شينجياڭ ايەلدەرىنىڭ «سۇلۋلىق ينجەنەرياسى» كيىم-كەشەك كورمەسى كوزدىڭ جاۋىن الدى

2013.09.12 16:24   كەلۋ قاينارى : ءتاڭىرتاۋ تورابى

　　11-قىركۇيەك 2-كەزەكتى ازيا-ەۆروپا جىبەك جولى كيىم-كەشەك مەرەكەسى ــ شينجياڭ ايەلدەرىنىڭ «سۇلۋلىق ينجەنەرياسى» كيىم-كەشەك كورمەسى دىحۇي كيىم-كەشەك سارايىندا وتكىزىلدى. اۆتونوميالى رايوندىق ايەلدەر بىرلەستىگى ءۇرىمجى قالاسى، التاي ايماعى، سانجى حۇيزۋ اۆتونوميالى وبلىسى، بايىنعولىن موڭعۇل اۆتونوميالى وبلىسى، قاشقار ايماعى قاتارلى جەرلەردەن ۇيعۇر، حانزۋ، قازاق، موڭعۇل، حۇيزۋ سىندى 5 ۇلتتىڭ داستۇرىمەن وسىزامان ۇلگىسىندەگى 160 پار كيىمىن سارالانىپ شىقتى. وسى مايدان كيىم-كەشەك كورمەسىن اۆتونوميالى رايوندىق ايەلدەر بىرلەستىگى، اۆتونوميالى رايوندىق ەكونوميكا جانە ينفورماتسيا كوميتەتى بىرلەسىپ وتكىزدى.

　　ۇعىسۋعا قاراعاندا، شينجياڭ ايەلدەرىنىڭ «سۇلۋلىق ينجەنەرياسى» شينجياڭنىڭ وزگەشە ۇلتتىق تۇسىنە يە كيىم-كەشەك مادەنيەتىن كۇش سالا ۇگىتتەپ، اقاۋسىز، مادەنيەتتى تۇرمىس ءتاسىلىن ۇندەپ، ءار ۇلت ايەلدەرىن زامان اۋقىمىنا ساي كەلەتىن كيىم-كەشەك كيىپ جۇرۋىنە شابىتتاندىرىپ، شينجياڭ ايەلدەرىنىڭ تاماشا كوركىن بەينەلەدى.

　　كورمە مايدانىندا اۆتونوميالى رايوندىق ايەلدەر بىرلەستىگى، اۆتونوميالى رايوندىق ەكونوميكا جانە ينفورماتسيا كوميتەتى، سونداي-اق قاتىستى مەكەمە، ورىنداردىڭ باسشىلارى، كيىم-كەشەك مەركەسىنە قاتىناسقان ەل ءىشى-سىرتىنداعى قوناقتار، ءارقايسى ايماق، وبلىس ايەلدەر بىرلەستىگىنىڭ باسشىلارى قاتارلى جالپى 500 دەي ادام قيمىلعا قاتىناستى.

　　اۋد: ءساليما قاسىم قىزى