پاكيستاندىق قارت جۇڭگولىق قۇربانداردىڭ قابىرىن 37 جىل كۇزەتكەن

2015.04.21 14:43   كەلۋ قاينارى : حالىق تورابى

　　حالىق تورابى، 21 – ءساۋىر، بەيجيڭ. 25 – ناۋرىز، پاكيستاننىڭ سولتۇستىگىندەگى قالا جيلجتتىڭ شىعىسىنداعى دانۋال قىستاعى، ءالي احمەد جۇڭگولىق قۇربانداردىڭ قابىرىن سىپىرىپ تازالاۋدا. پاكيستاننىڭ سولتۇستىگىندەگى اينالاسى تاۋمەن قورشالعان قالا جيلجتتە جۇڭگولىق قۇربانداردىڭ زيراتى سالىنعان، مۇندا كاراكوران تاس جولىن سالۋ بارىسىندا قازا بولعان 88 جۇڭگولىق تاس جول قۇرىلىسشىلارىنىڭ سۇيەگى جەرلەنگەن.

　　ءالي احمەد اتتى بۇل قاراپايىم پاكيستاندىق قارت 1978 – جىلدان تارتىپ قازىرگە دەيىن، بۇل زيراتتى ءوز ەركىمەن كۇزەتىپ، 37 جىل ۋاقىتىن وسى زيراتتاعى قۇرباندارمەن بىرگە وتكىزىپ كەلگەن. ول شينحۋا اگەنتتىگىنىڭ تىلشىسىنە: «مەن ءومىر بويى وسى زيراتتى كۇزەتەمىن»،-دەدى. پاكيستاندا احمەد سياقتى پاكيستان مەن جۇڭگونىڭ دوستىعىن ءۇن - ءتۇنسىز ارداقتاپ كەلە جاتقان نەشە ون مىڭداعان اق ەدىل جاندار بار، مىنە وسىنداي جۇڭگوعا دەگەن قاراپايىم دا تەرەڭ سۇيىسپەنشىلىك ورناتقان جاندار، پاكيستان مەن جۇڭگونىڭ ۇرپاقتان - ۇرپاققا جالعاسقان دوستىعىنىڭ بەرىك نەگىزىن قالىپتاستىرىپ، ەكى ەلدىڭ بۇلجىماس دوستىعىنىڭ ۇزدىكسىز دامۋىنداعى سارقىلماس قوزعاۋشى كۇشى بولىپ وتىر.

　　كەلۋ قاينارى: حالىق تورابى