كانادادا ۇشاق قونۋ بارىسىندا سىرعىما جولدان شىعىپ كەتىپ، 22 ادام جەڭىل جارالاندى

2015.03.30 15:36   كەلۋ قاينارى : حالىق تورابى

　　شينحۋا تورابى، 29 – ناۋرىز، بەيجيڭ. كانادا اۆياتسيا سەرىكتىگىنىڭ 29 – ناۋرىزدا مالىمدەۋىنشە، وسى سەرىكتىكتىڭ ەيرباس 320 جولاۋشىلار ۇشاعى سول كۇنى تاڭ سارىدە كانادانىڭ شىعىسىنداعى نوۆا – سكوتيا ولكەسى حاليفاكس قالاسىندا اۋەجايعا قونۋ بارىسىندا سىرعىما جولدان شىعىپ كەتىپ، ۇشاقتاعى 22 ادام جەڭىل جارالانعان.

　　كانادا اۆياتسيا سەرىكتىگىنىڭ مالىمەتىنە قاراعاندا، جەڭىل جارالانعان 22 ادام ەمحاناعا جەتكىزىلىپ تەكسەرىلگەن جانە ەمدەلگەن.

　　العاشقى تەكسەرۋ ناتيجەسىنە قاراعاندا، تورونتودان حاليفاكسكە ۇشقان AC624 كەزەكتى بۇل ۇشاقتا 132 جولاۋشى مەن 5 ۇشاق قىزمەتكەرى بار. ۇشاق جەرگىلىكتى ۋاقىت 28 – ناۋرىز ساعات 21 اينالاسىندا تورونتودان ۇشقان، ءاسىلى ءتۇن ورتاسىندا حاليفاكس قالاسىنداعى ستەينفەلد اۋەجايىنا قونباق بولعان.

　　ۇشاق قونعان كەزدە، حاليفاكس قالاسىندا اۋا رايى سۇركەيلى بولىپ، جەرگىلىكتى ورىن قارلى بوراننان ساقتانۋ سەگنالىن شىعارعان. مۇنان سىرت، حاليفاكس اۋەجايىندا ءبىر مەزەت توك توقتاعان، توك توقتاۋ سەبەبى ءالى انىقتالىپ بولماعان.

　　كەلۋ قاينارى: حالىق تورابى