قازاق ازاماتى اراي «جۇڭگونىڭ ارمان اۋەنى جارىسىنان» التى مىقتىعا كىردى

2013.08.07 14:34   كەلۋ قاينارى : حالىق تورابى

　　حالىق تورابىنىڭ قازاقشا ارناسىنان بەرىلگەن حابار. شىلدە ايىنىڭ ورتا شەنىندە، قازاق ازاماتى اراي ايدارقان ۇلى شاڭحاي دۇڭفاڭ تەلەۆيزياسى «جۇڭگونىڭ ارمان اۋەنى جارىسى» ساحناسىندا مەملەكەت بويىنشا الدىڭعى ون ەكىنىڭ ءبىرى بولعان ەدى. كەيىنتىنەن ون ەكىدەن وندى، وننان سەگىزدى ىرىكتەۋلەردىڭ بارىنەن سۇرىنبەي ءوتىپ، 4-تامىز كەشتە، «جۇڭگونىڭ ارمان اۋەنى جارىسىنىڭ» مەملەكەت بويىنشا الدىڭعى التى مىقتىنى سارالاۋ جارىسىندا، ءساتتى تۇردە الدىڭعى التى مىقتىعا كىردى. ول ەندى كەلەسى اپتادا وتكىزىلەتىن التى مىقتىدان ءتورتتى سارالاۋ جارىسىنا دايىندالماق.

　　اراي ايدارقان ۇلى التاي قالاسىندا تۋىپ وسكەن، قازىر ورتالىق مۋزيكا ينيستيۋتىنىڭ ءۇشىنشى جىلدىق وقۋشىسى، ماماندىعى مۋزيكا وقۋ-اعارتۋى قوسىمشا ءان جازۋمەن شۇعىلدانادى.

　　بيىل جازداعى «جۇڭگونىڭ ارمان اۋەنى جارىسى» ساحناسىندا، اراي تامىلجىعان داۋىسىمەن جانە ساحارالىقتارعا ءتان شىن ىقىلاسىمەن كورەرمەندەردى سۇيىندىردى. 4-تامىز كەشتە، اراي «كوڭىلىمدە جەر-الەم» دەگەن انمەن مەملەكەت بويىنشا الدىڭعى التى مىقتىنىڭ قاتارىنا كىردى. بۇل كەزەكتى جارىستىڭ نەگىزگى تاقىرىبى «ەڭ سۇيىكتى ادامىنا» ارناپ ءبىر ءان ورىنداۋ ەدى، ءوزىنىڭ ەڭ سۇيىكتى ادامى ــ قايتىس بولعان اجەسىنە ارناپ ءان شىرقادى.

　　اراي: «ءار جولعى جارىس كەرەمەت سايىسقا تولى، بۇل جولعى جارىس ومىرىمدەگى ەڭ ۇلكەن ۇيرەنۋ مەن شىنىعۋ بولدى »-دەگەن. 2009-جىلدان باستاپ، اراي ءوز تالانتىن تانىتا باستاعان ەدى، ول ىلگەرىندى-كەيىندى بولىپ، ورتالىق تەلەۆيزيانىڭ «نۇرلى جول باعدارلاماسى»، مەملەكەتتىك جاس انشىلەر جارىسى، حۋنان تەلەۆيزياسىنىڭ «كوڭىلدى جىگىت داۋىسى» قاتارلى جارىستاردا ءوز ونەرىن كورسەتە باستاعان ەدى، ءارى تاماشا ناتيجەگە دە قول جەتكىزگەن.

　　كەلۋ قاينارى: حالىق تورابى