«كۇندەلىك پوچتا گازەتىنىڭ» حابارلاۋىنشا، جەرگىلىكتى ۋاقىت بويىنشا 2014 – جىلى 13 – قاراشادا پاريجدەگى ديسنەي باقشاسىنان 9 كيلومەتر قاشىقتىقتاعى جەردەن ءبىر جولبارىس بايقالعان، سول ماڭدا 3 قالاشىق بار. ساقشى جاق دەرەۋ ساقتىق اۋماعىن بەلگىلەپ، تۇرعىندارعا ۇيدەن شىقپاۋدى ەسكەرتكەن، ساقشىلار مەن ءورت ءوشىرۋ قىزمەتكەرلەرىنەن 60 ادام جولبارىستى ىزدەۋگە شىققان. حابارعا قاراعاندا، پاريجدەگى ديسنەي باقشاسى ەۆروپاداعى ەڭ ءىرى ساياحات ورىندارىنىڭ ءبىرى، 2013 – جىلى 14 ميلليون 900 مىڭ ساياحاتشى قابىلداعان. باقشادا جولبارىس باعىلماعان، بۇل جولبارىستىڭ قايدان كەلگەنى بەلگىسىز.
كەلۋ قاينارى: حالىق تورابى