شي جينپيڭ سينگاپۋردىڭ زۇڭتۇڭى حاليمامەن كەزدەستى
2022.02.07 16:38 كەلۋ قاينارى : حالىق تورابى
2 - ايدىڭ 6 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا بەيجيڭ 2022 - جىلعى قىسقى وليمپيادا سپورت جارىسىنا قاتىناسۋ ءۇشىن جۇڭگوعا كەلگەن سينگاپۋردىڭ زۇڭتۇڭى حاليمامەن كەزدەستى.
سۋرەتتى شينحۋا اگەنتتىگىنىڭ ءتىلشىسى ليۋ ۋەيبيڭ تۇسىرگەن
شينحۋا اگەنتتىگى، 2 - ايدىڭ 6 - كۇنى، بەيجيڭ. مەملەكەت ءتوراعاسى شي جينپيڭ 2 - ايدىڭ 6 - كۇنى تۇستەن بۇرىن حالىق سارايىندا بەيجيڭ 2022 - جىلعى قىسقى وليمپيادا سپورت جارىسىنا قاتىناسۋ ءۇشىن جۇڭگوعا كەلگەن سينگاپۋردىڭ زۇڭتۇڭى حاليمامەن كەزدەستى.
شي جينپيڭ بىلاي دەپ اتاپ كورسەتتى: 2015 - جىلى مەن سينگاپۋردا مەملەكەتتىك ساپاردا بولعاننان بەرى ەكى جاقتىڭ ستراتەگيالىق ءوزارا سەنىمدىلىگى ۇزدىكسىز تەرەڭدەپ، ناقتى سەلبەستىگى ۇزدىكسىز كەڭەيىپ، دامۋ مۇددەسى تىعىز توعىسىپ، جۇڭگو مەن سينگاپۋردىڭ داۋىرمەن بىرگە العا باسقان جان - جاقتى سەلبەستىك سەرىكتەستىك قاتىناسىنىڭ مازمۇنىن جاندى ءتۇسىندىردى. 100 جىلدىق وزگەرىس جاعدايى مەن عاسىرلىق ىندەت الدىندا جۇڭگو - سينگاپۋر قاتىناسى قيىن - قىستاۋ جاعدايدا العا جىلجىپ، تاسقىنداعان ومىرشەڭدىك كۇشىن كورسەتتى. ەكى جاق جوبالاۋدى كۇشەيتىپ، دامۋ ستراتەگياسىن ىشكەرىلەي ۇشتاستىرىپ، جۇڭگو - سينگاپۋر قاتىناسىنىڭ ىندەتتەن كەيىنگى مەزگىلدە ورنىقتى قاداممەن ۇزاققا جالعاسۋىن ىلگەرىلەتىپ، ورلەگەن ۇستىنە ورلەپ، ەكى ەل حالىقتارىنا ءتىپتى دە زور باقىت جاراتىپ، ءوڭىردىڭ گۇلدەنىپ - كوركەيۋىن، دامۋىن جەبەۋى كەرەك.
شي جينپيڭ مىنالاردى دارىپتەدى: سينگاپۋر جۇڭگو رەفورما جاساپ، ەسىك اشقان العاشقى كەزدەن باستاپ جۇڭگونىڭ دامۋ اياق الىسىنا ىشكەرىلەي ات سالىسۋدا، قازىر جۇڭگو جاڭا دامۋ جاعدايىن جەدەل قالىپتاستىرۋدا، ەكى جاق ابزالدىقتار ارقىلى ءبىرىن - ءبىرى تولىقتاپ، سەلبەسىپ، تەڭ يگىلىككە كەنەلۋى كەرەك. سينگاپۋردىڭ جۇڭگونىڭ ولكە، قالالارىمەن قۇرعان جەرگىلىكتى سەلبەستىك مەحانيزمىنە سۇيەنىپ، جۇڭگو ەكونوميكاسىنىڭ قوس اينالىمىندا اناعۇرلىم زور رول اتقارۋىن قارسى الامىز. ەكى جاق جاسىل دامۋ سەلبەستىگىن تەرەڭدەتىپ، سيفرلى ەكونوميكا، زەردەلى قالا، عىلىم - تەحنيكادا جاڭالىق اشۋ سياقتى سالالارداعى سەلبەستىكتى كۇشەيتىپ، سەلبەستىكتىڭ جاڭا ارتۋ تۇيىندەرىن جەتىلدىرىپ، وزدەرىنىڭ دامۋىنا جاڭا قوزعاۋشى كۇش قوسۋى كەرەك. «ءبىر بەلدەۋ، ءبىر جولدى» جوعارى ساپامەن بىرگە قۇرۋ سەلبەستىك ۇلگىسىن ورناتىپ، قۇرلىق - تەڭىز جاڭا ارناسىنىڭ وڭىرلىك كاسىپ تىزبەگى مەن قامداۋ تىزبەگىنىڭ تىرەكتىك رولىن جوعارىلاتۋ كەرەك. «وڭىرلىك جان - جاقتى ەكونوميكالىق سەرىكتەستىك قاتىناس كەلىسىمىن» جوعارى دەڭگەيدە اتقارىپ، وڭىرلىك ءبىر تۇلعالانۋ اياق الىسىن بىرگە ىلگەرىلەتۋ كەرەك. ەكى جاق دۇنيە جۇزىلىك دامۋ باستاماسىنىڭ تياناقتانۋىن بىرگە ىلگەرىلەتىپ، ادىلدىكتى، تۋراشىلدىقتى قورعاپ، جاۋاپكەرلىك ارقالاۋدى ايگىلەۋى كەرەك.
حاليما مىنانى ءبىلدىردى: 2008 - جىلى مەملەكەت ىستەرى اقىلشىمىز لي گۋاڭياۋ جۇڭگوعا كەلىپ، بەيجيڭ جازعى وليمپيادا سپورت جارىسىنىڭ اشىلۋ سالتىنا قاتىناستى، مەن جۇڭگوعا كەلىپ بەيجيڭ قىسقى وليمپيادا سپورت جارىسىنىڭ اشىلۋ سالتىنا قاتىناسقانىمدى ماقتانىش سەزىنەمىن. اشىلۋ سالتىنداعى ونەر كورسەتۋ جۇڭگونىڭ وسى جاعىنداعى كورنەكتى قۋاتى مەن دەڭگەيىن تولىق ايگىلەدى. جۇڭگونىڭ تۇڭعىش التىن مەدالعا يە بولعانىن قۇتتىقتايمىن. بەيجيڭ قىسقى وليمپيادا سپورت جارىسىنىڭ جاسىل، حاۋىپسىز تاسىلمەن وتكىزىلەتىنىنە، حالىقارالىق ىنتىماق پەن سەلبەستىكتى جەبەيتىنىنە سەنەمىن. سينگاپۋر - جۇڭگو قاتىناسىنىڭ نەگىزى توتەنشە بەرىك، سۋجوۋ ونەركاسىپ باقشاسى، تيانجين ەكولوگيالىق قالاسى، چۇڭچيڭ ستراتەگيالىق ءوزارا بايلانىس جاساۋدان ۇلگى كورسەتۋ نىسانى سينگاپۋر - جۇڭگو سەلبەستىگىنىڭ جوعارى دەڭگەيىنە ۋاكىلدىك ەتتى. سينگاپۋر جۇڭگومەن بىرگە داۋىرمەن جارىسا العا باسىپ، ىنتىماقتاسا سەلبەسىپ، بولاشاققا بىرگە بەت الۋدى قالايدى. سينگاپۋر دۇنيە جۇزىلىك دامۋ باستاماسىنا بەلسەندى مامىلە جاسايدى، جۇڭگومەن جاسىل دامۋ، سيفرلى ەكونوميكا سياقتى سالالارداعى سەلبەستىكتى كۇشەيتىپ، ءوڭىردىڭ ءبىر تۇلعالانۋىن جەبەۋدى قالايدى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
