اپتا ارقاۋى: شي جينپيڭ جاڭا زەلانديانىڭ زۇڭليى جون گيمەن كەزدەستى

2014.03.21 16:05   كەلۋ قاينارى : حالىق تورابى

　　مەملەكەت ءتوراعاسى شي جينپيڭ 19-ناۋرىز كۇنى حالىق سارايىندا جاڭا زەلانديانىڭ زۇڭليى جون گيمەن كەزدەستى.

　　شي جينپيڭ بىلاي دەپ اتاپ كورسەتتى: جۇڭگو مەن جاڭا زەلانديا سەلبەستىگى جاسامپازدىق جانە ۇلگى سيپاتىنا يە. ەكى ەل جوعارى ساتىداعىلارىنىڭ بارىس-كەلىسى جيلەپ، ەكى جاقتادا تۇسىنىك پەن سەلبەستىكتى كۇشەيتۋ شىنايى تىلەگى بار بولىپ، ءوزارا سەنىمدىلىك كۇنساناپ تەرەڭدەي ءتۇستى. جاڭا زەللانديا شارۋاشىلىعى دارا ابىزالدىققا يە، جۇڭگونىڭ كەڭ بازارى بار، ەكى ەل سەلبەستىگىنىڭ ورتاسى وتە زور. ەكى جاق ەگىن-مالشارۋاشىلىق سەلبەستىگىن كۇشەيتۋمەن بىرگە، زالالسىز شارۋاشىلىق، ەنەرگيانى ۇنەمدەپ بىلعانىشتى ازايتۋ، جوعارى عىلم-تەحنيكا سالالارىنداعى سەلبەستىكتى كەڭەيتىپ، مادەنيەت، وقۋ-اعارتۋ، ساياحات اۋىس-كۇيىسىن جەبەۋى كەرەك. جۇڭگو جاق جاڭا زەللانديامەن ورتاق قۇلشىنىپ، ەكى ەلدىڭ جالپى بەتتىك سەلبەستىك قاتناسىن جەبەۋدى ءوزارا قۇرمەتتەپ، ءوزارا ورتاق پايداعا كەنەلۋ نەگىزىندە تاعىدا تىڭ ساتىعا كوتەرۋ كەرەك.

　　جون گي بىلاي دەدى: جۇڭگو-جاڭا زەللانديانىڭ ەڭ ءىرى ساۋدا سەرىگىنە، شەتەلدەگى ەڭ ءىرى وقۋشى قاينارىندىق ەلگە جانە شەتەلدەگى 2- ءىرى ساياحات قاينارىندىق ەلگە اينالدى. جاڭا زەللانديا تاريحتان بەرى جۇڭگونىڭ وزەكتى مۇددەسىنە قۇرمەت ەتىپ، ەكى ەل سەلبەستىگىن كۇشەيتۋ تىلەگى اسا كۇشتى بولدى. جاڭا زەللانديا جاق جۇڭگونىڭ قارجى قوسۋىن قارسى الادى. جاڭا زەللانديا جاۋاپكەر بولۋ پوزيتسياسىمەن، ەڭ قاتاڭ ولشەممەن جۇڭگوعا تاسمالداناتىن ازىق-تۇلىكتەردىڭ ساپاسىنا كەپىلدىك ەتەدى. جون.گي مالايسيا اۆياتسيا سەرىكتىگى جولاۋشىلار ايىروپىلانىنىڭ دەرەكسىز كەتۋ ۋاقيعاسى جونىندە جۇڭگو جاقتان حال سۇرادى. شي جينپيڭ بىلاي دەدى: جۇڭگو ۇكىمەتى تىنباي ىزدەۋ سالۋدا، تيتتەي ءۇمىت ۇشقىنى بايقالسا بولدى، بار كۇشىمىزدى سالامىز.