جەل قيراتىپ كەتكەن اعاشتى دا الباتى كەسۋگە بولمايدى
حى حاييان، چىن شي، لي يىنتاۋ
2022.02.08 14:40 كەلۋ قاينارى : حالىق تورابى
لي X اتتى ورمان قورعاۋشى جەل قيراتىپ كەتكەن اعاشتى پايدا تاباتىن قۇرالىنا اينالدىرعان، قىلمىسى جەڭىل بولعاندىقتان، ونىڭ ۇستىنە قىلمىسىن مويىنداپ، ۇكىمگە مويىنسال بولعاندىقتان، پروكۋراتۋرا ورگانى ونىڭ ۇستىنەن ايىپتاما كوتەرمەۋدى ماقۇلداعان. 1 – ايدىڭ 18 – كۇنى ءۇرىمجى تەمىر جول تاسىمالى پروكۋراتۋرا مەكەمەسىنىڭ پروكۋرورى بەلگىلى الەۋمەتتىك يگىلىك سيپاتىنداعى ورماندى قورعاۋ ورتالىعىنا بارىپ، لي X دىڭ اعاشتى ۇرلاپ كەسكەن دەلوسىنا ايىپتاما كوتەرمەيتىنىن اشىق تۇردە جاريالاعان ءارى ناق مايداندا زاڭ جونىندە ۇگىت جۇرگىزگەن، وسى ارقىلى «ءبىر دەلو ارقىلى ءبىر توپ ادامعا تاربيە بەرۋدى» ىسكە اسىرعان.
لي X الەۋمەتتىك يگىلىك سيپاتىنداعى ورمان قورعاۋ ورتالىعىنىڭ كادرى، ورمان قورعاۋ سالاسىنىڭ قىزمەتكەرى بولعاندىقتان، ورماندى ايالاۋى، ورماندى باپتاۋى، ورماندى قورعاۋى ءتيىس ەدى، الايدا ول جەكە مۇددەسىن كوزدەپ، جەل قيراتىپ كەتكەن اعاشتاردان 4 شارشى مەتردەن استام اعاشتى ۇرلاپ كەسكەن، وسىدان زاڭعا قايشى تۇردە 1800 يۋاننان استام پايدا تاپقان.
2021 – جىلدىڭ سوڭىندا، بۇل دەلو پروكۋراتۋرا ورگانىنىڭ تەكتەپ ايىپتاما كوتەرۋىنە جوتكەلگەن. ءۇرىمجى تەمىر جول تاسىمالى پروكۋراتۋرا مەكەمەسى زاڭ بويىنشا تەكتەۋ جۇرگىزگەن سوڭ، بىلاي دەپ قاراعان: لي X دىڭ قىلمىسى جەڭىل، ونىڭ ۇستىنە دەلو انىقتالعان سوڭ ءىستى شىنايى بايانداپ، زاڭسىز تاپقان پايداسىن ىرىقتىلىقپەن قايتارعان، زياننىڭ ورنىن بەلسەندىلىكپەن تولىقتاعان، وكىنۋ پوزيتسياسى ءبىرشاما جاقسى بولعان، قىلمىسىن مويىنداپ، جازاعا مويىنسال بولعان، سوندىقتان لي X دىڭ ۇستىنەن ايىپتاما كوتەرمەۋ ماقۇلداندى.
دەلونىڭ ەسكەرتۋ رولىن اناعۇرلىم ساۋلەلەندىرۋ ءۇشىن، اتالعان پروكۋراتۋرا مەكەمەسى ورمان شارۋاشىلىعى تاراۋلارىمەن سەلبەسە وتىرىپ، وسى رەتكى اشىق جاريالاۋ ءماجىلىسىن بىرگە ۇيىمداستىردى، الەۋمەتتىك يگىلىك سيپاتىنداعى ورمان قورعاۋ ورتالىعىنىڭ كادرلارى مەن جۇمىسشى – قىزمەتكەرلەرىنەن 30 نەشە ادام قاتىناستى. اتالعان دەلونى بىتىرۋگە مىندەتتى بولعان پروكۋرور ناق مايداندا كوپشىلىككە زاڭ جونىندە ۇگىت جۇرگىزدى: «مەملەكەت مەنشىگىندەگى ورماندا، بەلگىلەنگەن ءتارتىپ بويىنشا ماقۇلداۋدان وتكىزبەي تۇرىپ، ءارقانداي ادامنىڭ ءبىرجاقتى ەتۋ ۇقىعى جوق، مەيلى، جەل قيراتىپ كەتكەن، سۋ جىعىپ كەتكەن اعاش بولسا دا، الباتى كەسۋگە، بولۋگە بولمايدى، ۇيتپەگەندە، قىلمىس قالىپتاستىرۋى مۇمكىن». لي X ناق مايداندا: الدا تولىقتاپ ەگۋگە كۇش سالىپ، ەكولوگيالىق ورتاعا جەتكىزگەن زياننىڭ ورنىن تولىقتايتىنىن ءارى وسىدان ساباق الىپ، زاڭعا بويسۇناتىن ورماندى قورعاۋشى بولاتىنىن ءبىلدىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
