شي جينپيڭ موڭعۇليانىڭ زۇڭليى ويۋۋن - ەردەنەمەن كەزدەستى
2022.02.07 16:51 كەلۋ قاينارى : حالىق تورابى
2 - ايدىڭ 6 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا بەيجيڭ 2022 - جىلعى قىسقى وليمپيادا سپورت جارىسىنىڭ اشىلۋ سالتىنا قاتىناسۋ ءۇشىن جۇڭگوعا كەلگەن موڭعۇليانىڭ زۇڭليى ويۋۋن - ەردەنەمەن كەزدەستى.
سۋرەتتى شينحۋا اگەنتتىگىنىڭ ءتىلشىسى ديڭ لين تۇسىرگەن
شينحۋا اگەنتتىگى، 2 - ايدىڭ 6 - كۇنى، بەيجيڭ. مەملەكەت ءتوراعاسى شي جينپيڭ 2 - ايدىڭ 6 - كۇنى تۇستەن كەيىن حالىق سارايىندا بەيجيڭ 2022 - جىلعى قىسقى وليمپيادا سپورت جارىسىنىڭ اشىلۋ سالتىنا قاتىناسۋ ءۇشىن جۇڭگوعا كەلگەن موڭعۇليانىڭ زۇڭليى ويۋۋن - ەردەنەمەن كەزدەستى.
شي جينپيڭ ويۋۋن - ەردەنەگە حورولسۋح زۇڭتۇڭعا دەگەن ىقىلاستى سالەمىن جەتكىزۋدى تاپسىردى. شي جينپيڭ مىنالاردى اتاپ كورسەتتى: جۇڭگو مەن موڭعۇليا تاۋ - وزەندەرى تۇتاسقان، ءبىر - ءبىرىنىڭ ماڭىزدى دوس كورشىسى، جۇڭگو مەن موڭعۇليا قاتىناسىن ويداعىداي قورعاۋ، ويداعىداي بەكەمدەۋ، ويداعىداي دامىتۋ ەكى ەلدىڭ ءتۇبىرلى جانە ۇزاق بولاشاقتىق مۇددەسىنە ۇيلەسەدى. جۇڭگو جاق باستان - اياق جاقىن، ادال، ءتيىمدى، كەشىرىمشىل بولۋ ۇستانىمىنان جازباي، موڭعۇليامەن بىرگە ەكى ەلدىڭ ءوزارا سەنىمدىلىگىن، دوستىعىن، سەلبەستىگىن تەرەڭدەتىپ، جۇڭگو مەن موڭعۇليانىڭ جالپى بەتتىك ستراتەگيالىق سەرىكتەستىك قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى.
شي جينپيڭ مىنالاردى دارىپتەدى: جۇڭگو مەن موڭعۇليا تاۋەلسىزدىككە، يەلىك ۇقىققا، تەرريتوريا تۇتاستىعىنا ءوزارا قۇرمەت ەتۋدە تاباندى بولىپ، وزدەرى تاڭداعان دامۋ جولىنا قۇرمەت ەتىپ، ءبىر - ءبىرىنىڭ وزەكتى مۇددەسىنە كوڭىل ءبولىپ، جۇڭگو - موڭعۇليا قاتىناسى دامۋىنىڭ دۇرىس بەتالىسىن باستان - اياق مىقتى يگەرۋى كەرەك. جۇڭگو موڭعۇليا جاقپەن جوعارى جىكتەگىلەردىڭ بارىس - كەلىسىن جالعاستىرىپ، ەل باسقارۋ تاجىريبەلەرىن اۋىستىرۋدى كۇشەيتىپ، ەكى ەل قاتىناسىنىڭ مازمۇنىن ۇزدىكسىز بايىتۋدى قالايدى. ەكى جاقتىڭ ەكى ەل ۇكىمەتىنىڭ بىرلەسكەن مالىمدەمەسىن ويداعىداي تياناقتاندىرىپ، ەرتەرەك، ناقتى ناتيجە جاراتۋىن ءۇمىت ەتەمىن. تاياۋدعى 2 جىلدا جۇڭگو مەن موڭعۇليانىڭ ىندەتكە قارسى اتتانۋ سەلبەستىگى كورنەكتى بولىپ، «قوي الىپ، شاي بەرۋ» دەگەن تاماشا اڭگىمە تارالىپ، ەكى ەل حالىقتارىنىڭ دوستىق سۇيىسپەنشىلىگىن تەرەڭدەتتى. جۇڭگو جاق موڭعۇليا جاقپەن ىندەتكە قارسى اتتانۋ سەلبەستىگىن ۇزدىكسىز ورىستەتىپ، موڭعۇليا جاقتىڭ ىندەتكە قارسى اتتانۋىنا، ەكونوميكانى دامىتۋىنا، حالىق تۇرمىسىن جاقسارتۋىنا قولداۋ كورسەتۋدى جانە كومەكتەسۋدى قالايدى. ەكى جاق ناعىز كوپ جاقتىلىقتى دارىپتەپ، حالىقارالىق ادىلدىكتى، تۋراشىلدىقتى قورعاۋى، ءوڭىردىڭ بەيبىتشىلىگى مەن ورنىقتىلىعىن قورعاۋى كەرەك.
ويۋۋن - ەردەنە زۇڭتۇڭ حورولسۋحتىڭ ءتوراعا شي جينپيڭگە جولداعان ىقىلاستى سالەمىن جەتكىزدى. ول مىنالاردى ءبىلدىردى: جۇڭگو ىندەت قيىنشىلىعىن جەڭىپ، بەيجيڭ قىسقى وليمپياداسىن ۋاعىندا وتكىزىپ، دۇنيە ءجۇزىنىڭ ىندەتتى جەڭۋ سەنىمىن ارتتىردى. وليمپيادا سپورت جارىسى − ادامزاتتىڭ بەيبىتشىلىگى مەن ىنتىماعىنىڭ سيمۆولى، موڭعۇليا دەنەتاربيەنى ساياسيلاندىرۋعا باتىل قارسى تۇرادى. جۇڭگونىڭ موڭعۇليادا ىندەت ەڭ اۋىر بولعان كەزدە دەر كەزىندە ۆاكسينا جاعىنان كومەك كورسەتكەنىنە شىن جۇرەكتەن العىس ايتامىن. «جاقسى كورشى التىنعا بەرگىسىز» دەگەن ءسوز بار، جۇڭگو − موڭعۇليانىڭ التىنعا بەرگىسىز جاقسى كورشىسى. جۇڭگونىڭ دامىپ، قۇدىرەتتەنۋى دۇنيە ءجۇزىن ازيانىڭ قۇن مادەنيەتىنە اناعۇرلىم ءمان بەرۋگە جەتەكتەيدى. موڭعۇليا جۇڭگونىڭ دامۋ جۇردەك پويەزىنە وتىرىپ، جۇڭگومەن سەلبەستىكتى تەرەڭدەتۋدى قالايدى. موڭعۇليا جۇڭگومەن موڭعۇليانىڭ «جاڭا گۇلدەنۋ ساياساتى» مەن «ءبىر بەلدەۋ، ءبىر جول» باستاماسىن جانە جۇڭگونىڭ «14 - بەسجىلدىق» جوباسىن تىعىز ۇشتاستىرىپ، موڭعۇليا مەن جۇڭگونىڭ جان - جاقتى ستراتەگيالىق سەرىكتەستىك قاتىناسىن تىڭ دەڭگەيگە كوتەرىپ، موڭعۇليا مەن جۇڭگونىڭ قاتىناسىن كورشى ەلدەردىڭ قاتىناسىنىڭ جانە حالىقارالىق قاتىناستىڭ ۇلگىسىنە اينالدىرۋدى قالايدى.
ويۋۋن - ەردەنە تاعى موڭعۇل حالىق پارتياسىنىڭ ءتوراعاسى رەتىندە جۇڭگو كوممۋنيستىك پارتياسىنىڭ عاسىرلىق مەرەي تويىن تاعى ءبىر رەت قىزۋ قۇتتىقتاپ، جۇڭگو كوممۋنيستىك پارتياسىنىڭ 20 - قۇرىلتايىنىڭ تولىق تابىستى بولۋىن تىلەدى، جۇڭگو كوممۋنيستىك پارتياسىمەن پارتيالار ارا بارىس - كەلىستى جانە ەل باسقارۋ اۋىس - كۇيىسىن كۇشەيتۋگە نيەت ءبىلدىردى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
