حالىق تورابىنىڭ «جاڭا جىبەك جولىنا ساپار» اتتى جالپى مەديالى ەل اتتاعان كولەمدى اقپاراتتىق قيمىلى رەسمي باستالدى

2014.08.18 17:02   كەلۋ قاينارى : حالىق تورابى

　　

　　حالىق تورابى، 18 – تامىز، بەيجيڭ. حالىق تورابىنىڭ «جاڭا جىبەك جولىنا ساپار» اتتى اقپاراتتىق قيمىلىنىڭ باستالۋ سالتى بەيجيڭ، شي – ان، چۋانجوۋ قاتارلى ءۇش ورىندا ءبىر ۋاقىتتا وتكىزىلدى. «جىبەك جولى ەكونوميكالىق بەلدەۋى» مەن «21 – عاسىرداعى تەڭىزدەگى جىبەك جولى» اتتى ەكى توپتاعى تىلشىلەر شي – ان مەن چۋانجۋدا جولعا شىقتى، بۇل حالىق تورابىنىڭ ەكى ايعا سوزىلىپ، تىلشىلەر مەن ايتۋلى ادامداردان 60تان استام ادام قاتىناساتىن، ەل ىشىندەگى ون نەشە قالادان سىرت، 13 مەملەكەتتى قامتيتىن كولەمدى جالپى مەديالى اقپاراتتىق قيمىلدىڭ باستالعانىنان دەرەك بەرەدى.

　　حالىق تورابىنىڭ «جاڭا جىبەك جولىنا ساپار» اتتى تىلشىلەر توبى جىبەك جولى ەكونوميكالىق بەلدەۋى جانە تەڭىزدەگى جىبەك جولى سىندى ەكى جەلى بويىنشا جولعا شىعىپ، 2 ايعا جۋىق ۋاقىت ىشىندە شانشي، گانسۋ، شينجياڭ، جياڭسۋ، جىجياڭ، فۋجيان، گۋاڭدۇڭ، گۋاڭشي قاتارلى ولكە، قالالاردى، سونداي – اق، قازاقستان، قىرعىزستان، تاجىكستان، وزبەكستان، تۇركىمەنستان، يران، تايلاند، بيرما، سينگاپۋر، يندونەزيا، سريلانكا، ەگيپەت، تۇركيا قاتارلى 13 مەملەكەتتى باسىپ وتەدى. قاتىستى حابارلار حانزۋشا، اعىلشىنشا، ورىسشا، قازاقشا قاتارلى تىلدەردە تاراتىلادى.

　　حالىق تورابىنىڭ «جاڭا جىبەك جولىنا ساپار» اتتى تىلشىلەر توبىندا تورابىمىزدىڭ تىلشىلەرىمەن شەتەلدىك مامانداردان سىرت، يا كۋاڭجىڭ، حۋاڭ جيسۋ، فاڭ فاڭ، يۇي دان، ۋيۋە سانرىن، ياڭ جينلين، جىڭ يۋانجيە، مىڭ مان، شۇي دانەي قاتارلى ايگىلى توردوستار، اقپاراتشىلار، مادەنيەت سالاسىنداعى ايگىلى ادامدار ۇسىنىس ەتىلىپ، تىلشىلەر توبىمەن بىرگە ساپارعا شىعىپ، وزدەرىنىڭ كورگەن – بىلگەندەرىن، اڭگىمەلەرىن توردوستارمەن بولىسەدى.

　　كەلۋ قاينارى: حالىق تورابى