بولمىستاعى پراميدا

2014.09.15 16:34   كەلۋ قاينارى : حالىق تورابى

　　حالىق تورابىنىڭ ءتىلشىسى لي لۋيىڭنىڭ 13 – قىركۇيەكتە كايردەن بەرگەن حابارى. ەگيپەت تە جۇڭگو سياقتى دۇنيە جۇزىندەگى ءتورت ۇلكەن وركەنيەتتى ەلدەردىڭ ءبىرى. ەگيپەت ۇزاق تاريحقا يە، شۇعىلالى مادەنيەتتى ەل؛ مۇندا الەمدى تامساندىرعان نەشە ءتۇرلى «كەرەمەت» اسىلدار بار. بەينە جۇڭگونىڭ ۇلى قورعانى سياقتى، ەگيپەتتى اۋىزعا العاندا، ەڭ الدىمەن ادامداردىڭ ويىنا پراميدا ەرىكسىز ورالادى.

　　12 – قىركۇيەك كۇنى، حالىق تورابىنىڭ «جاڭا جىبەك جولىنا ساپار» اتىنداعى الدىڭعى شەپتەگى حابار گرۋپپاسى كايرگە جەتىپ، دۇنيە جۇزىندەگى سىرلى سەگىز كەرەمەتتىڭ ءبىرى بولعان پراميدانى تاماشالادى. پراميدا بايىرعى ەگيپەتتەگى پەرعاۋىنداردىڭ زيراتى. ەڭ باسىندا پراميدا باسپالداقتى پراميدا بولىپ، قازىرگى پراميدانىڭ سۇلبىسى عانا بولعان. ەڭ ۇلكەن، ەڭ ايگىلى پراميدا حۋفۋ پراميداسى بولىپ، بيىكتىگى 130 مەتر، پراميدا 2 ميلليون 300 مىڭ ءداۋ تاستان ءتىزىلىپ سالىنعان، ءاربىر ءداۋ تاستىڭ سالماعى 2.5 توننا شىعادى. قازىرگى كەزدەگى سياقتى زامانداسقان ماشينا جوق بۇرىنعى زاماندا بۇل ءداۋ تاستاردى قالاي تاسىپ، قالاي جوتكەپ سالعانىنا ميىڭ جەتپەيدى، سوندىقتاندا بايىرعى ەگيپەت حالقىنىڭ اقىل- پاراساتىن سۇيىنبەي تۇرا المايسىز.

　　كەلۋ قاينارى: حالىق تورابى