رەسەي مەن ۋكراينا باسشىلارى ەكىجاقتىلى كەڭەس وتكىزدى

2014.08.27 17:11   كەلۋ قاينارى : حالىق تورابى

　　26 – ماۋسىم، بەلورۋسسيا استاناسى مينيسكى، رەسەي زۇڭتۇڭى پۋتين (سولدا)، بەلورۋسسيا زۇڭتۇڭى لۋكاچەنكو، (ورتادا) ۋكراينا زۇڭتۇڭى پوروشەنكو كەڭەس الدىندا سۋرەتكە ءتۇستى. سول كۇنى رەسەي زۇڭتۇڭى پۋتين مەن ۋكراينا زۇڭتۇڭى پوروشەنكو بەلورۋسسيانىڭ استاناسى مينيسكىدە ەكىجاقتىلى كەڭەس وتكىزدى. ەكى جاق ۋكراينا داعدارىسى، رەسەيدىڭ ۋكراينانىڭ شىعىس بولەگىندەگى وڭىرلەردە گۋمانيتارلىق كومەك بەرۋى، لۋگانسكى مەن دونەتسكى وبلىستارىنداعى بوسقىندار، رەسەي – ۋكراينا اراسىنداعى ەنەرگەتيكا ماسەلەلەرى توڭىرەگىندە پىكىرلەستى.

　　بەلورۋسسيا اقپارات اگەنتتىگىنىڭ حابارلاۋىنشا، ەكى ەل باسشىسى قاندى قاقتىعىستى تەزىرەك توقتاتۋ، سونداي – اق داعدارىستى ساياسي جولمەن شەشۋدىڭ قاجەتتىلىگى تۋرالى كەڭەستى. پۋتين: «بەيبىتشىلىككە جول اشىلسا، رەسەي ونى كۇش سالا قولدايدى»، -دەدى.

　　پۋتين مەن پوروشەنكو كەڭەس بارىسىندا ەكى ەل اراسىنداعى ەنەرگيا مەن تابيعي گاز جاعىنداعى ماسەلەلەر كۇرمەۋى وڭاي شەشىلمەيتىندەي كۇردەلى كەزەڭگە وتكەن بولسا دا، بۇعان قاتىستى كەلىسسوزدى قايتالاي كۇنتارتىپكە ەنگىزۋ قاجەت دەپ قارادى. ەكى جاق ەنەرگيا ماسەلەسى تۋرالى كەڭەس وتكىزۋ مەحانيزمىن قايتا قالپىنا كەلتىرۋدى ۇيعاردى.

　　رەسەي مەن ۋكراينا ەل باسشىلارىنىڭ ەكىجاقتىلى كەڭەسى وتكىزىلەر الدىندا، رەسەي، بەلورۋسسيا، قازاقستان كەدەندىك وداعى – ەۆروپا وداعى – ۋكراينا سىندى ءۇش جاق اراسىندا مينيسكىدە كەڭەس وتكىزىلدى. پۋتين، پورورشەنكو، بەلورۋسسيا زۇڭتۇڭى لۋكاچەنكو، قازاقستان زۇڭتۇڭى نازاربايەۆ، ەۆروپا وداعىنىڭ ديپلوماتيالىق جانە حاۋىپسىزدىك ساياساتىنا قاتىستى جوعارى دارەجەلى ۋاكىلى اشتون قاتارلىلار كەڭەسكە قاتىناستى، كەڭەستە ەشقانداي جازباشا كەلىسىمشارتقا قول قويىلعان جوق.

　　كەلۋ قاينارى: حالىق تورابى