كەنيادا ساقشىلار مەن بۇلىكشىلەر اراسىندا اتىس تۋىلىپ، 39 ادام قازا بولىپ، 150دەن استام ادام جارالاندى

2013.09.22 13:14   كەلۋ قاينارى : حالىق تورابى

　　كەنيانىڭ استاناسى نايروبيدەگى ءىرى ساۋدا سارايىندا 21-قىركۇيەكتە ساقشىلار مەن بۇلىكشىلەر اراسىندا قارۋلى اتىس تۋىلىپ، قازىرگە دەيىن 39 ادام قازا بولىپ، 150دەن استام ادام جارالانعان. ءال-حايدا ۇيىمىمەن قاتىسى بار سومالي جاستار پارتياسى بۇل وق شىعارۋ وقيعاسىنا جاۋاپكەر بولاتىندىقتارىن جاريالادى.

　　كەنيا ۇكىمەتى ساۋدا سارايىنداعى جاعدايدى مەڭگەرگەنىن مالىمدەگەنىمەن، وقيعا تۋىلعان ورىنداعى ناقتى جاعداي ءالى انىق ەمەس. كوز جۇمعاندار مەن جارالانعانداردىڭ سانى ءالى دە ارتا ءتۇسۋى مۇمكىن.

　　فرانسيا اقپارات اگەنتتىگىنىڭ حابارلاۋىنشا، كەنيا ساقشى جاعى قازىر قارۋلى ەلەمەنتتەردى وقشاۋلاپ، ساۋدا سارايىنىڭ ءبىر بۇرىشىندا تەجەپ ۇستاپ وتىر. جەرگىلىكتى ورىنداعى حاۋىپسىزدىك تاراۋلارى قارۋلى ەلەمەنتتەردەن ءبىر ادامدى قولعا تۇسىرگەنىن ايتقان. ەڭ جاڭا مالىمەتكە قاراعاندا، بۇل قارۋلى ەلەمەنتكە وق تيگەندىكتەن، قولعا ءتۇسىپ كوپ وتپەي كوز جۇمعان.

　　بىرىككەن مەملەكەتتەر ۇيىمى بۇل ىسكە ەرەكشە نازار اۋدارىپ وتىرعاندىعىن ءبىلدىردى. بىرىككەن مەملەكەتتەر ۇيىمىنىڭ باس حاتشىسى پان جيۋىن 21-قىركۇيەكتە مالىمدەمەشىسى ارقىلى مالىمدەمە جاريالاپ، نايروبيدە تۋىلعان شابۋىلداۋ وقيعاسىنا كوڭىل ءبولىپ وتىرعانىن، ءارى اقىلشىلارىنىڭ بۇل ءىس جونىندەگى مالىمدەمەسىن تاپسىرىپ العانىن ايتقان.

　　پان جيۋىننىڭ ايتۋىنشا، ول كەنيادا تۋىلعان شابۋىلداۋ وقيعاسى جونىندە كەنيا زۇڭتۇڭى كەنياتتامەن تەلەفوندا تىلدەسكەن. ول كەنيا ۇكىمەتىنىڭ شابۋىلداۋ وقيعاسىن ءبىرجاقتىلى ەتۋ شارالارىن قولدايتىنىن بىلدىرگەن.

　　حالىقارالىق قوعام بۇل ىسكە ايرىقشا نازار اۋدارۋدا. ا ق ش مەملەكەتتىك كەڭەسى وقيعادا ا ق ش ازاماتىنىڭ جارالانعانىن تۇراقتاندىردى، ا ق ش-تىڭ كەنياداعى باس ەلشىلىگى قازىر جارالانۋشىعا كومەكتەسۋدە. جۇڭگونىڭ كەنيادا تۇراتىن باس ەلشىلىگى قازا بولعاندار مەن جارالانعاندار ىشىندە جۇڭگو ازاماتتارىنىڭ جوق ەكەنىن تۇراقتاندىرعان.

　　كەلۋ قاينارى: حالىق تورابى