1-شىلدەدەن باستاپ تەمىر جول تاسىمال كەستەسىنە وزگەرىس ەنگىزىلەدى

بەيجيڭنەن شيامىنعا باراتىن تۇڭعىش جوعارى قارقىندى پويەز ءبىر كۇندە جەتىپ بارادى

2014.07.01 14:18   كەلۋ قاينارى : حالىق تورابى

　　ەرتەڭ ساعات نولدەن باستاپ، تەمىر جول تاراۋلارى جولاشىلار پويەزىنىڭ جاڭا تاسىمال كەستەسىن اتقارادى. وسى جولى كەستەگە وزگەرىس ەنگىزىلگەننەن كەيىن بەيجيڭ تەمىر جول مەكەمەسىنە 19.5 جۇپ پويەز قوسىلادى، مۇنىڭ 15 جۇبى جوعارى قارقىندى پويەز ءارى تۇڭعىش رەتكى بەيجيڭ وڭتۇستىك بەكەتىنەن شيامىن سولتۇستىك بەكەتىنە باراتىن جوعارى قارقىندى پويەز ىسكە قوسىلادى. مۇنان سىرت، جازعى دەمالىستاعى تاسىمال مەزگىلى 1- شىلدەدە باستالادى، بەيجيڭ تەمىر جول مەكەمەسىنە قاراستى جولاۋشىلار پويەزىنىڭ %60 ىن تەزقارقىندى پويەزدار ۇستايدى، ولاردىڭ كوبىنىڭ كەزەك ءنومىرى «تەز قارقىندى پويەزدان» «جوعارى قارقىندى پويەزعا» وزگەرەدى.

　　بۇل رەتكى تاسىمال كەستەسىنە ۇلكەن وزگەرىس ەنگىزىلگەننەن كەيىن، بەيجيڭ تەمىر جول مەكەمەسى 19.5 جۇپ جولاۋشى تاسىمال پويەزىن ىسكە قوسادى (مۇنىڭ 15 جۇبى جوعارى قارقىندى پويەز)، كوپتەگەن تاسىمال جەلىسىنىڭ رەتتەلۋى جۇرت نازارىن اۋداردى. مۇنىڭ ىشىندە، تۇڭعىش رەتكى بەيجيڭ وڭتۇستىك بەكەتىنەن شيامىن سولتۇستىك بەكەتىنە باراتىن 6/ 165G - كەزەكتى جوعارى قارقىندى پويەز فۋجوۋ وڭتۇستىك بەكەتى، فۋتيان بەكەتى، چۋانجوۋ بەكەتى قاتارلى بەكەتتەردەن وتەدى. 165G - كەزەكتى پويەزدى مىسالعا الساق، بەيجيڭ وڭتۇستىك بەكەتىنەن ساعات 8 دەن 48 مينۋت وتكەندە جولعا شىعىپ، 21 دەن 30 مينۋت وتكەندە شيامىن سولتۇستىك بەكەتىنە جەتىپ بارادى. جالپى تاسىمال ۋاقىتى 12 ساعات 45 مينۋت بولىپ، وسى ەكى جەرگە ءبىر كۇندە جەتۋگە بولادى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى