جۇڭگو مەن قازاقستاننىڭ دوستىق تۇرعىسىنا جاڭا كوپىر سالىندى
جاڭ شياۋ
2022.02.08 14:39 كەلۋ قاينارى : حالىق تورابى
1992 – جىلى 1 – ايدىڭ 3 – كۇنى جۇڭگو قازاقستانمەن ديپلوماتيالىق قارىم – قاتىناس ورناتۋ جونىندەگى بىرلەسكەن مالىمدەمەگە قول قويىپ، قازاقستانمەن ەڭ ەرتە ديپلوماتيالىق قارىم – قاتىناس ورناتقان مەملەكەتتەردىڭ ءبىرى بولدى. ديپلوماتيالىق قارىم – قاتىناس ورناتقان 30 جىلدان بەرى، جۇڭگو مەن قازاقستاننىڭ قارىم – قاتىناسى حالىقارالىق اۋمالى – توكپەلى جاعدايدىڭ سىناعىنا توتەپ بەرىپ، باستان – اياق تاسقىنداعان ومىرشەڭدىك قۋاتى مەن تەبىندى سەلبەستىك قوزعاۋشى كۇشىن ساقتاپ كەلدى. وتە – موتە، جۋىرداعى جىلداردان بەرى، ەكى ەل باسشىلارىنىڭ ستراتەگيالىق جەتەكشىلىگىندە، جۇڭگو مەن قازاقستاننىڭ ماڭگىلىك جالپى بەتتىك ستراتەگيالىق سەرىكتەستىك قارىم – قاتىناسى ۇزدىكسىز تىڭ بەلەسكە كوتەرىلىپ، كورشىلەس ەلدەر اراسىنداعى تاتۋ كورشىلىك، ءوزارا تيىمدىلىك جەتكىزىپ، بىرگە يگىلىكتەنۋدىڭ ۇلگىسىنە اينالدى، جىبەك جولىنداعى عاسىرلارعا جالعاسقان دوستىق بارىس – كەلىس جاڭا داۋىردە تىڭ ومىرشەڭدىك قۋات بايقاتتى.
30 جىلدان بەرى، جۇڭگو مەن قازاقستان ءبىر – ءبىرىنىڭ مۇددەسىنە ساياتىن كەلەلى ماسەلەلەردە باستان – اياق ءوزارا باتىلدىقپەن قولداۋ كورسەتىپ كەلەدى، بىرلەسكەن مەملەكەتتەر ۇيىمى، شاڭحاي سەلبەستىك ۇيىمى، ازيا ءوزارا سەلبەستىك جانە سەنىمدىلىك شارالارى ءماجىلىسى قاتارلى كوپ جاقتى تەكشەلەردە تىعىز سەلبەسىپ، وسى ءوڭىردىڭ، ءتىپتى دۇنيە ءجۇزىنىڭ بەيبىتشىلىگى مەن ورنىقتىلىعىنا كەلەلى ۇلەس قوستى. جۇڭگو مەن قازاقستان كەڭ كولەمدە ەكونوميكالىق – ساۋدا سەلبەستىگىن ورناتىپ، 30 جىلدان بەرى ەكى جاقتى ساۋدا سوماسى 60 ەسەدەن استام ارتقان. وتە – موتە، 2013 – جىلى ءتوراعا شي جينپيڭ قازاقستاندا تۇڭعىش رەت «جىبەك جولى ەكونوميكالىق بەلدەۋىن» بىرگە كوركەيتۋ دارىپتەمەسىن ورتاعا قويعاننان بەرى، ەكى ەل دامۋ ستراتەگياسىن ىشكەرىلەي ۇشتاستىرىپ، ءتۇرلى سالالارداعى ناقتى سەلبەستىكتەردى ىشكەرىلەي، ناقتى ورىستەتى، جۇڭگونىڭ قازاقستانعا قوسقان قارجى سوماسى ۇزدىكسىز جاڭا بەلەسكە كوتەرىلىپ، شەكارا اتتاعان زات اينالىمى ۇزدىكسىز جوعارىلادى، فينانس سالاسىنداعى سەلبەستىك ۇزدىكسىز ىلگەرىلەتىلدى، قازاقستاندا «حانزۋ ءتىلىن ۇيرەنۋ ورلەۋى» كوتەرىلدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، جۇڭگو مەن قازاقستان ءوزارا ماڭىزدى قولداۋ كورسەتىپ، جۇڭگو جاق ەمدەۋ ماماندارى گرۋپپاسىن قازاقستانعا جىبەرىپ، ىندەتتەن ساقتانۋعا سەلبەستى، كومەكتەستى، قازاقستان جاقتى كوپ مولشەردەگى ۆاكسينامەن قامدادى. جۇڭگو ىندەتتەن ساقتانۋ بارىسىندا ەڭ كوپ كومەك كورسەتكەن ەل بولدى، كومەككە بەرگەن زاتتاردىڭ ءتۇرى ەڭ كوپ، ەڭ تولىق بولدى، بۇل جۇڭگو مەن قازاقستاننىڭ «شىن دوستىق قيىندىقتا سىنالادى» دەگەن ايتىلىمداعىداي باۋىرلاستىعىن تەرەڭ ايگىلەدى.
جاڭا جىلدىڭ باسىندا، قازاقستاندا كەڭ كولەمدە دۇربەلەڭ تۋىلىپ، ءولىم – ءجىتىم كوپ بولىپ، مال – مۇلىك اۋىر زيانعا ۇشىرادى. 1 – ايدىڭ 7 – كۇنى ءتوراعا شي جينپيڭ قازاقستان زۇڭتۇڭى توقايەۆقا سالەم جولدادى. 1 – ايدىڭ 25 – كۇنى ءتوراعا شي جينپيڭ جۇڭگونىڭ ورتا ازياداعى بەس ەلمەن ديپلوماتيالىق قارىم – قاتىناس ورناتقاندىعىنىڭ 30 جىلدىعى بايلانىسىمەن وتكىزىلگەن بەينە كەسكىندى باسشىلار ماجىلىسىندە مىنانى باسا دارىپتەدى: ءبىز تاتۋ كورشىمىز، قازاقستاننىڭ ورنىقتىلىقتى قورعاپ، زورلىق – زومبىلىقتى تيۋىنا باتىل قولداۋ كورسەتەمىز ءارى مۇمكىندىگىمىزشە قازاقستانعا قاجەتتى قولداۋ كورسەتەمىز جانە كومەك بەرەمىز. توقايەۆ زۇڭتۇڭنىڭ پارمەندى باسشىلىعىندا، قازاقستان حالقىنىڭ مەملەكەتتى كوركەيتۋدە اناعۇرلىم تاماشا بولاشاققا قادام تاستايتىنىنا سەنەمىز.
بەيجيڭ قىسقى وليمپياداسىنىڭ شىمىلدىعى اشىلدى. توقايەۆ زۇڭتۇڭ بەيجيڭ قىسقى وليمپياداسىنىڭ اشىلۋ سالتىنا قاتىناستى، بۇل جۇڭگو مەن قازاقستاننىڭ «بولاشاققا بىرگە بەتتەۋ» سىندى ورتاق تىلەگىن ايگىلەيدى. توقايەۆ زۇڭتۇڭ جۋىردا بەيجيڭ قىسقى وليمپياداسىنا قاتىناساتىن قازاقستان ۋاكىلدەر ۇيىرمەسىمەن كەزدەسىپ، قازاقستاننىڭ مەملەكەت تۋىن ۋاكىلدەر ۇيىرمەسىنىڭ مۇشەلەرىنە تابىستادى ءارى بەيجيڭ قىسقى وليمپياداسى مەن مۇگەدەكتەر قىسقى وليمپياداسىنىڭ «تاريحي بەلەستىك ءمان الاتىن ءىس» ەكەنىن ءبىلدىردى.
جۇڭگو جاق قازاقستان قىسقى وليمپيادا ۇيىرمەسىنىڭ، مۇگەدەكتەر قىسقى وليمپياداسى ۇيىرمەسىنىڭ ءتۇرلى جارىستارعا قاتىناسۋىن قارسى الادى، قار – مۇز سپورتى جاعىندا ۇزاق ۋاقىتتىق داستۇرگە يە قازاقستاننىڭ ساڭلاقتارىنىڭ جارىس الاڭىندا ونەرىن ايگىلەپ، داڭققا يە بولۋىن، ارماندارىن ىسكە اسىرۋىن تىلەيمىز. مەن بەيجيڭ قىسقى وليمپياداسىنىڭ جۇڭگو مەن قازاقستان ەكى ەلدىڭ سپورت سالاسىنداعى، وتە – موتە، قار – مۇز سپورتى سالاسىنداعى اۋىس – كۇيىسى مەن سەلبەستىگىن تەرەڭدەتەتىنىنە، جۇڭگو مەن قازاقستاننىڭ دوستىق تۇعىرىنا تىڭ كوپىر سالاتىنىنا سەنەمىن.
(اۆتورى جۇڭگونىڭ قازاقستاندا تۇراتىن باس ەلشىسى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
