديڭ لين تۇسىرگەن
شينحۋا اگەنتتىگى، 2 - ايدىڭ 6 - كۇنى، بەيجيڭ. مەملەكەت ءتوراعاسى شي جينپيڭ 2 - ايدىڭ 6 - كۇنى تۇستەن كەيىن حالىق سارايىندا بەيجيڭ 2022 - جىلعى قىسقى وليمپيادا سپورت جارىسىنىڭ اشىلۋ سالتىنا قاتىناسۋ ءۇشىن جۇڭگوعا كەلگەن قىرعىزستاننىڭ زۇڭتۇڭى جاپاروۆپەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن قىرعىزستان ديپلوماتيالىق قاتىناس ورناتقان 30 جىلدان بەرى ەكى ەل قاتىناسى قارىشتاپ دامىپ، جوعارى دەڭگەيدەگى جان - جاقتى ستراتەگيالىق سەرىكتەستىك قاتىناس ورناتىلدى. جۇڭگو قىرعىزستاننىڭ دەربەس تاڭداعان دامۋ جولىن باتىل قولدايدى، قىرعىزستاننىڭ مەملەكەتتىڭ تاۋەلسىزدىگىن، يەلىك ۇقىعىن، حاۋىپسىزدىگىن قورعاۋىن باتىل قولدايدى، قىرعىزستاننىڭ سەنىمدى، ارقا سۇيەيتىن دوسى جانە سەرىگى بولادى. جۇڭگو بۇرىنعى سەلبەستىك نەگىزىندە قىرعىزستانمەن جان - جاقتى ءوزارا ءتيىمدى سەلبەستىكتى تەرەڭدەتىپ، ەكى ەل حالىقتارىنا ءتىپتى دە زور باقىت جاراتۋدى قالايدى.
شي جينپيڭ بىلاي دەپ دارىپتەدى: جۇڭگو مەن قىرعىزستان دامۋ ستراتەگياسىن ۇشتاستىرۋدى كۇشەيتۋى كەرەك، جۇڭگو قىرعىزستاننىڭ ساپالى، جاسىل اۋىل شارۋاشىلىق قوسالقى ونىمدەرىن يمپورت ەتۋدى كەڭەيتىپ، اناعۇرلىم كوپ قۋاتتى جۇڭگو كاسىپورىندارىنىڭ قىرعىزستانعا بارىپ قارجى قوسىپ، شارۋاشىلىقتى گۇلدەندىرۋىن قولداپ، قاتىستى ءتۇيىندى سەلبەستىك نىساندارىن جەدەل ىلگەرىلەتۋدى قالايدى. ەكى ەلدىڭ شەكاراداعى ىندەتتەن بىرلەسىپ ساقتانۋ، بىرلەسىپ تىزگىندەۋ مەحانيزمىنەن تولىق پايدالانىپ، شەكارا وتكەلىنەن ءوتۋ قۋاتىن جوعارىلاتۋ كەرەك. جۇڭگو جۇڭگو - قىرعىزستان - وزبەكستان تەمىر جولىن سالۋدى قولدايدى، قىرعىزستانمەن ەمدەۋ - دەنساۋلىق ساقتاۋ، كەدەيلەردى سۇيەمەلدەۋ، كەدەيلىكتى ازايتۋ، كاسىپتىك وقۋ - اعارتۋ، ايەلدەر، جاستار سياقتى سالالارداعى سەلبەستىكتى كەڭەيتىپ، قىرعىزستاندا لۋبان شەبەرحاناسىن تەز ارادا قۇرىپ، قىرعىزستاننىڭ اناعۇرلىم كوپ كاسىپتىك تەحنيكالىق دارىندىلاردى جەتىلدىرۋىنە كومەكتەسۋدى قالايدى. جۇڭگو قىرعىزستانمەن ىندەتكە قارسى اتتانۋ سەلبەستىگىن ۇزدىكسىز ورىستەتىپ، قىرعىزستانعا جاڭا تيپتى ايدارشا ۆيرۋس ۆاكسيناسى جاعىنان ءتىپتى دە كوپ كومەك بەرۋدى قالايدى. جۇڭگو قىرعىزستانمەن حاۋىپسىزدىك سەلبەستىگىنىڭ دەڭگەيىن جاپپاي جوعارىلاتىپ، ەكى ەلدىڭ جانە وسى ءوڭىردىڭ حاۋىپسىزدىگى مەن ورنىقتىلىعىن بىرگە قورعاۋدى قالايدى. حالىقارالىق جانە وڭىرلىك ىستەردەگى سايكەسۋ مەن سەلبەستىكتى كۇشەيتىپ، حالىقارالىق ادىلدىك پەن ادىلەتتىلىكتى قورعاۋ كەرەك.
جاپاروۆ مىنانى ءبىلدىردى: جۇڭگوعا كەلىپ بەيجيڭ قىسقى وليمپيادا سپورت جارىسىنىڭ اشىلۋ سالتىنا قاتىناسقانىمدى ماقتانىش سەزىنەمىن. جۇڭگو ىندەتتىڭ ىقپالىن جەڭىپ، بەيجيڭ قىسقى وليمپيادا سپورت جارىسىن ءساتتى وتكىزدى، اشىلۋ سالتى شاتتىققا شومىپ، ناعىز وليمپيادا رۋحىن ايگىلەپ، دۇنيە ءجۇزى حالىقتارىنا ءتىپتى دە كوپ ىنتىماق، دوستىق جانە ءۇمىت باعىشتادى. قىرعىزستان - جۇڭگو قاتىناسى ناعىز تەڭدىك، ءوزارا سەنىمدىلىك، ءوزارا تيىمدىلىك رۋحىن نەگىز ەتەدى. جۇڭگو جاقتىڭ ۇزاق ۋاقىتتان بەرى قىرعىزستانعا قاستەرلى قولداۋ كورسەتكەنىنە العىس ايتامىن، قىرعىزستان جۇڭگونىڭ شينجياڭعا، تايۋانعا، شياڭگاڭعا ساياتىن ماسەلەلەردە ءوزىنىڭ يەلىك ۇقىعى، حاۋىپسىزدىگى سياقتى وزەكتى مۇددەسىن قورعاۋىن ۇزدىكسىز تاباندىلىقپەن قولدايدى. قىرعىزستان ءتوراعا شي جينپيڭ العا قويعان دۇنيە جۇزىلىك دامۋ باستاماسىن قولدايدى، جۇڭگومەن ەكونوميكا - ساۋدا، قاتىناس، ەنەرگيا، وقۋ - اعارتۋ سياقتى سالالارداعى ناقتى سەلبەستىكتى ىلگەرىلەتىپ، جۇڭگو - قىرعىزستان - وزبەكستان تەمىر جولىن «ءبىر بەلدەۋ، ءبىر جولدى» بىرگە قۇرۋدىڭ سەلبەستىك باستاماشى نىسانىنا اينالدىرۋدى قالايدى، اناعۇرلىم كوپ جۇڭگو كاسىپورىندارىنىڭ قىرعىزستانعا بارىپ قارجى قوسىپ، سەلبەستىك جاساۋىن قارسى الامىز، قىرعىزستان ولارعا تاماشا ساۋدا ورتاسىن ازىرلەپ، ولاردىڭ ورىندى زاڭدى مۇددەسىن قورعايدى. قىرعىزستان جاق جۇڭگو جاقپەن حالىقارالىق جانە وڭىرلىك ىستەردەگى سايكەسۋدى، سەلبەسۋدى كۇشەيتىپ، لاڭكەستىككە جانە ۇيىمدىق قىلمىسقا بىرگە سوققى بەرىپ، ەكى ەلدىڭ جانە ءوڭىردىڭ ورتاق حاۋىپسىزدىگىن قورعاۋدى قالايدى. بۇگىن ءبىز جاريالاعان بىرلەسكەن مالىمدەمەنىڭ قىرعىزستان - جۇڭگو قاتىناسىنىڭ دامۋىنا تىڭ ومىرشەڭدىك كۇش قوساتىنىنا سەنەمىن.ەكى جاق «جۇڭحۋا حالىق رەسپۋبليكاسىنىڭ ءتوراعاسى شي جينپيڭ مەن قىرعىزستان رەسپۋبليكاسىنىڭ زۇڭتۇڭى جاپاروۆتىڭ بىرلەسكەن مالىمدەمەسىن» جاريالادى ءارى مادەنيەت، جاسىل دامۋ، كلاسسيكالىق شىعارمالاردى ءوزارا اۋدارىپ باسپادان شىعارۋ سياقتى سالالارداعى كوپتەگەن سەلبەستىك قۇجاتىنا قول قويدى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
