شينجياڭدا جوعارى قارقىندى پويەز قاتىنادى

2014.11.17 14:19   كەلۋ قاينارى : حالىق تورابى

　　16 – قاراشا، ءۇرىمجى وڭتۇستىك پويەز بەكەتىنەن تۇڭعىش رەت جولعا شىققان D8602 كەزەكتى جولاۋشىلار پويەزى قۇمىلعا بەت الدى. سول كۇنى ساعات 11دە، لانجوۋ – شينجياڭ جوعارى قارقىندى تەمىر جولىنىڭ ءۇرىمجى مەن قۇمىل ارالىعىنداعى بولەگى رەسمي اشىلىپ ىسكە قوسىلۋى ــ شينجياڭنىڭ جوعارى قارقىندى تەمىر جول داۋىرىنە قادام تاستاعانىنان دەرەك بەردى. لانجوۋ – شينجياڭ جوعارى قارقىندى تەمىر جولىنىڭ جالپى ۇزىندىعى 1776 كيلومەتر، بۇل قازىرگى كەزدەگى دۇنيە جۇزىندەگى ءبىر رەتتە جاسالعان ەڭ ۇزاق ارالىقتاعى جوعارى قارقىندى پويەز جول. بۇل رەت الدىمەن ۇرىمجىدەن قۇمىلعا قاتىنايتىن 530 كيلومەتر ارالىقتاعى بولىگى ىسكە قوسىلىپ، جۇردەك پويەزدىڭ جىلدامدىعى ساعاتىنا 200 كيلومەترگە جەتىپ، بۇرىن ۇرىمجىدەن قۇمىلعا 5 ساعاتتا جەتەتىن بولسا، ەندى 3 ساعاتتا جەتەتىن بولدى. تەمىر جول تاراۋلارىنىڭ ايتۋىنشا، قۇمىلدان لانجوۋعا باراتىن بولىگى 2014 – جىلدىڭ اياعىندا ىسكە قوسىلماق.

　　كەلۋ قاينارى: حالىق تورابى