7 – كەزەكتى «پەيىل لوڭقاسى» فۋتبول جارىسى اياقتادى

قىران كومانداسى اعا جۇلدەگەرلىكتى ەنشىلەدى

سۋرەتتە: قىران كومانداسىنىڭ مۇشەلەرى

2015.05.06 16:07   كەلۋ قاينارى : حالىق تورابى

　　حالىق تورابى، 6 – مامىر، بەيجيڭ. 6 كۇنگە سوزىلعان 7 – كەزەكتى «پەيىل لوڭقاسى» فۋتبول جارىسى ءساتتى اياقتادى. شەشۋشى جارىستا التاي ايماعىنان كەلگەن التاي قىران كومانداسى مەن ىلە قازاق وبلىسى قۇلجا اۋدانىنان كەلگەن كوكقامىر كومانداسى ونەر كورسەتتى. قالىپتى جارىس ۋاقىتىندا ناتيجە 1:1 بولىپ، ەكى جاق نۇكتە دوپ تەۋىپ باقتارىن سىناستى، سوڭعى ناتيجەدە التاي ايماعىنان كەلگەن قىران كومانداسى اعا جۇلدەگەرلىكتى ەنشىلەدى. كوكقامىر كومانداسى جۇلدەگەر، تارباعاتاي ايماعىنان كەلگەن ەمىل كومانداسى ءۇشىنشى بولدى.

　　بۇل رەتكى جارىسقا شينجياڭنىڭ ءار قايسى جەرلەرىنەن جانە قازاقستان ۋاكىلدەرى بولىپ 16 كوماندا قاتىناستى. وتكەن كەزەكپەن سالىستىرعاندا، بۇل جولعى جارىس ۇيىمداستىرۋ، جارىستىڭ كولەمى جانە ورەسى جاعىنان جۇيەلى، قىزعىندى، ءوز دەڭگەيىندە بولىپ، قالىڭ فۋتبول سۇيەر قاۋىمنىڭ جوعارى باعاسىن الدى.

　　ورتالىقتىڭ فۋتبولدى دامىتۋ رەفورماسىنا ساي، قالىڭ حالىق بۇقاراسىنا فۋتبولدى جالپىلاستىرۋ، بۇكىل قوعامدا ءار دەڭگەيدەگى جارىستاردى ۇيىمداستىرىپ، فۋتبول ويىنىن دامىتۋ، سونداي – اق فۋتبولعا تالانتى بار ساڭلاقتارعا وراي جاراتۋ مازمۇنى بويىنشا وتكىزىلگەن بۇل رەتكى قازاق جاستارىنىڭ فۋتبول جارىسى ازدا بولسادا وسى سالاعا ەڭبەك ءسىڭىرىپ، جۇيەدەن ۇلتىمىزدا كەنجە قالعان دەنە – تاربيە سالاسىنىڭ ءبىر تۇرى ــ فۋتبولعا ازدا بولسا نەگىز قالاپ، بۇدان كەيىنگى وسىنداي جارىستاردىڭ جالعاسىن تاۋىپ، جالپىلاسۋىنا جول اشتى. سوڭىندا، وسىنداي يگىلىكتى ىستەرگە ات سالىسىپ، بار كۇشىن سالىپ جۇرگەن ازاماتتار مەن ازاماتشالارعا، سونداي – اق قالىڭ فۋتبول سۇيەر قاۋىمعا العىس ايتا وتىرىپ، وسىنداي يگى ىستەر كوبەيە بەرسىن دەيمىز.


　　كەلۋ قاينارى: حالىق تورابى