يران جولاۋشىلار ايروپلانىنىڭ موتورىنان كىنارات شىعىپ، قۇلاپ كەم دەگەندە 38 ادام قازا بولدى

2014.08.11 16:00   كەلۋ قاينارى : حالىق تورابى

　　حالىق تورابى، 11 – تامىز، بەيجيڭ. شينحۋا اگەنتتىگىنىڭ 10 – تامىزدا تەگەراننان بەرگەن حابارى. يران اقپارات قۇرالدارىنىڭ حابارلاۋىنا قاراعاندا، ءبىر شاعىن جولاۋشىلار ايروپلانى 10 – تامىزدا يراننىڭ استاناسى تەگەراننىڭ ماڭىندا قۇلاپ ءتۇسىپ، كەم دەگەندە 38 ادام قازا بولعان.

　　يران ءىسلام رەسپۋبليكاسى اگەنتتىگىنڭ حابارىنا قاراعاندا، يران ــ 140 ءتيپتى (يراندا قۇراستىرىلعان انتونوۆ ــ 140 ايروپلانى ــ ۆكراينانىڭ انتونوۆ اۋە عىلىم – تەحنيكا بىرلەستىگى جاساعان قوس ەسكەكتى قىسقا ارالىققا ۇشاتىن تاسىمال ايروپلانى) جولاۋشىلار ايروپلانى سول كۇنى تەگەراننىڭ مەحراباد اۋە جايىنان ۇشىپ، يراننىڭ شىعىس بولەگىندەگى قالا تاباسقا بارا جاتقاندا، تەگەراننان 5 كيلومەتر باستاعى ازات قالاشىعىندا قۇلاعان. ۇشاقتا جالپى 40 جولاۋشى مەن 8 ۇشاق قىزمەتكەرى بار، مۇنىڭ ىشىندە 7 بالا بار.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى